ಮುಂಬೈ: ಸುಶಾಂತ್ ಸಿಂಗ್ ಆತ್ಮಹತ್ಯೆ ಮತ್ತು ಬಾಲಿವುಡ್ ಡ್ರಗ್ ವಿಚಾರ ಸದ್ಯ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿದೆ. ದಿನದಿಂದ ದಿನಕ್ಕೆ ಹೊಸ ಹೊಸ ಬೆಳವಣಿಗೆಗಳು ಆಗುತ್ತಿದ್ದು, ಇದೀಗ ರಿಯಾ ಚಕ್ರವರ್ತಿಗೆ ಜಾಮೀನು ಲಭಿಸಿದ್ದು, ಕೊಂಚ ನಿರಾಳರಾಗಿದ್ದಾರೆ.
ಇದನ್ನೂ ಓದಿ: PHOTOS| ಮನಾಲಿಯಲ್ಲಿ ಪ್ರಣೀತಾ ಹಂಗಾಮಾ
ನಿನ್ನೆಯಷ್ಟೇ ಮುಂಬೈನ ವಿಶೇಷ ನ್ಯಾಯಾಲಯದಲ್ಲಿ ಅಕ್ಟೋಬರ್ 20ರ ವರೆಗೂ ರಿಯಾ ನ್ಯಾಯಾಂಗ ಬಂಧನದಲ್ಲಿರುವಂತೆ ಆದೇಶಿಸಿತ್ತು. ಇಂದು ನಡೆದ ಜಾಮೀನು ಅರ್ಜಿಯ ವಿಚಾರಣೆಯಲ್ಲಿ ಜಾಮೀನು ಲಭಿಸಿದೆ.
‘ತನ್ನ ಮಾದಕವಸ್ತು ಅಭ್ಯಾಸವನ್ನು ಉಳಿಸಿಕೊಳ್ಳಲು ತನ್ನ ಹತ್ತಿರದವರ ಲಾಭವನ್ನು ಸುಶಾಂತ್ ಪಡೆದುಕೊಂಡಿದ್ದಾನೆ. ಇದರಿಂದಾಗಿ ನಾನು ಮತ್ತು ನನ್ನ ಸಹೋದರ ಈ ಪ್ರಕರಣದಲ್ಲಿ ಸಿಲುಕಿಕೊಂಡಿದ್ದೇವೆ. ಎಂದು ಜಾಮೀನು ಅರ್ಜಿಯಲ್ಲಿ ರಿಯಾ ನಮೂದಿಸಿದ್ದರು.
ಸದ್ಯ ಒಂದು ಲಕ್ಷ ಮೊತ್ತದ ಬಾಂಡ್ ಪಡೆದು, ಷರತ್ತುಬದ್ಧ ಜಾಮೀನು ನೀಡಿರುವ ಕೋರ್ಟ್, ಪಾಸ್ಪೋರ್ಟ್ ವಶಕ್ಕೆ ಪಡೆದುಕೊಂಡಿದೆ. ಇದರ ಜತೆಗೆ ಸಹೋದರ ಶೋವಿಕ್ ಜಾಮೀನು ಅರ್ಜಿಯನ್ನು ಮುಂಬೈ ಹೈಕೋರ್ಟ್ ತಿರಸ್ಕರಿಸಿದೆ.
ಇದನ್ನೂ ಓದಿ: ಹೊಸ ಮನ್ವಂತರದತ್ತ ಚಿತ್ರಮಂದಿರಗಳು
ಅಂದಹಾಗೆ, ಡ್ರಗ್ ಮಾಫಿಯಾದಲ್ಲಿ ಭಾಗಿಯಾದ ಹಿನ್ನೆಲೆಯಲ್ಲಿ ನ್ಯಾಶನಲ್ ನಾಕ್ರೋಟಿಕ್ಸ್ ಕಂಟ್ರೋಲ್ ಬ್ಯೂರೋ ಸೆ. 8ರಂದು ರಿಯಾ ಮತ್ತವರ ಸಹೋದರ ಶೋವಿಕ್ರನ್ನು ಬಂಧಿಸಿತ್ತು. (ಏಜೆನ್ಸೀಸ್)
ವಿಚಾರಣೆ ಮುಗಿಯುತ್ತಿದ್ದಂತೆ ಮತ್ತೆ ಗೋವಾದತ್ತ ಶೂಟಿಂಗ್ಗೆ ಹೊರಟ ದೀಪಿಕಾ