ಹಾಲಿವುಡ್​ ನಿರ್ದೇಶಕನ ಹುಡುಕಾಟದಲ್ಲಿ ಹೃತಿಕ್​ ರೋಶನ್​ ... ಯಾಕೆ ಗೊತ್ತಾ?

ಮುಂಬೈ: ಹೃತಿಕ್​ ರೋಶನ್​ ಅಭಿನಯದ 'ವಿಕ್ರಂ ವೇದ' ಕಳೆದ ವರ್ಷ ಬಿಡುಗಡೆಯಾಗಿ ಅಷ್ಟೇನೂ ಸದ್ದು ಮಾಡದೇ ಮಾಯವಾಗಿದೆ. ಇತ್ತ ಗೆಳತಿ ಸಬಾ ಆಜಾದ್​ ಜತೆಗೆ ಜಾಲಿಯಾಗಿ ಓಡಾಡಕೊಂಡಿರುವ ಹೃತಿಕ್​, ಸದ್ದಿಲ್ಲದೆ ತಮ್ಮ ಮುಂದಿನ ಚಿತ್ರದ ತಯಾರಿ ನಡೆಸಿದ್ದಾರಂತೆ.

ಇದನ್ನೂ ಓದಿ: ಮನೆಯವರಿಗೆ ಅನ್ಯಾಯ ಮಾಡುವುದಕ್ಕೆ ಇಷ್ಟವಿಲ್ಲ … ಆಮೀರ್​ ಹೀಗೆ ಹೇಳಿದ್ದು ಯಾಕೆ?

'ವಿಕ್ರಂ ವೇದ' ಚಿತ್ರದ ನಂತರ 'ರಾಮಾಯಣ' ಚಿತ್ರದಲ್ಲಿ ಹೃತಿಕ್​ ನಟಿಸುತ್ತಿದ್ದಾರೆ ಎಂಬ ಸುದ್ದಿ ಇತ್ತು. ಆದರೆ, ಕಾರಣಾಂತರಗಳಿಂದ ಆ ಚಿತ್ರದಲ್ಲಿ ಹೃತಿಕ್​ ನಟಿಸುತ್ತಿಲ್ಲ ಎಂದು ಸುದ್ದಿಯಾಗಿದೆ. ಹಾಗಾದರೆ, ಅವರ ಮುಂದಿನ ನಡೆ ಏನು ಎಂಬ ಕುತೂಹಲ ಎಲ್ಲರಿಗೂ ಇದೆ. ಆ ಕುತುಹಲಕ್ಕೆ ಉತ್ತರ ಸಿಕ್ಕಿದ್ದು, ಹೃತಿಕ್​ ಅಭಿನಯದ ಮುಂದಿನ ಚಿತ್ರ 'ಕ್ರಿಶ್​ 4' ಆಗಲಿದೆ ಎಂದು ಹೇಳಲಾಗುತ್ತಿದೆ.

ಕೆಲವು ವರ್ಷಗಳ ಹಿಂದೆ 'ಕ್ರಿಶ್​ 3' ಬಿಡುಗಡೆಯಾದಾಗಲೇ, ಅದೇ ಸರಣಿಯ ಇನ್ನೊಂದು ಚಿತ್ರ ಬರಲಿದೆ ಎಂದು ಹೇಳಲಾಗಿತ್ತು. ಆದರೆ, ಕಾರಣಾಂತರಗಳಿಂದ ಇದುವರೆಗೂ ಬಂದಿಲ್ಲ. ಈಗ ಹೃತಿಕ್​ ಮತ್ತೊಮ್ಮೆ ಸೂಪರ್​ ಹೀರೋ ಆಗುವುದಕ್ಕೆ ಮನಸ್ಸು ಮಾಡಿದ್ದಾರೆ. ಕೆಲವು ವರ್ಷಗಳಿಂದ ನೆನೆಗುದಿಗೆ ಬಿದ್ದಿದ್ದ 'ಕ್ರಿಶ್​ 4' ಚಿತ್ರದಲ್ಲಿ ನಟಿಸುವುದಕ್ಕೆ ಒಪ್ಪಿಕೊಂಡಿದ್ದಾರೆ. ಮೊದಲ ಹಂತವಾಗಿ, ಅವರು ಕಥೆಯನ್ನು ಓಕೆ ಲಾಕ್​ ಮಾಡಿದ್ದಾರಂತೆ. ಇನ್ನು, ಶೂಟಿಂಗ್​ಗೆ ಹೋಗುವುದೊಂದೇ ಬಾಕಿ.

