ಓಟಿಟಿ ಮಡಿಲಿಗೆ ಧನುಷ್​ ‘ಜಗಮೇ ತಂಧೀರಮ್’?

ಲಾಕ್​ಡೌನ್​ ಶುರುವಾದ ಮೇಲಿಂದ ಸಾಲು ಸಾಲು ಸಿನಿಮಾಗಳು ಓಟಿಟಿ ವೇದಿಕೆ ಏರಿ ಬಿಡುಗಡೆಯಾಗುತ್ತಿವೆ. ಈಗಾಗಲೇ ಸಾಕಷ್ಟು ಸಿನಿಮಾ ತೆರಕಂಡಿವೆ. ಸಣ್ಣ ಸಣ್ಣ ಸಿನಿಮಾಗಳಷ್ಟೇ ಅಲ್ಲದೆ, ಸ್ಟಾರ್ ಕಲಾವಿದರ ಸಿನಿಮಾಗಳು ಓಟಿಟಿಯಲ್ಲಿ ಬಿಡುಗಡೆಯಾಗಲು ಸಾಲುಗಟ್ಟಿ ನಿಂತಿವೆ. ಇದೀಗ ಕಾಲಿವುಡ್​ ನಟ ಧನುಷ್​ ಸಹ ಅತ್ತ ಮುಖ ಮಾಡಿದ್ದಾರೆ.

ಇದನ್ನೂ ಓದಿ: ಸುಶಾಂತ್​ ಪ್ರಕರಣವನ್ನು ಸಿಬಿಐ ಕೈಗೆತ್ತಿಕೊಂಡ ಬೆನ್ನಲ್ಲೇ ದಿಶಾ ಕುರಿತ ಸ್ಫೋಟಕ ಮಾಹಿತಿ ಬಹಿರಂಗ!

ಅಂದರೆ, ಧನುಷ್ ಮುಖ್ಯಭೂಮಿಕೆ ನಿಭಾಯಿಸಿರುವ ಜಗಮೇ ತಂಧಿರಮ್​ ಸಿನಿಮಾ ದೀಪಾವಳಿ ಪ್ರಯುಕ್ತ ಬಿಡುಗಡೆ ಆಗಲಿದೆಯಂತೆ. ಕಾರ್ತಿಕ್​ ಸುಬ್ಬರಾಜು ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಸಿನಿಮಾ ಈಗಾಗಲೇ ಬಹುತೇಕ ಕೆಲಸಗಳನ್ನು ಮುಗಿಸಿಕೊಂಡಿದೆ. ಈಗಾಗಲೇ ಸಿನಿಮಾ ಚಿತ್ರೀಕರಣಕ್ಕೂ ಸರ್ಕಾರಗಳು ಅವಕಾಶ ಕೊಟ್ಟಿದ್ದರಿಂದ ಬಾಕಿ ಉಳಿದ ಶೂಟಿಂಗ್​ ಮುಗಿಸಿಕೊಂಡು ಇನ್ನೇನು ಬಿಡುಗಡೆಯತ್ತ ಚಿತ್ತ ಹರಿಸಲಿದೆ.

ಇದನ್ನೂ ಓದಿ: ಅಪ್ಪನ ಚಿತ್ರಗಳ ಸಹವಾಸವೇ ಬೇಡ ಅಂತಿದ್ದಾರೆ ರಾಮ್​ಚರಣ್​ ತೇಜ

ದೀಪಾವಳಿ ವೇಳೆಗೆ ಚಿತ್ರಮಂದಿರ ತೆರೆದರೆ, ಎಂದಿನಂತೆ ಚಿತ್ರಮಂದಿರದಲ್ಲಿಯೇ ಸಿನಿಮಾ ಕಣ್ತುಂಬಿಕೊಳ್ಳಬಹುದು. ಆದರೆ, ಈವರೆಗೂ ಸಿನಿಮಾ ಥಿಯೇಟರ್ ಯಾವಾಗ ಬಿಡುಗಡೆ ಎಂಬ ಬಗ್ಗೆ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ. ಇನ್ನು ಈಗಾಗಲೇ ಕಾಲಿವುಡ್​ನಲ್ಲಿ ಸೂರ್ಯ ಸೇರಿ ಹಲವು ಸ್ಟಾರ್ ನಟರ ಸಿನಿಮಾಗಳು ಓಟಿಟಿಯಲ್ಲಿ ಬಿಡುಗಡೆಗೆ ಸಿದ್ಧವಾಗಿವೆ. ಆ ಸಾಲಿಗೆ ಧನುಷ್​ ಸಹ ಸೇರ್ಪಡೆಗೊಳ್ಳುವ ಸಾಧ್ಯತೆ ಇದೆ. (ಏಜೆನ್ಸೀಸ್​)

https://www.vijayavani.net/chamarajanagara-chandan-shetty-male-mahadeshwara-rap-song/