ಶ್ರೀಲಂಕಾ ಪ್ರವಾಸಕ್ಕೆ ಭುವನೇಶ್ವರ್​ ಸಾರಥ್ಯದ ಭಾರತ ತಂಡ ಆರಿಸಿದ ಹರ್ಷ ಬೋಗ್ಲೆ!

ನವದೆಹಲಿ: ವಿರಾಟ್​ ಕೊಹ್ಲಿ, ರೋಹಿತ್​ ಶರ್ಮ ಮುಂತಾದ ಪ್ರಮುಖ ಆಟಗಾರರನ್ನು ಒಳಗೊಂಡ ಭಾರತ ತಂಡ ಇಂಗ್ಲೆಂಡ್​ ಪ್ರವಾಸದಲ್ಲಿರುವ ನಡುವೆ ಜುಲೈನಲ್ಲಿ ಶ್ರೀಲಂಕಾ ಪ್ರವಾಸಕ್ಕೆ 2ನೇ ಸ್ತರದ ಭಾರತ ತಂಡವನ್ನು ಕಳುಹಿಸಲು ಬಿಸಿಸಿಐ ಈಗಾಗಲೆ ಯೋಜನೆ ಹಾಕಿಕೊಂಡಿದೆ. ಈ ನಡುವೆ ಈ 2ನೇ ಸ್ತರದ ಭಾರತ ತಂಡ ಹೇಗಿರಬಹುದು, ಯಾವೆಲ್ಲ ಆಟಗಾರರು ಈ ತಂಡದಲ್ಲಿ ಸ್ಥಾನ ಪಡೆಯಬಹುದು ಎಂಬ ಬಗ್ಗೆ ಬಿಸಿಬಿಸಿ ಚರ್ಚೆಗಳು ನಡೆಯುತ್ತಿವೆ. ಹೀಗಾಗಿ ಖ್ಯಾತ ವೀಕ್ಷಕ ವಿವರಣೆಕಾರ ಹರ್ಷ ಬೋಗ್ಲೆ ಅವರೂ ಶ್ರೀಲಂಕಾ ಪ್ರವಾಸಕ್ಕೆ ತಮ್ಮ ಆಯ್ಕೆಯ ಭಾರತ ತಂಡವನ್ನು ಪ್ರಕಟಿಸಿದ್ದು, ವೇಗಿ ಭುವನೇಶ್ವರ್​ ಕುಮಾರ್​ ಅವರನ್ನು ಅದಕ್ಕೆ ನಾಯಕರಾಗಿ ನೇಮಿಸಿರುವುದು ವಿಶೇಷವಾಗಿದೆ.

ಶ್ರೀಲಂಕಾ ಪ್ರವಾಸದ ಟಿ20 ಮತ್ತು ಏಕದಿನ ಸರಣಿಗಳಿಗೆ ಒಟ್ಟು 21 ಆಟಗಾರರನ್ನು ಹರ್ಷ ಬೋಗ್ಲೆ ಹೆಸರಿಸಿದ್ದು, ಅದರಲ್ಲಿ ಇಬ್ಬರು ಕನ್ನಡಿಗರೂ ಸ್ಥಾನ ಪಡೆದಿದ್ದಾರೆ. ಅವರೆಂದರೆ ಅನುಭವಿ ಬ್ಯಾಟ್ಸ್​ಮನ್​ ಮನೀಷ್​ ಪಾಂಡೆ ಮತ್ತು ಯುವ ಎಡಗೈ ಆರಂಭಿಕ ದೇವದತ್​ ಪಡಿಕಲ್​.

ಇದನ್ನೂ ಓದಿ: 8 ದಿನಗಳಲ್ಲಿ 5 ರಾಜ್ಯ ಸುತ್ತಾಡಿ ತಲೆಮರೆಸಿಕೊಂಡಿದ್ದ ಸುಶೀಲ್ ಕುಮಾರ್!

ಹಾಲಿ ಲೆಕ್ಕಾಚಾರದ ಪ್ರಕಾರ ಎಡಗೈ ಆರಂಭಿಕ ಶಿಖರ್​ ಧವನ್​ 2ನೇ ಸ್ತರದ ಭಾರತ ತಂಡಕ್ಕೆ ನಾಯಕರಾಗಬಹುದು ಎಂಬ ನಿರೀೆ ಹೆಚ್ಚಿದೆ. ಆದರೆ ಹರ್ಷ ಬೋಗ್ಲೆ ಮಾತ್ರ ಭುವಿಗೆ ನಾಯಕತ್ವ ಒಪ್ಪಿಸಿ, ಧವನ್​ಗೆ ಪೃಥ್ವಿ ಷಾ ಜತೆಗೆ ಇನಿಂಗ್ಸ್​ ಆರಂಭಿಸುವ ಹೊಣೆಯನ್ನು ಮಾತ್ರ ನೀಡಿದ್ದಾರೆ. ಧವನ್​ ಬ್ಯಾಟ್ಸ್​ಮನ್​ ಆಗಿ ಉಳಿಯುವುದೇ ಉತ್ತಮ ಎಂದಿರುವ ಹರ್ಷ ಬೋಗ್ಲೆ, ನಾಯಕತ್ವದ ರೇಸ್​ನಲ್ಲಿರುವ ಮತ್ತೋರ್ವ ಆಟಗಾರ ಹಾರ್ದಿಕ್​​ ಪಾಂಡ್ಯ ಫಿಟ್ನೆಸ್​ ವಿಚಾರದಿಂದಾಗಿ ಹಿನ್ನಡೆ ಹೊಂದಿದ್ದಾರೆ ಎಂದಿದ್ದಾರೆ.