ಆದರೆ, ಇಲ್ಲಿ ಒಂದು ಸಮಸ್ಯೆ ಇದೆ. ಇದಕ್ಕೂ ಮುನ್ನ 'ಕ್ರಿಶ್​' ಸರಣಿಯ ಚಿತ್ರಗಳನ್ನು ಈ ಹಿಂದೆ ನಿರ್ದೇಶಿಸಿದ್ದು ಹೃತಿಕ್​ ರೋಶನ್​ ಅವರ ತಂದೆ ರಾಕೇಶ್​ ರೋಶನ್. ಆದರೆ, ಅವರಿಗೆ ವಯಸ್ಸಾಗಿದೆ. ಮೊದಲಿನಂತೆ ನಿರ್ದೇಶನ ಮಾಡುವುದಕ್ಕೆ ಸಾಧ್ಯವಿಲ್ಲ. ಹಾಗಾಗಿ, 'ಕ್ರಿಶ್​' ಸರಣಿಯ ಮುಂದಿನ ಚಿತ್ರ ನಿರ್ದೇಶಿಸುವುದಕ್ಕೆ ಇನ್ನೊಬ್ಬ ನಿರ್ದೇಶಕರನ್ನು ಹುಡುಕುತ್ತಿದ್ದಾರಂತೆ ಹೃತಿಕ್​.

ಇದನ್ನೂ ಓದಿ: ‘ಕೆಜಿಎಫ್​ 2’ ದಾಖಲೆಯನ್ನು ಮುರಿದ ‘ಪಠಾಣ್​’; ಉಳಿದಿರೋದು ‘ಬಾಹುಬಲಿ 2’ ಮಾತ್ರ

ಈ ಬಾರಿ ಪ್ಯಾನ್​ ವರ್ಲ್ಡ್​ ಚಿತ್ರವಾಗಿರುವುದರಿಂದ, ಚಿತ್ರಕ್ಕೆ ಹಾಲಿವುಡ್​ ನಿರ್ದೇಶಕರನ್ನು ಕರೆತಂದರೆ ಹೇಗೆ ಎಂದು ಅವರು ಯೋಚಿಸುತ್ತಿದ್ದಾರಂತೆ. ಅಷ್ಟೇ ಅಲ್ಲ, ಈ ನಿಟ್ಟಿನಲ್ಲಿ ಚಿತ್ರ ನಿರ್ದೇಶಿಸಬಲ್ಲ ಸೂಕ್ತ ನಿರ್ದೇಶಕರ ಹುಡುಕಾಟದಲ್ಲಿರುವ ಅವರು, ಸದ್ಯದಲ್ಲೇ ಈ ಸಂಬಂಧ ಅಮೆರಿಕಾಗೆ ಹಾರುವ ಸಾಧ್ಯತೆ ಎಂದು ಹೇಳಲಾಗುತ್ತಿದೆ. ಅದೇನಾದರೂ ನಿಜವಾದರೆ, ಹಾಲಿವುಡ್​ ನಿರ್ದೇಶಕರೊಬ್ಬರು ಮೊದಲ ಬಾರಿಗೆ ಪಕ್ಕಾ ಕಮರ್ಷಿಯಲ್​ ಹಿಂದಿ ಚಿತ್ರವೊಂದನ್ನು ನಿರ್ದೇಶಿಸಿದ ಹಾಗಾಗುತ್ತದೆ.

https://www.vijayavani.net/is-urvashi-rautela-part-of-rishab-shettys-kantara-2/