ಆರೋಗ್ಯ

ನಾನ್​ಸ್ಟಿಕ್​ ಪ್ಯಾನ್​ ಮೇಲೆ ಗೆರೆ ಬಿದ್ದಿದ್ರೆ ಬಳಸಲೇ ಬೇಡಿ; ಡೇಂಜರ್​ ಕಣ ದೇಹ ಸೇರೋ ಮುನ್ನ ಎಚ್ಚೆತ್ತುಕೊಳ್ಳಿ..NonStick Pan

NonStick Pan
NonStick Pan
Published on: 

ಪ್ರಮುಖ ಮುಖ್ಯಾಂಶಗಳು

  • ನಾನ್​ಸ್ಟಿಕ್​ ಪ್ಯಾನ್​ ಬದಲು ಸ್ಟೀಲ್​ ಅಥವಾ ಸ್ಟೇನ್​ಲೆಸ್​ ಸ್ಟೀಲ್​ ತವಾ ಬಳಕೆ ಉತ್ತಮ
  • ನಾನ್‌ಸ್ಟಿಕ್ ಪ್ಯಾನ್‌ನ ಒಂದು ಗೀರಿನಿಂದ 9,000ಕ್ಕೂ ಹೆಚ್ಚು ಪ್ಲಾಸ್ಟಿಕ್ ಕಣ ಬಿಡುಗಡೆ ದೇಹಕ್ಕೆ ಸೇರ್ಪಡೆ
  • ಟೆಫ್ಲಾನ್‌ನಲ್ಲಿರುವ PFAS ರಾಸಾಯನಿಕಗಳು ಕ್ಯಾನ್ಸರ್ ಮತ್ತು ಬಂಜೆತನಕ್ಕೆ ಕಾರಣ?
Non Stick Pan: ಸುಲಭವಾಗಿ ಹಾಗೂ ಕಡಿಮೆ ಎಣ್ಣೆಯಲ್ಲಿ ದೋಸೆ, ಚಪಾತಿ, ಮತ್ತು ಪರಾಠಗಳನ್ನು ತಯಾರಿಸಲು ಹಳೆಯ ಕಬ್ಬಿಣದ ತವಾಗಳನ್ನು ಬಿಟ್ಟು ಹಲವರು ಈಗ ನಾನ್​ಸ್ಟಿಕ್​ ತವಾ ಖರೀದಿ ಮಾಡುತ್ತಿದ್ದಾರೆ. ಹೆಚ್ಚು ತ್ರಾಸ ನೀಡದ ಇವು ಆಧುನಿಕ ಕಾಲಘಟ್ಟದ ಟ್ರೆಂಡ್​ ಆಗಿ ಮಾರ್ಪಟ್ಟಿದೆ. ನಾನ್​ಸ್ಟಿಕ್​ ತವಾಗಳಿಗೆ ಮರದ ಸೌಟುಗಳನ್ನು ಬಳಸ್ಬೇಕು. ಇದನ್ನು ಉಜ್ಜಿ ತೊಳೆಯುವಾಗ ಸ್ಮೂತ್​ ಆದ ನಾರಿನಲ್ಲೇ ಉಜ್ಜಬೇಕು. ಆದರೆ ಕೆಲವರು ಜಿಡ್ಡು ಹೋಗಲೆಂದು ಸ್ಟೀಲ್​ ನಾರಿನಲ್ಲಿ ಉಜ್ಜುತ್ತಾರೆ. ಇದ್ರಿಂದಾಗಿ ನಾನ್ ಸ್ಟಿಕ್ ಪಾತ್ರೆಗಳಲ್ಲಿ ಗೀರು ಕಾಣಿಸಿಕೊಳ್ಳುತ್ತೆ.
ದುಬಾರಿ ಪಾತ್ರೆ ಗೆರೆ ಬಿದ್ರೆ ಏನಾಗುತ್ತದೆ ಅಂತೆಲ್ಲ ತಲೇಲಿ ಇಟ್ಕೊಂಡು ಅದ್ರಲ್ಲೇ ಅಡುಗೆ ಮಾಡೋದಕ್ಕೆ ಶುರುವಿಟ್ಟುಕೊಳ್ಳುತ್ತಾರೆ. ಆದರೆ ನೆನಪಿಡಿ ಗೀರು ಬಿದ್ದ ನಾನ್ ಸ್ಟಿಕ್ ಪಾತ್ರೆಯಲ್ಲೇ ಅಡುಗೆ ಮಾಡುತ್ತಿದ್ದರೆ ಇಂದೇ ಅದನ್ನು ಬಿಸಾಡುವುದು ಲೇಸು. ಯಾಕೆಂದರೆ, ಆಸ್ಟ್ರೇಲಿಯಾದ ನ್ಯೂಕ್ಯಾಸಲ್ ವಿಶ್ವವಿದ್ಯಾಲಯ ಮತ್ತು ಫ್ಲಿಂಡರ್ಸ್ ವಿಶ್ವವಿದ್ಯಾಲಯದ ವಿಜ್ಞಾನಿಗಳು ನಡೆಸಿದ ಅಧ್ಯಯನವೊಂದು ಅಘಾತಕಾರಿ ವಿಚಾರವೊಂದನ್ನು ಹೊರತಂದಿದೆ. ಈ ಕುರಿತಾದ ಪೂರ್ಣ ವಿವರ ಇಲ್ಲಿದೆ

