ಸುಶಾಂತ್ ಸಿಂಗ್ ರಜಪೂತ್ ಅವರ ಸಾವಿನ ರಹಸ್ಯವನ್ನು ಬೇಧಿಸುವುದಕ್ಕೆ ಸಿಬಿಐ ಹೊರಟಿದೆ. ಪ್ರತಿ ದಿನ ಈ ಕೇಸ್ನ ವಿಚಾರವಾಗಿ ಒಂದಲ್ಲಾ ಒಂದು ಹೊಸ ಸುದ್ದಿ ಬರುತ್ತಲೇ ಇದೆ.
ಇದನ್ನೂ ಓದಿ: ಓಟಿಟಿ ಮಡಿಲಿಗೆ ಧನುಷ್ ‘ಜಗಮೇ ತಂಧೀರಮ್’?
ಹೀಗಿರುವಾಗಲೇ, ಸುಶಾಂತ್ ಸಾವಿಗೆ ಹಿರಿಯ ನಿರ್ದೇಶಕ ಮಹೇಶ್ ಭಟ್ ಮತ್ತು ರಿಯಾ ಚಕ್ರವರ್ತಿ ಅವರ ತಂದೆಯೇ ಕಾರಣ ಎಂದು ಸುನೀಲ್ ಶುಕ್ಲಾ ಹೇಳಿಕೊಂಡಿದ್ದಾರೆ. ಈ ಸುನೀಲ್, ಸುಶಾಂತ್ ಅವರ ಜಿಮ್ ಪಾರ್ಟ್ನರ್ ಅಂತೆ. ಸುಶಾಂತ್ ಅವರನ್ನು ಬಹಳ ಹತ್ತಿರದಿಂದ ನೋಡಿರುವ ಅವರು, ಒಂದಿಷ್ಟು ವಿಷಯಗಳ ಬಗ್ಗೆ ಮಾತನಾಡಿದ್ದಾರೆ.
‘ಸುಶಾಂತ್ ಅವರ ಸಾವಿಗೆ ಮಹೇಶ್ ಭಟ್ ಮತ್ತು ರಿಯಾ ಚಕ್ರವರ್ತಿ ಅವರ ತಂದೆಯೇ ಕಾರಣ. ಸುಶಾಂತ್ ಅವರಿಗೆ ರಿಯಾ ತಂದೆ ಅದೇನೋ ಔಷಧಿಗಳನ್ನು ಕೊಡುತ್ತಿದ್ದರು. ಅದನ್ನು ಮಗಳ ಮೂಲಕವೇ ಕೊಡಿಸುತ್ತಿದ್ದರು. ಆಕೆ ಮನೆ ಬಿಟ್ಟು ಹೊರಬಂದ ಮೇಲೆ, ಬೇರೆ ಯಾರಿಂದಲೋ ಕೊಡಿಸುತ್ತಿದ್ದರು’ ಎಂದು ಗುಮಾನಿ ವ್ಯಕ್ತಪಡಿಸಿದ್ದಾರೆ.
ಇನ್ನು ಸುಶಾಂತ್ ಅವರಿಗೆ ಡಿಪ್ರೆಶನ್ ಇತ್ತು ಎಂಬುದನ್ನು ತಳ್ಳಿಹಾಕಿರುವ ಅವರು, ‘ಸುಶಾಂತ್ಗೆ ಡಿಪ್ರೆಶನ್ ಇರಲಿಲ್ಲ. ಬಹಳ ಚೆನ್ನಾಗಿಯೇ ಇದ್ದರು. ಆದರೆ, ಅವರಿಗೆ ತಮ್ಮ ಬಗ್ಗೆ ಮಾಧ್ಯಮಗಳಲ್ಲಿ ಬರುತ್ತಿದ್ದ ನೆಗೆಟಿವ್ ವರದಿಗಳ ಬಗ್ಗೆ ಬಹಳ ಬೇಸರವಿತ್ತು. ಆ ಬಗ್ಗೆ ಅವರು ಆಗಾಗ ಬೇಸರ ವ್ಯಕ್ತಪಡಿಸಿದ್ದು ಬಿಟ್ಟರೆ, ಮಿಕ್ಕಂತೆ ಅವರಿಗೆ ಬೇರೆ ಯಾವ ಸಮಸ್ಯೆಯೂ ಇರಲಿಲ್ಲ’ ಎಂದಿದ್ದಾರೆ.
ಇದನ್ನೂ ಓದಿ: ತೀವ್ರ ವಿರೋಧದ ಬೆನ್ನಲ್ಲೇ ಕೋಲುಮಂಡೆ ರ್ಯಾಪ್ ಸಾಂಗ್ ಯೂಟ್ಯೂಬ್ನಿಂದ ನಾಪತ್ತೆ!
ಸುಶಾಂತ್ ಯಾವಾಗಲೂ ಫಿಟ್ ಆಗಿದ್ದರು ಎಂದು ಹೇಳಿಕೊಂಡಿರುವ ಸುನೀಲ್, ‘ಸುಶಾಂತ್ ಅದೆಷ್ಟು ಫಿಟ್ ಆಗಿದ್ದರು ಎಂದರೆ, ಸತತವಾಗಿ ನಾಲ್ಕು ಗಂಟೆ ಆಟ ಆಡುತ್ತಿದ್ದರು. ಅರ್ಧ ಗಂಟೆ ರೆಸ್ಟ್ ಬಳಿಕ ಮತ್ತೆ ಆಡುತ್ತಿದ್ದರು. ಅವರು ತುಂಬಾ ಓದುತ್ತಿದ್ದರು, ನಮ್ಮನ್ನೆಲ್ಲಾ ಸ್ಫೂರ್ತಿಗೊಳಿಸುತ್ತಿದ್ದರು. ತುಂಬಾ ಒಳ್ಳೆಯ ಕೆಲಸಗಳನ್ನು ಮಾಡುತ್ತಿದ್ದರು. ಅವರಿಗೆ ಡಿಪ್ರೆಶನ್ ಇತ್ತು ಎಂಬುದು ನನ್ನಿಂದ ನಂಬಲು ಸಾಧ್ಯವಿಲ್ಲ’ ಎಂದು ಅವರು ಹೇಳಿಕೊಂಡಿದ್ದಾರೆ.