ವಾಟ್ಸ್‌ಆ್ಯಪ್‌ನಲ್ಲಿ ಹುಡುಗಿಯರ ಡಿಪಿ ನೋಡಿ ಅಪರಿಚಿತರೊಂದಿಗೆ ಚಾಟ್​ ಮಾಡುವ ಮುನ್ನ ಇದನ್ನೊಮ್ಮೆ ಓದಿ..

ನುಹ್: ಹುಡುಗಿಯ ಹೆಸರಿನಲ್ಲಿ ವಾಟ್ಸ್‌ಆ್ಯಪ್ ಖಾತೆಯನ್ನು ರಚಿಸಿ, ವಿಡಿಯೋ ಕಾಲ್‌ ಮೂಲಕ ಸೆಕ್ಸ್ ವೀಡಿಯೊಗಳನ್ನು ರೆಕಾರ್ಡ್ ಮಾಡಿ, ಆ ಬಳಿಕ ಜನರನ್ನು ಸುಲಿಗೆ ಮಾಡುತ್ತಿದ್ದ ಆರೋಪಿಗಳನ್ನು ಪೋಲಿಸರು ಬಂಧಿಸಿರುವ ಘಟನೆ ​ ಹರ್ಯಾಣದ ನುಹ್​ ಜಿಲ್ಲೆಯ ಬಿಚೌರ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

ಆರೋಪಿಯನ್ನು ಸಾಹಿದ್ ಎಂದು ಗುರುತಿಸಲಾಗಿದ್ದು, ಈತನಿಂದ ಎರಡು ಮೊಬೈಲ್ ಫೋನ್‌ಗಳು, ಮೂರು ನಕಲಿ ಸಿಮ್ ಕಾರ್ಡ್‌ಗಳು, ಅಶ್ಲೀಲ ವೀಡಿಯೊ​​ಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಸಿಂಗಾರ್ ಬಸ್ ನಿಲ್ದಾಣದಲ್ಲಿ ಪೊಲೀಸ್ ತಂಡ ಗಸ್ತಿನಲ್ಲಿದ್ದ ವೇಳೆ ಆರೋಪಿಯು ಯಾರಿಗೋ ವಂಚಿಸುವ ಉದ್ದೇಶದಿಂದ ತಿರವಾಡದಿಂದ ಸಿಂಗಾರ ಗ್ರಾಮಕ್ಕೆ ಬರುತ್ತಿದ್ದ ಎಂಬ ಮಾಹಿತಿ ಮೇರೆಗೆ ದಾಳಿ ನಡೆಸಿ ಆರೋಪಿಯನ್ನು ಬಂಧಿಸಲಾಗಿದೆ.

ಇದನ್ನೂ ಓದಿ: ಡ್ರಂಕ್ ಅಂಡ್ ಡ್ರೈವ್: ಪೊಲೀಸರ ಮುಂದೆಯೇ ಬೈಕ್​ಗೆ ಬೆಂಕಿ ಹಚ್ಚಿದ ವ್ಯಕ್ತಿ..!

ಇಡೀ ಜಾಲವನ್ನು ಬಯಲಿಗೆಳೆಯಲು ಪೊಲೀಸರು ಆರೋಪಿಯನ್ನು ಎರಡು ದಿನಗಳ ಕಾಲ ಪೊಲೀಸ್ ಕಸ್ಟಡಿಗೆ ತೆಗೆದುಕೊಂಡಿದ್ದಾರೆ. ಆಡಿಯೋ ಕರೆಗಳ ಮೂಲಕ ಜನರಿಗೆ ಹುಡುಗಿಯರ ಅಶ್ಲೀಲ ವೀಡಿಯೋಗಳನ್ನು ತೋರಿಸಿ, ನಕಲಿ ನಗ್ನ ವೀಡಿಯೋ ಮಾಡಿ ತನ್ನ ಸ್ನೇಹಿತ ಅಬಿದ್​ ಎಂಬಾತನಿಗೆ ಕಳುಹಿಸುತ್ತಿದ್ದ. ನಂತರ ಅಬಿದ್ ಡಿಎಸ್ಪಿ ಕ್ರೈಮ್ ಎಂದು ನಕಲಿ ಅಧಿಕಾರಿ ವೇಷದಲ್ಲಿ ಸಂತ್ರಸ್ತರ ಮೂಲಕ ತನ್ನ ನಕಲಿ ಖಾತೆಯಲ್ಲಿ ಹಣವನ್ನು ಠೇವಣಿ ಮಾಡುವಂತೆ ಒತ್ತಾಯಿಸುತ್ತಿದ್ದ. ಆ ಬಳಿಕ ಇಬ್ಬರೂ ಹಣವನ್ನು ಹಂಚಿಕೊಳ್ಳುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಈ ವೇಳೆ ಆರೋಪಿಗೆ ನಕಲಿ ಸಿಮ್‌ ಕಾರ್ಡ್‌, ಬ್ಯಾಂಕ್‌ ಖಾತೆ ನೀಡಿದವರು ಯಾರು ಎಂಬ ಬಗ್ಗೆಯೂ ಪತ್ತೆ ಹಚ್ಚಲಾಗುತ್ತಿದೆ. ಇದರೊಂದಿಗೆ ಆರೋಪಿ ಗ್ಯಾಂಗ್‌ನ ಇತರ ಸದಸ್ಯರ ಬಗ್ಗೆಯೂ ವಿಚಾರಣೆ ನಡೆಸಲಾಗುವುದು ಎಂದಿದ್ದಾರೆ.(ಏಜೆನ್ಸೀಸ್)

https://www.vijayavani.net/son-in-law-attacked-wife-and-her-family-for-not-sending-daughter-in-kannauj

https://www.vijayavani.net/father-became-beast-daughter-stabbed-15-times-with-knife-in-uttarpradesh