ವಿಜ್ಞಾನಿಗಳ ವರದಿಯಲ್ಲಿ ಏನಿದೆ?

ಟೆಫ್ಲಾನ್ ಲೇಪಿತ ನಾನ್​ಸ್ಟಿಕ್​ ಪ್ಯಾನ್‌ಗಳ ಮೇಲೆ ಬೀಳುವ ಒಂದು ಸಣ್ಣ ಗೀರು ಅಥವಾ ಬಿರುಕಿನಿಂದ
ಸುಮಾರು 9,000 ಪ್ಲಾಸ್ಟಿಕ್ ಕಣಗಳನ್ನು ಬಿಡುಗಡೆ ಮಾಡುತ್ತದೆ ಎಂದು 'ರಾಮನ್ ಇಮೇಜಿಂಗ್' ತಂತ್ರಜ್ಞಾನದ ಮೂಲಕ ಪತ್ತೆಹಚ್ಚಲಾಗಿದೆ. ಇನ್ನು ಪ್ಯಾನ್ ಮೇಲಿನ ಲೇಪನವು ಸ್ವಲ್ಪ ಹೆಚ್ಚು ಹಾನಿಗೊಳಗಾಗಿದ್ದರೆ, ಅಡುಗೆ ಮಾಡುವಾಗ ಬರೋಬ್ಬರಿ 23 ಲಕ್ಷ ಮೈಕ್ರೋಪ್ಲಾಸ್ಟಿಕ್ ಮತ್ತು ನ್ಯಾನೋಪ್ಲಾಸ್ಟಿಕ್ ಕಣಗಳು ನಿಮ್ಮ ದೇಹವನ್ನು ರಕ್ತದ ಮೂಲಕ ಸೇರುತ್ತವೆ ಎಂದು ಸಂಶೋಧನಾ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

"ಫಾರೆವರ್ ಕೆಮಿಕಲ್ಸ್" ಎಂದರೆ ಏನು?

ಪರಿಸರದಲ್ಲಿ ಅಥವಾ ಮನುಷ್ಯನ ದೇಹದಲ್ಲಿ ಸುಲಭವಾಗಿ ನಾಶವಾಗುವುದ ಕೆಮೆಕಲ್ಸ್​ ಅನ್ನು ಫಾರೆವರ್ ಕೆಮಿಕಲ್ಸ್(Per- and polyfluoroalkyl substances) ಎಂದು ಕರೆಯಲಾಗುತ್ತದೆ. ಇದೇ ಗುಂಪಿಗೆ ಟೆಫ್ಲಾನ್ ಲೇಪನವು ಸೇರಿದೆ.

ನಾನ್​ಸ್ಟಿಕ್​ ತವಾಗಳಿಂದ ಆರೋಗ್ಯದ ಮೇಲಾಗುವ ಪರಿಣಾಮವೇನು?

