48ನೇ ವಯಸ್ಸಿನಲ್ಲಿ ಕಾಮಾಸಕ್ತಿ ಹೆಚ್ಚಿಸಿಕೊಂಡ ಟೈಟಾನಿಕ್​ ಬ್ಯೂಟಿ! ಥೆರಪಿ ರಹಸ್ಯ ಬಿಚ್ಚಿಟ್ಟ ಕೇಟ್ ವಿನ್ಸ್‌ಲೆಟ್!

ನವದೆಹಲಿ: ಮೂಡ್ ಸ್ವಿಂಗ್​ನಿಂದ ಹಿಡಿದು ದೈಹಿಕ ಬದಲಾವಣೆಯವರೆಗೂ ನಮ್ಮ ದೇಹದ ಒಟ್ಟಾರೆ ಆರೋಗ್ಯದಲ್ಲಿ ಹಾರ್ಮೋನ್​ಗಳು ಮಹತ್ವದ ಪಾತ್ರ ವಹಿಸುತ್ತವೆ. ಹಾರ್ಮೋನ್​ಗಳಲ್ಲಿ ಒಂದು ಸಣ್ಣ ಅಸಮತೋಲನ ಉಂಟಾದರೂ ದೇಹದಲ್ಲಿ ಸಾಕಷ್ಟು ಏರಿಳಿತಗಳು ಸಂಭವಿಸುತ್ತವೆ.

ಇತ್ತೀಚೆಗೆ "ಹೌ ಟು ಫೇಲ್​ ವಿಥ್​ ಎಲಿಜಬೆತ್​-ಪಾರ್ಟ್​ 1" ಪಾಡಕಾಸ್ಟ್​ನಲ್ಲಿ ಟೈಟಾನಿಕ್​ ಸಿನಿಮಾ ಖ್ಯಾತಿಯ ಹಾಲಿವುಡ್​ ನಟಿ ಕೇಟ್​ ವಿನ್ಸ್​ಲೆಟ್ ಭಾಗವಹಿಸಿದ್ದರು. ಈ ವೇಳೆ ಅವರು ಲೈಂಗಿಕ ಆಸಕ್ತಿಯ ಬಗ್ಗೆ ಮುಕ್ತವಾಗಿ ಮಾತನಾಡಿದರು. ಕೆಲವೊಮ್ಮೆ ಮಹಿಳೆಯರಲ್ಲಿ ಕಾಮಾಸಕ್ತಿ ಕುಸಿತಗೊಳ್ಳುತ್ತದೆ. ಟೆಸ್ಟೋಸ್ಟೆರಾನ್ ಹಾರ್ಮೋನ್​ ಕಡಿಮೆಯಾಗುವುದರಿಂದ ಇದು ಸಂಭವಿಸುತ್ತದೆ. ಮಹಿಳೆಯರಲ್ಲೂ ಟೆಸ್ಟೋಸ್ಟೆರಾನ್ ಹಾರ್ಮೋನ್​ ಉತ್ಪತಿಯಾಗುತ್ತದೆ ಎಂಬುದು ಬಹುತೇಕರಿಗೆ ತಿಳಿದಿಲ್ಲ. ಇದರ ಮಟ್ಟ ಕುಸಿತಗೊಂಡಾಗ ಮಹಿಳೆಯರ ಲೈಂಗಿಕ ಆಸಕ್ತಿಯ ಮೇಲೆ ಪ್ರಭಾವ ಬೀರುತ್ತದೆ ಎಂದು 48 ವರ್ಷದ ಕೇಟ್​ ವಿನ್ಸ್​ಲೆಟ್​ ಹೇಳಿದರು.

ಟೆಸ್ಟೋಸ್ಟೆರಾನ್ ಹಾರ್ಮೋನ್​ಗಳು ಸಂಪೂರ್ಣ ಕಡಿಮೆಯಾದಾಗ ಅವುಗಳನ್ನು ಬದಲಿಸಬೇಕಾಗುತ್ತದೆ. ಇಂದಿನ ಆಧುನಿಕ ಯುಗದಲ್ಲಿ ಇದು ಸಾಧ್ಯವಿದೆ. ಟೆಸ್ಟೋಸ್ಟೆರಾನ್ ಹಾರ್ಮೋನ್​ಗಳ ಮಟ್ಟವನ್ನು ಮತ್ತೆ ಹೆಚ್ಚಿಸಿದಾಗ ಲೈಂಗಿಕ ಆಸಕ್ತಿ ಬೆಳೆಯುತ್ತದೆ. ಇದು ನನಗೆ ತುಂಬಾ ಗೊತ್ತಿದೆ ಎನ್ನುವ ಮೂಲಕ ತಾವು ಕೂಡ ಟೆಸ್ಟೋಸ್ಟೆರಾನ್ ಹಾರ್ಮೋನ್​ ಥೆರಪಿ ಮಾಡಿಸಿಕೊಂಡಿರುವುದಾಗಿ ಕೇಟ್​ ವಿನ್ಸ್​ಲೆಟ್ ಒಪ್ಪಿಕೊಂಡರು.

ಪಾಡ್​ಕಾಸ್ಟ್​ ಕೇಳುಗರೊಬ್ಬರು ತನ್ನ ದೀರ್ಘಾವಧಿಯ ಗೆಳೆಯನೊಂದಿಗೆ ಲೈಂಗಿಕ ಬಯಕೆಯನ್ನು ಕಳೆದುಕೊಳ್ಳುವ ಬಗ್ಗೆ ಆತಂಕ ವ್ಯಕ್ತಪಡಿಸಿದಾಗ ಕೇಟ್​ ವಿನ್ಸ್​ಲೆಟ್​ ಈ ವಿವರಣೆಯನ್ನು ನೀಡಿದರು. ಅಲ್ಲದೆ, ದೈಹಿಕ ಆರೋಗ್ಯಕ್ಕಾಗಿ ನಾನು ಕೆಲ ಸಲಹೆಗಳನ್ನು ನೀಡುತ್ತೇನೆ. ನಿಮ್ಮ ಥೈರಾಯ್ಡ್ ಮತ್ತು ಟೆಸ್ಟೋಸ್ಟೆರಾನ್ ಮಟ್ಟವನ್ನು ಆಗಾಗ ಪರೀಕ್ಷಿಸಿ ಏಕೆಂದರೆ, ಈ ಎರಡೂ ಹಾರ್ಮೋನ್​ಗಳು ನಿಮ್ಮ ಭಾವನೆಗಳ ಮೇಲೆ ನೇರ ಪರಿಣಾಮ ಬೀರಬಹುದು ಎಂದರು. (ಏಜೆನ್ಸೀಸ್​)

https://www.vijayavani.net/navya-nair-caught-chasing-a-lorry-that-hit-a-cyclist-after-ensuring-treatment-the-police-were-informed-and-returned

https://www.vijayavani.net/do-you-have-a-fish-symbol-on-your-palm-you-have-to-be-shocked-to-hear-its-meaning

https://www.vijayavani.net/a-rare-2-headed-snake-is-kansas-citys-most-charming-new-visitor