ಬೆಂಗಳೂರು: ಡಾ. ರಾಜ್ ಎಂದಾಕ್ಷಣ ಕೇವಲ ಅವರ ಮನೋಜ್ಞ ಅಭಿನಯ ಮಾತ್ರವಲ್ಲದೆ ಅವರ ಮಧುರ ಧ್ವನಿಯೂ ಕಿವಿಗಪ್ಪಳಿಸುತ್ತದೆ. ಹಾಡುಗಳ ಮೂಲಕವೇ ಅಭಿಮಾನಿಗಳ ಮನದಲ್ಲಿ ಅವರಿನ್ನು ಜೀವಂತವಾಗಿದ್ದಾರೆ. ಆ ಹಾಡುಗಾರಿಕೆ ಅವರ ಮಕ್ಕಳಿಗೂ ಒಲಿದಿದೆ. ಇದೀಗ ಡಾ. ರಾಜ್ ಮೊಮ್ಮಗಳ ಸರದಿ. ಹೌದು, ಧನ್ಯಾ ರಾಮ್ುಮಾರ್ ಸಹ ತಾತನ ಹಾದಿ ಹಿಡಿದಿದ್ದಾರೆ. ಚೊಚ್ಚಲ ‘ನಿನ್ನ ಸನಿಹಕೆ’ ಚಿತ್ರದಲ್ಲಿ ಗಾಯಕಿಯಾಗಿಯೂ ಅವರು ಖಾತೆ ತೆರೆದಿದ್ದಾರೆ. ಸೂರಜ್ ಗೌಡ, ನಾಯಕನಾಗಿ ನಟಿಸಿ ನಿರ್ದೇಶನ ಮಾಡಿರುವ ‘ನಿನ್ನ ಸನಿಹಕೆ’ ಚಿತ್ರ ಬಿಡುಗಡೆಗೆ ಸಿದ್ಧವಾಗಿದೆ. ಇದೇ 20ಕ್ಕೆ ಚಿತ್ರಮಂದಿರಗಳಲ್ಲಿ ತೆರೆಗೆ ಬರಲಿದೆ. ಪ್ರಚಾರ ಕೆಲಸಕ್ಕೂ ಚಾಲನೆ ನೀಡಿರುವ ತಂಡ ಹಾಡು, ಟ್ರೇಲರ್ ಮೂಲಕ ಪ್ರೇಕ್ಷಕರನ್ನು ತಲುಪುತ್ತಿದೆ.
