ಕರಾವಳಿಯಲ್ಲಿ ಮಳೆ ಬಿರುಸು; ಉಳಿದೆಡೆ ಸಾಧಾರಣ ವರ್ಷಧಾರೆ

ಬೆಂಗಳೂರು: ಕರಾವಳಿ ಭಾಗದಲ್ಲಿ ಶನಿವಾರವೂ ಮಳೆ ಮುಂದುವರಿದಿದೆ. ಆದರೆ, ಮಲೆನಾಡು, ದಕ್ಷಿಣ ಒಳನಾಡು ಹಾಗೂ ಉತ್ತರ ಒಳನಾಡಿನಲ್ಲಿ ಮುಂಗಾರು ತುಸು ಮಂಕಾಗಿದೆ.

ನಾಲ್ಕು ವಾರ ಕಳೆದರೂ ಪ್ರಸಕ್ತ ತಿಂಗಳಲ್ಲಿ ಶೇ.64 ಮಳೆ ಕೊರತೆ ಉಂಟಾಗಿದೆ. ಇದರಿಂದಾಗಿ ರಾಜ್ಯದಲ್ಲಿ ಭರದ ಛಾಯೆ ಆವರಿಸುವ ಆತಂಕ ತಂದೊಡ್ಡಿದ್ದು, ಹೇಳಿಕೊಳ್ಳವಷ್ಟೂ ಕೃಷಿ ಚಟುವಟಿಕೆಗಳು ನಡೆದಿಲ್ಲ.

ಇದನ್ನೂ ಓದಿ: 488 ರೂಪಾಯಿಗೆ ಜೋಡಿ ಕೊಲೆ; ಓರ್ವ ಆರೋಪಿ ಅರೆಸ್ಟ್​

ಯೆಲ್ಲೋ ಅಲರ್ಟ್​

ಉತ್ತರ ಕನ್ನಡದ ಕಾರವಾರ,ಭಟ್ಕಳ ಕುಮಟಾ ತಾಲೂಕಿನಾದ್ಯಂತ ಭರ್ಜರಿ ವರ್ಷಧಾರೆಯಾಗಿದೆ. ಉಡುಪಿ, ದಕ್ಷಿಣ ಕನ್ನಡ, ಉತ್ತರ ಕನ್ನಡದಲ್ಲಿ ಜೂ 25ರಂದು ಬಿರುಸಾಗಿ ಮಳೆ ಬೀಳುವ ಸಾಧ್ಯತೆ ಇರುವುದರಿಂದ ಹವಾಮಾನ ಇಲಾಖೆ ಯೆಲ್ಲೋ ಅಲರ್ಟ್ ೋಷಿಸಿದೆ. ಅಲ್ಲದೆ, ಜೂ 26ರಿಂದ ಜೂ 29ರವರೆಗೆ ಈ ಜಿಲ್ಲೆಗಳಲ್ಲಿ ಯೆಲ್ಲೋ ಅಲರ್ಟ್ ಇರಲಿದೆ.

ಬಾಗಲಕೋಟೆ, ಬೆಳಗಾವಿ, ಬೀದರ್, ಧಾರವಾಡ, ಗದಗ, ಹಾವೇರಿ, ಕಲಬುರಗಿ, ಕೊಪ್ಪಳ, ರಾಯಚೂರು, ವಿಜಯಪುರ, ಶಿವಮೊಗ್ಗ, ಹಾಸನ, ಕೊಡಗು, ಚಿಕ್ಕಮಗಳೂರು, ಬೆಂಗಳೂರು, ಬೆಂ.ಗ್ರಾಮಾಂತರ, ರಾಮನಗರ, ಮಂಡ್ಯ, ಮೈಸೂರು, ಚಾಮರಾಜನಗರ, ತುಮಕೂರು, ಕೋಲಾರ, ಚಿಕ್ಕಬಳ್ಳಾಪುರ ಸೇರಿ ಇತರ ಜಿಲ್ಲೆಗಳಲ್ಲಿ ಮುಂದಿನ ಐದು ದಿನ ಸಾಧಾರಣ ಮಳೆ ಸುರಿಯಲಿದೆ ಎಂದು ಇಲಾಖೆ ಮಾಹಿತಿ ನೀಡಿದೆ.

https://www.vijayavani.net/pgr-sindhia-urges-for-reservation-to-scouts-and-guides

https://www.vijayavani.net/congress-slams-nalin-kumar-kateel-over-statement-about-priyank-kharge