'ಬರ್ತ್ ಡೇ ಪಾರ್ಟಿಗೆ ಹೋದರೆ, ರೇವ್ ಪಾರ್ಟಿ ಅಂತ'..ಮೀಡಿಯಾ ಮೇಲೆ ಗೂಬೆ ಕೂರಿಸಿದ ಹೇಮಾ!

ಹೈದರಾಬಾದ್​: ನಾನು ರೇವ್ ಪಾರ್ಟಿಗೆ ಹೋಗಿಲ್ಲ..ನನ್ನ ಅಣ್ಣನ ಮಗನ ಜೊತೆ ಬರ್ತ್​ಡೇ ಪಾರ್ಟಿಗೆ ಬೆಂಗಳೂರಿಗೆ ಹೋಗಿದ್ದೆ. ಆದರೆ ಈ ಮಾಧ್ಯಮಗಳು ಸುಳ್ಳು ಸುದ್ದಿ ಹಬ್ಬಿಸಿವೆ ಎಂದು ತೆಲುಗು ನಟಿ ಹೇಮಾ ಸಂದರ್ಶನವೊಂದರಲ್ಲಿ ಹೇಳುವ ಮೂಲಕ ಮತ್ತೆ ಸುದ್ದಿಯಾಗಿದ್ದಾಳೆ.

ಇದನ್ನೂ ಓದಿ: ವಿದ್ಯಾರ್ಥಿ ಜೊತೆ ಶಿಕ್ಷಕಿ ರೊಮ್ಯಾನ್ಸ್..ಕೊನೆಗೆ ಅತ್ಯಾಚಾರ ಪ್ರಕರಣ! ಯುವಕ ಏನಾದ ಗೊತ್ತಾ?

ಪ್ರಕರಣದಲ್ಲಿ ಡ್ರಗ್ಸ್ ಸಿಕ್ಕಿಲ್ಲ, ಸ್ಯಾಂಪಲ್ ಸಿಕ್ಕಿಲ್ಲ, ಡ್ರಗ್ಸ್ ತೆಗೆದುಕೊಂಡೆವು ಎಂದು ಮಾಧ್ಯಮದವರು ಹೇಳಿದ್ದಾರೆ ಎಂದು ಹೇಮಾ ಹೇಳಿದ್ದಾರೆ.

ಹೀಗಿದ್ದರೂ ನಿಮ್ಮನ್ನು ಪೊಲೀಸರು ಏಕೆ ಬಂಧಿಸಿದರು? .. ಮಾದರಿಗಳು ಪಾಸಿಟಿವ್ ಬಂದಿವೆಯಲ್ಲಾ, ಅದರ ಅರ್ಥವೇನು? ಎಂದು ಮಾಧ್ಯಮದವರು ಪ್ರಶ್ನಿಸುತ್ತಿದ್ದಂತೆ, ವಿಷಯ ನ್ಯಾಯಾಲಯದಲ್ಲಿದೆ ಎಂದು ಹೇಮಾ ಹೇಳುತ್ತಾರೆ.

ಇತ್ತೀಚೆಗೆ ಬೆಂಗಳೂರಿನಲ್ಲಿ ನಡೆದ ರೇವ್ ಪಾರ್ಟಿಯಲ್ಲಿ ನಟಿ ಹೇಮಾ ಸಿಕ್ಕಿಬಿದ್ದಿದ್ದು, ಪೊಲೀಸರು ಬಂಧಿಸಿ ರಿಮಾಂಡ್‌ಗೆ ಕಳುಹಿಸಿದ್ದರು. ಬಳಿಕ ಜಾಮೀನಿನ ಮೇಲೆ ಹೊರಬಂದಿದ್ದರು.

