ನಾಲ್ಕು ವರ್ಷ ಮಕ್ಕಳನ್ನು ಮನೆಯಲ್ಲೇ ಕೂಡಿ ಹಾಕಿದ ಪಾಲಕರು: ಕಾರಣ ಕೇಳಿದ್ರೆ ಶಾಕ್​ ಆಗೋದು ಖಚಿತ! House Of Horror

House Of Horror : ಕರೊನಾ.. ಈ ಹೆಸರು ಕೇಳಿದರೆ ಸಾಕು ಅನೇಕರ ಎದೆಯಲ್ಲಿ ನಡುಕ ಹುಟ್ಟಿಸುತ್ತದೆ. ಕರೊನಾ ಮಹಾಮಾರಿ ಇಡೀ ಜಗತ್ತನ್ನೇ ಬೆಚ್ಚಿಬೀಳಿಸಿದ್ದು ಎಲ್ಲರಿಗೂ ಗೊತ್ತೇ ಇದೆ. ಈ ಕಾಯಿಲೆಯಿಂದ ಸಾವಿರಾರು ಜನರು ಪ್ರಾಣ ಕಳೆದುಕೊಂಡಿದ್ದಾರೆ.

ಇದು ಯಾವುದೇ ಚಿಕಿತ್ಸೆ ಇಲ್ಲದ ಸಾಂಕ್ರಾಮಿಕ ರೋಗವಾದ್ದರಿಂದ, ಸ್ವಯಂ ನಿಯಂತ್ರಣವೇ ಚಿಕಿತ್ಸೆ ಎಂಬಂತೆ ಸರ್ಕಾರಗಳು ಲಾಕ್‌ಡೌನ್‌ಗಳನ್ನು ವಿಧಿಸಿದವು. ಜನರು ತಮ್ಮ ಮನೆಗಳಿಂದ ಹೊರಬರಲು ಸಾಧ್ಯವಾಗದ ಪರಿಸ್ಥಿತಿ ಉದ್ಭವಿಸಿತು. ಲಸಿಕೆಗಳು ಬಂದ ನಂತರ ಲಾಕ್‌ಡೌನ್ ಅನ್ನು ಕ್ರಮೇಣ ತೆಗೆದುಹಾಕಲಾಯಿತು. ಆದಾಗ್ಯೂ, ಕರೊನಾ ಭಯದಿಂದ ಲಾಕ್‌ಡೌನ್ ತೆಗೆದುಹಾಕಿದ ನಂತರವೂ ಕೆಲವರು ತಮ್ಮ ಮನೆಗಳಲ್ಲಿಯೇ ಬೀಗ ಹಾಕಿಕೊಂಡ ಘಟನೆಗಳು ನಡೆದಿವೆ.

ಸ್ಪೇನ್‌ನಲ್ಲಿ ಇತ್ತೀಚೆಗೆ ಅದೇ ರೀತಿಯ ಒಂದು ಘಟನೆ ನಡೆದಿದೆ. ಕರೊನಾ ಭಯದಿಂದಾಗಿ ಪಾಲಕರು ತಮ್ಮ ಮೂವರು ಮಕ್ಕಳನ್ನು ಕಳೆದ ನಾಲ್ಕು ವರ್ಷಗಳಿಂದ ಮನೆಯ ಕೋಣೆಯಲ್ಲಿ ಬಂಧಿಸಿದ್ದರು. ಈ ವಿಚಾರದ ಪೊಲೀಸರಿಗೆ ಗೊತ್ತಾದ ಬಳಿಕ ಮಕ್ಕಳನ್ನು ಬಿಡುಗಡೆ ಮಾಡಲಾಗಿದೆ.

ಇದನ್ನೂ ಓದಿ: ದುಬಾರಿ ದುನಿಯಾ… ಜೀವನ ನಿರ್ವಹಣೆಗಾಗಿ ಹಾಟ್​ ಬೆಡ್ಡಿಂಗ್​ ಐಡಿಯಾ ಮೂಲಕ ಲಕ್ಷ ಲಕ್ಷ ಹಣ ಗಳಿಸುತ್ತಿರುವ ಯುವತಿ! Hot Bedding

ಸ್ಪೇನ್‌ನಲ್ಲಿ ವಾಸಿಸುವ ದಂಪತಿಗೆ ಮೂವರು ಮಕ್ಕಳಿದ್ದಾರೆ. ಇವರಲ್ಲಿ 8 ವರ್ಷದ ಅವಳಿ ಮಕ್ಕಳು ಮತ್ತು 10 ವರ್ಷದ ಇನ್ನೊಂದು ಮಗು ಸೇರಿದೆ. ಈ ಘಟನೆ ಬೆಳಕಿಗೆ ಬಂದ ನಂತರ, ಸ್ಪ್ಯಾನಿಷ್ ಪೊಲೀಸರು ಮೂವರನ್ನು ರಕ್ಷಿಸಿದ್ದಾರೆ. ಮೂವರನ್ನು ಮನೆಯಲ್ಲಿಯೇ ಲಾಕ್‌ಡೌನ್‌ನಲ್ಲಿ ಇರಿಸಲಾಗಿತ್ತು.

ಮಕ್ಕಳನ್ನು ಕೂಡಿಟ್ಟಿದ್ದ ಮನೆಯನ್ನು "ಭಯಾನಕ ಮನೆ" ಎಂದು ಪೊಲೀಸರು ಕರೆದಿದ್ದಾರೆ. 2021ರ ಡಿಸೆಂಬರ್ ತಿಂಗಳಿಂದ ಮಕ್ಕಳು ಮನೆಯಿಂದ ಹೊರಗೆ ಹೋಗಿಲ್ಲ. ಅಲ್ಲದೆ, ಪಾಲಕರು ತಮ್ಮ ಮಕ್ಕಳಿಗೆ ಮುಖವಾಡ ಧರಿಸುವಂತೆಯೂ ಒತ್ತಾಯಿಸಿದ್ದಾರೆ ಎಂದು ವರದಿಗಳು ಬಹಿರಂಗಪಡಿಸಿವೆ.

ಸದ್ಯ ಮಕ್ಕಳನ್ನು ರಕ್ಷಿಸಲಾಗಿದ್ದು, ಪಾಲಕರ ವಿರುದ್ಧ ಮಾನಸಿಕ ಕಿರುಕುಳದ ಪ್ರಕರಣವನ್ನು ದಾಖಲಿಸಲಾಗಿದೆ. ಪ್ರಸ್ತುತ ಮಕ್ಕಳನ್ನು ಆರೈಕೆ ಕೇಂದ್ರಕ್ಕೆ ಸ್ಥಳಾಂತರಿಸಲಾಗುತ್ತಿದೆ ಮತ್ತು ಅವರಿಗೆ ವೈದ್ಯಕೀಯ ನೆರವು ನೀಡಲಾಗುತ್ತಿದೆ. ಅವರ ಮಾನಸಿಕ ಸ್ಥಿತಿಯನ್ನು ಸುಧಾರಿಸಲು ಕೌನ್ಸೆಲಿಂಗ್ ನೀಡಲಾಗುತ್ತಿದೆ. (ಏಜೆನ್ಸೀಸ್​)

https://www.vijayavani.net/man-breaks-into-pak-woman-seema-haider-home-claims-she-did-black-magic

https://www.vijayavani.net/today-is-world-laughter-day-laugh-and-be-happy