ನನ್ನ ಪ್ರಕಾರ ನಾಯಕತ್ವಕ್ಕೆ 3 ಆಯ್ಕೆಗಳಿವೆ. ಒಬ್ಬರು ಶಿಖರ್​ ಧವನ್​. ಆದರೆ ಅವರು ನಾಯಕರಾಗಲು ಬಯಸುತ್ತಾರೆ ಎಂದು ನನಗನಿಸುವುದಿಲ್ಲ. ಅವರು ತಂಡದಲ್ಲಿ ಸಾಮಾನ್ಯ ಆಟಗಾರರಾಗಿ ಮಾತ್ರ ಸ್ಥಾನ ಉಳಿಸಿಕೊಳ್ಳಲು ಬಯಸುತ್ತಾರೆ. ಹಾರ್ದಿಕ್​​ ಪಾಂಡ್ಯ ಮತ್ತೊಂದು ಆಯ್ಕೆ. ಆದರೆ ಅವರ ಫಿಟ್ನೆಸ್​ ಯಾವಾಗಲೂ ಸ್ವಲ್ಪ ಅನುಮಾನದಿಂದ ಕೂಡಿರುತ್ತದೆ. ಅವರು ಬೌಲಿಂಗ್​ ಮಾಡುತ್ತಾರೆಯೇ, ಇಲ್ಲವೇ ಎಂಬುದೇ ಸ್ಪಷ್ಟವಿಲ್ಲ. ಹೀಗಾಗಿ ನಾನು ಭುವನೇಶ್ವರ್​ ಕುಮಾರ್​ ಅವರನ್ನೇ ನಾಯಕರಾಗಿ ಹೆಸರಿಸುವೆ ಎಂದು 59 ವರ್ಷದ ಹರ್ಷ ಬೋಗ್ಲೆ ಹೇಳಿದ್ದಾರೆ.

ಕನ್ನಡಿಗ ಮನೀಷ್​ ಪಾಂಡೆಗೆ ಏಕದಿನ ತಂಡದಲ್ಲಿ ಮಾತ್ರ ಸ್ಥಾನ ನೀಡಿರುವ ಹರ್ಷ ಬೋಗ್ಲೆ ಟಿ20 ತಂಡದಿಂದ ಕಡೆಗಣಿಸಿದ್ದಾರೆ. ಆದರೆ 50 ಓವರ್​ಗಳ ಪಂದ್ಯದಲ್ಲಿ ಮಧ್ಯಮ ಕ್ರಮಾಂಕದಲ್ಲಿ ಮನೀಷ್​ ಪಾಂಡೆ ಅವರಂಥ ಅನುಭವಿ ಆಟಗಾರರ ಅಗತ್ಯವಿದೆ ಎಂದಿದ್ದಾರೆ.

ಇದನ್ನೂ ಓದಿ: ಸೌರವ್​ ಗಂಗೂಲಿ-ರಾಹುಲ್​ ದ್ರಾವಿಡ್​ ಅಮೋಘ ಜತೆಯಾಟಕ್ಕೆ 22 ವರ್ಷ!

ಶ್ರೀಲಂಕಾ ಪ್ರವಾಸಕ್ಕೆ ಹರ್ಷ ಬೋಗ್ಲೆ ಹೆಸರಿಸಿರುವ ತಂಡಗಳು (ಬ್ಯಾಟಿಂಗ್​ ಕ್ರಮಾಂಕ ಪ್ರಕಾರ):

ಏಕದಿನ: ಶಿಖರ್​ ಧವನ್​, ಪೃಥ್ವಿ ಷಾ, ಸೂರ್ಯಕುಮಾರ್​ ಯಾದವ್​, ಸಂಜು ಸ್ಯಾಮ್ಸನ್​, ಮನೀಷ್​ ಪಾಂಡೆ, ಹಾರ್ದಿಕ್​ ಪಾಂಡ್ಯ, ಕೃನಾಲ್​ ಪಾಂಡ್ಯ, ಭುವನೇಶ್ವರ್​ ಕುಮಾರ್​, ದೀಪಕ್​ ಚಹರ್​, ಕುಲದೀಪ್​ ಯಾದವ್​, ಯಜುವೇಂದ್ರ ಚಾಹಲ್​.

ಟಿ20: ಶಿಖರ್​ ಧವನ್​, ಪೃಥ್ವಿ ಷಾ, ಸೂರ್ಯಕುಮಾರ್​ ಯಾದವ್​, ಸಂಜು ಸ್ಯಾಮ್ಸನ್​, ಹಾರ್ದಿಕ್​​ ಪಾಂಡ್ಯ, ಕೃನಾಲ್​ ಪಾಂಡ್ಯ, ರಾಹುಲ್​ ತೆವಾಟಿಯಾ, ಭುವನೇಶ್ವರ್​ ಕುಮಾರ್​, ದೀಪಕ್​ ಚಹರ್​, ರಾಹುಲ್​ ಚಹರ್​/ಯಜುವೇಂದ್ರ ಚಾಹಲ್​, ವರುಣ್​ ಚಕ್ರವತಿರ್.

ಇತರ ಆಟಗಾರರು: ದೇವದತ್​ ಪಡಿಕಲ್​, ಋತುರಾಜ್​ ಗಾಯಕ್ವಾಡ್​, ಇಶಾನ್​ ಕಿಶನ್​, ಲಲಿತ್​ ಯಾದವ್​, ನವದೀಪ್​ ಸೈನಿ, ಜೈದೇವ್​ ಉನಾದ್ಕತ್​, ಚೇತನ್​ ಸಕಾರಿಯಾ.

https://www.vijayavani.net/ms-dhonis-new-salt-and-pepper-look-goes-viral-on-social-media/

https://www.vijayavani.net/irfan-pathan-defends-wifes-blurred-pic-calls-himself-her-mate-not-master/