ನಾನು ಬೆಂಗಳೂರು ರೇವ್ ಪಾರ್ಟಿಗೆ ಹೋಗಿಲ್ಲ, ಬರ್ತ್ ಡೇ ಪಾರ್ಟಿಗೆ ಮಾತ್ರ ಹೋಗಿದ್ದೆ. ಭಾನುವಾರ ರೇವ್ ಪಾರ್ಟಿ ನಡೆದಿದ್ದು, ಶನಿವಾರ ಬರ್ತ್‌ಡೇ ಪಾರ್ಟಿಗೆ ನಾನು ಹೋಗಿದ್ದೆ. ಸ್ಯಾಂಪಲ್ ನೀಡದೇ ಪಾಸಿಟಿವ್ ಎಂದು ಸುಳ್ಳು ಸುದ್ದಿ ಹಬ್ಬಿಸಿದ್ದು, ಮಾಧ್ಯಮಗಳು ತನ್ನ ವಿಚಾರವನ್ನು ಅಪಪ್ರಚಾರ ಮಾಡಿದ್ದಕ್ಕೆ ಹೇಮಾ ಕೋಪಗೊಂಡಿದ್ದಾರೆ.

ಹೇಮಾ.. ಬ್ರೇಕಿಂಗ್ ನ್ಯೂಸ್.. ಹೇಮಾ ಮಾಡಿದ್ದು.. ಹೇಮಾ ಮಾಡಿದ್ದು ಎಂದು ಮಾಧ್ಯಮಗಳು ಅಬ್ಬರಿಸಿದವು. ನಾನೇನು ಭಯೋತ್ಪಾದಕಿಯೇ? ನಾನು ಎಷ್ಟು ಜನರನ್ನು ಕೊಂದಿದ್ದೇನೆ? ಯಾವುದಾದರೂ ಬಾಂಬು ಸಾಗಿಸಿದ್ದೇನಾ? ನಾನು ನನ್ನ ಸಹೋದರನ ಮಗನ ಜೊತೆ ಹೋಗಿದ್ದೆ. ನಾಳೆ ತೀರ್ಪು ಬಂದಾಗ ಎಲ್ಲ ತಿಳಿಯಲಿದೆ ಎಂದು ಹೇಮಾ ಹೇಳಿಕೊಂಡಿದ್ದಾರೆ.

ಮಾಧ್ಯಮಗಳಲ್ಲಿ ನನ್ನನ್ನು ಭಯೋತ್ಪಾದಕಿಗಿಂತ ಕೆಟ್ಟದಾಗಿ ತೋರಿಸಲಾಗಿದೆ. ಅದನ್ನು ನೋಡಿ ಅಮ್ಮ ಒಂದು ವಾರ ಊಟ ಮಾಡಲಿಲ್ಲ. ಮಾಧ್ಯಮಗಳವರು ನಿಜವಾದ ಜನರಾ? ನನ್ನ ತಾಯಿಗೆ ಏನಾದರೂ ಆಗಲಿ... ನಾನು ಸತ್ತರೆ... ನನ್ನ ಮೃತದೇಹದ ಮೇಲೂ ತಪ್ಪು ಬರೆಯುತ್ತಾರೆ. ಅವಮಾನ ತಾಳಲಾರದೆ ಡ್ರಗ್ಸ್ ಸೇವಿಸಿ ಸತ್ತಳು ಎಂದು ಬರೆಯುತ್ತಾರೆ. ನ್ಯಾಯ ಎಲ್ಲಿದೆ? ಎಂದು ಪ್ರಶ್ನಿಸಿದ್ದಾರೆ.

ನಾನು ನೋವು ತೋಡಿಕೊಂಡರೆ ನಟಿಸುತ್ತೇನೆ ಎನ್ನುತ್ತಾರೆ. ಓವರ್ ರಿಯಾಕ್ಷನ್ ಎನ್ನುತ್ತಾರೆ, ಇನ್ನೇನು ಮಾಡಲಿ? ನನ್ನ ನೋವನ್ನು ಹೇಗೆ ಹೇಳಲಿ? ಎಂದು ಹೇಮಾ ಅಳಲು ತೋಡಿಕೊಂಡಿದ್ದಾರೆ.

https://www.vijayavani.net/nagachaitanya-reaction-on-astrologer-venu-swamy-prediction-on-his-married-life-with-sobhita