ಸರ್ಕಾರಿ ಶಿಕ್ಷಕನನ್ನು ಎಳೆದೊಯ್ದು ಬಲವಂತವಾಗಿ ಮದುವೆ!? ಘಟನೆಯ ವಿಡಿಯೋ ವೈರಲ್​ | Teacher

ಬಿಹಾರ್​: ಸರ್ಕಾರಿ ಶಿಕ್ಷಕನನ್ನು(teacher)ಬಲವಂತವಾಗಿ ಎಳೆದ್ಯೊಯ್ದುಕೊಂಡು ಹುಡುಗಿಯ ಜತೆ ಮದುವೆ ಮಾಡಿದ ಘಟನೆ ಶುಕ್ರವಾರ ಸಂಜೆ ಬಿಹಾರ್​ದ ಪಾಟ್ನದಲ್ಲಿ ನಡೆದಿದೆ.

ಇತ್ತೀಚಿಗೆ ಬಿಹಾರ ಲೇಕಾಸೇವಾ ಆಯೋಗದ ಪರೀಕ್ಷೆಯಲ್ಲಿ ಉತ್ತೀರ್ಣನಾಗಿ ಶಿಕ್ಷನಾಗಿದ್ದ ಅವಿನಾಶ್​ ಕುಮಾರ್​ ಎಂಬಾತನ್ನು ಅಪಹರಿಸಿ ಬಲವಂತದ ಮದುವೆ ಮಾಡಲಾಗಿದೆ. ಈ ಘಟನೆಯು 'ಪಕಡುವ ವಿವಾಹ'(ಬಲವಂತದ ಮದುವೆ) ಒಂದು ಕಾಲದಲ್ಲಿ ಬಿಹಾರದಲ್ಲಿ ಆಚರಣೆಯಲ್ಲಿದ್ದ ಅತಿರೇಕದ ಮದುವೆಯಾಗಿದೆ ಎಂದು ಹೇಳಲಾಗಿದೆ.

ಅವಿನಾಶ್​ ಅವರು ತಾವು ಕೆಲಸ ಮಾಡುತ್ತಿದ್ದ ಶಾಲೆಗೆ ಹೋಗುತ್ತಿದ್ದಾಗ ಎರಡು ರೀಕ್ಷಾದಲ್ಲಿ ಬಂದ ಕೆಲವರು ಅಡ್ಡಗಟ್ಟಿದ್ದರು. ಬಳಿಕ ಬಂದೂಕುಗಳನ್ನು ತೋರಿಸಿ ಬಲವಂತವಾಗಿ ಅಪಹರಿಸಲಾಗಿದೆ. ಅಲ್ಲದೇ, ಈ ಘಟನೆಯೂ ನೆರೆದಿದ್ದವರನ್ನು ದಿಗ್ಭ್ರಮೆಗೊಳಿಸಿದೆ. ಈ ಘಟನೆಗೆ ಸಂಬಂದಪಟ್ಟಂತೆ ಸಾಮಾಜಿಕ ತಾಲತಾಣದಲ್ಲಿ ಇದೀಗ ವಿಡಿಯೋವೊಂದು ವೈರಲ್​ ಆಗಿದೆ.

ಇದನ್ನೂ ಓದಿ: BBK11: ದಿಕ್ಕು ತಪ್ಪಿದ್ರೆ ತಲೆ ಮೇಲೆ ತಟ್ಟಿ ಕೂರಿಸುತ್ತೀವಿ! ಕಿಚ್ಚನ ಮಾತಿನಲ್ಲಿ ಹೆಚ್ಚಿದ ‘ಕಿಚ್ಚು’

ಅವಿನಾಶ್​ ಅವರನ್ನು ಅಪಹರಿಸಿದ್ದು ಅಲ್ಲದೇ, ಅವರನ್ನ ಧಳಿಸಿ ಹಲ್ಲೆ ಮಾಡಿ ಮದುವೆಗೆ ಒಪ್ಪಿಸಿದ್ದಾರೆ ಎಂದು ಆರೋಪಿಸಲಾಗಿದೆ. ಇನ್ನು ಮತ್ತೊಂದು ಕಡೆ ಅವಿನಾಶ್​ ಅವರು ನನ್ನೊಂದಿಗೆ ನಾಲ್ಕು ವರ್ಷಗಳಿಂದ ಸಂಬಂಧ ಹೊಂದಿದ್ದನು. ಈಗ ಏಕಾಏಕಿ ಮದುವೆ ಬೇಡ ಎನುತ್ತಿದ್ದಾನೆ ಎಂದು ವಧು ಕಟುಂಬಸ್ಥರು ಆರೋಪಿಸಿದ್ದಾರೆ. ಈ ಆರೋಪಗಳನ್ನು ಅವಿನಾಶ್​ ಕುಟುಂಬದವರು ತಳ್ಳಿ ಹಾಕಿದ್ದು, ಈ ಪ್ರಕರಣದಕ ಕುರಿತು ಶೀಘ್ರ ಕ್ರಮಕೈಗೊಳ್ಳುವಂತೆ ದೂರು ನೀಡಿದ್ದಾರೆ.

ಇದೀಗ ಈ ಪ್ರಕರಣದಿಂದ ಬಿಹಾರದಲ್ಲಿ ಕಾನೂನು ಸುವ್ಯವಸ್ಥೆ ಬಗ್ಗೆ ಕಳವಳದ ಪ್ರಶ್ನೆ ಎದ್ದಿದೆ. ಅಲ್ಲದೆ, ಈ ಘಟನೆಯಿಂದ ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ,(ಏಜೆನ್ಸೀಸ್​).

https://www.vijayavani.net/appoint-a-person-acquitted-in-pakistan-espionage-case-as-a-judge-high-court-orders