ಇವು ಕ್ಯಾನ್ಸರ್, ಬಂಜೆತನ, ಹಾರ್ಮೋನ್ ಏರುಪೇರು ಮತ್ತು ಮಕ್ಕಳ ಬೆಳವಣಿಗೆಯಲ್ಲಿ ಸಮಸ್ಯೆಯನ್ನು ಉಂಟು ಮಾಡಬಹುದು. ಶೇ. 99ರಷ್ಟು ಅಮೆರಿಕನ್ನರ ರಕ್ತದಲ್ಲಿ ಈ ರಾಸಾಯನಿಕಗಳ ಅಂಶ ಈಗಾಗಲೇ ಪತ್ತೆಯಾಗಿದ್ದು, ಇದು ಜಾಗತಿಕ ಮಟ್ಟದ ಗಂಭೀರ ಸಮಸ್ಯೆಯಾಗಿದೆ. ಮೈಕ್ರೋ ಪ್ಲಾಸ್ಟಿಕ್​ ಕಣಗಳು ಜೀರ್ಣಾಂಗದ ಮುಖೇನ ನಿಮ್ಮ ದೇಹ ಸೇರೋದಿಲ್ಲ. ಬದಲಾಗಿ ರಕ್ತದ ಕಣಗಳ ಮೂಲಕ ಯಕೃತ್ತು, ಮೂತ್ರಪಿಂಡಗಳಲ್ಲಿ ಅಡಗಿರುತ್ತವೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

ಸುರಕ್ಷಿತವಾಗಿರುವುದು ಹೇಗೆ?

ಫಾರೆವರ್ ಕೆಮಿಕಲ್ಸ್ ಮುಕ್ತ ಉತ್ಪನ್ನಗಳ ಖರೀದಿ ನಿಷೇಧದ ಬಗ್ಗೆ ಕಟ್ಟುನಿಟ್ಟಿನ ನಿಯಮವಿಲ್ಲ ಹೀಗಾಗಿ, ಗ್ರಾಹಕರೇ ಎಚ್ಚರಿಕೆ ವಹಿಸುವುದು ಅನಿವಾರ್ಯ.
  • ನಾನ್‌ಸ್ಟಿಕ್ ಬದಲಿಗೆ ಹಿಂದೆ ಬಳಕೆ ಮಾಡಲಾಗುತ್ತಿದ್ದ ಸ್ಟೇನ್‌ಲೆಸ್ ಸ್ಟೀಲ್ ಅಥವಾ ಕಬ್ಬಿಣದ ಪಾತ್ರೆಗಳನ್ನು ಬಳಸುವುದು ಅತ್ಯಂತ ಸುರಕ್ಷಿತ.
  • ನಿಮ್ಮ ನಾನ್‌ಸ್ಟಿಕ್ ಪ್ಯಾನ್ ಮೇಲೆ ಗೀರುಗಳಾಗಿದ್ದರೆ ಅಥವಾ ಲೇಪನ ಕಿತ್ತುಬರುತ್ತಿದ್ದರೆ ತಕ್ಷಣ ಅದನ್ನು ಬಳಸುವುದನ್ನು ನಿಲ್ಲಿಸಿ.
  • ನಾನ್‌ಸ್ಟಿಕ್ ಪಾತ್ರೆ ಬಳಸುವಾಗ ಲೋಹದ ಸೌಟುಗಳ ಬದಲು ಮರದ ಅಥವಾ ಸಿಲಿಕಾನ್ ಸೌಟುಗಳನ್ನು ಬಳಸಿ, (ಏಜೆನ್ಸೀಸ್)
nonstick pan
ನಾನ್​ಸ್ಟಿಕ್​ ಪ್ಯಾನ್
non-stick pan health risks
ನಾನ್​ ಸ್ಟಿಕ್​ ಪ್ಯಾನ್​ ಆರೋಗ್ಯ ಸಮಸ್ಯೆ
teflon microplastics study
toxic chemicals in non-stick pans
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net