ಆತ ಸತ್ತು ನಾಲ್ಕು ವರ್ಷವಾಗಿತ್ತು; ಆದರೂ ಆತನ ಹೆಸರಿಗೆ ಸರ್ಕಾರದಿಂದ ಹಣ ಬಂತು, ವಿತ್​ಡ್ರಾ ಆಯ್ತು

ರಾಂಚಿ: ಸರ್ಕಾರಿ ಸೌಲಭ್ಯವನ್ನು ಸರಿಯಾದ ರೀತಿಯಲ್ಲಿ ಬಳಸಿಕೊಳ್ಳುವವರಿರುವಂತೆ ಅದನ್ನು ದುರುಪಯೋಗ ಮಾಡಿಕೊಳ್ಳುವವರೂ ಇದ್ದಾರೆ. ಅದೇ ರೀತಿ ಇಲ್ಲೊಬ್ಬ ವ್ಯಕ್ತಿ ಸತ್ತು ನಾಲ್ಕು ವರ್ಷಗಳಾದ ನಂತರ ಆತನಿಗೆ ಸರ್ಕಾರದಿಂದ ಮನೆ ಬಂದಿದೆ. ವಿಶೇಷವೆಂದರೆ ಅವನ ಹೆಸರಿನಲ್ಲಿಯೇ ಮೊದಲ ಕಂತಿನ ಹಣ ವಿತ್​ಡ್ರಾ ಕೂಡ ಮಾಡಲಾಗಿದೆ.

ಇದನ್ನೂ ಓದಿ: ಇನ್ನು ಮುಂದೆ ರೈಲ್ವೆ ನಿಲ್ದಾಣದಲ್ಲಿ ಟೀ ಕುಡಿಯೋಕೆ ಸಿಗಲ್ಲ ಪ್ಲಾಸ್ಟಿಕ್​ ಕಪ್​; ಮಣ್ಣಿನ ಲೋಟದಲ್ಲೇ ಸವಿಯಿರಿ ಬಿಸಿಬಿಸಿ ಚಹಾ!

ಇಂತದ್ದೊಂದು ಘಟನೆ ನಡೆದಿರುವುದು ಜಾರ್ಖಂಡ್​ನ ಗರ್ಹ್ವಾ ನಗರದಲ್ಲಿ. ಅಲ್ಲಿನ ಧನೇಸರ್ ರಾಮ್ ಹೆಸರಿನ ವ್ಯಕ್ತಿ ನಾಲ್ಕು ವರ್ಷದ ಹಿಂದೆಯೇ ಮೃತನಾಗಿದ್ದಾನೆ. ಆದರೆ ಆತನ ಹೆಸರಿಗೆ 2016-17ನೇ ಸಾಲಿನಲ್ಲಿ ಸರ್ಕಾರಿ ಮನೆ ಮಂಜೂರಾಗಿದೆ. ಅಂದು ಮಂಜೂರಾದ ಮನೆಗೆ 2020ರ ಅಕ್ಟೋಬರ್​ನಲ್ಲಿ ಮೊದಲ ಕಂತಿನ ಹಣ ಬಂದಿದೆ. ನೇರವಾಗಿ ಧನೇಸರ್ ಖಾತೆಗೆ ಬಂದ ಹಣವನ್ನು ಯಾರೋ ಬಿಡಿಸಿಕೊಂಡಿದ್ದಾರೆ ಕೂಡ.

ಇದನ್ನೂ ಓದಿ: ಲಿಫ್ಟ್​ನ ಎರಡು ಬಾಗಿಲ ಮಧ್ಯೆ ಸಿಲುಕಿ ಐದು ವರ್ಷದ ಬಾಲಕ ಸಾವು; ಬೆಚ್ಚಿ ಬೀಳಿಸುತ್ತೆ ಫೋಟೋ

ಇದರಲ್ಲಿ ದೊಡ್ಡ ಅಚ್ಚರಿಯೆಂದರೆ ಹಣವನ್ನು ಪಡೆದಿರುವುದು ಆತನ ಕುಟುಂಬದ ಯಾರೊಬ್ಬರೂ ಅಲ್ಲ. ಮನೆಗೆ ಅರ್ಜಿಯನ್ನೂ ಸಹ ಕುಟುಂಬಸ್ಥರು ಹಾಕಿಲ್ಲ. ಹಾಗಿದ್ದರೂ ಆತನ ಹೆಸರಿಗೆ ಮನೆ ಮಂಜೂರಾಗಿ, ಹಣ ಬಿಡುಗಡೆಯಾಗಿದೆ. ಯಾರೋ ಅದನ್ನು ಬಳಸಿಕೊಂಡಿದ್ದಾರೆ. ಈ ವಿಚಾರವಾಗಿ ಧನೇಸರ್ ಅವರ ಮೊಮ್ಮಗ ಅಧಿಕಾರಿಗಳಿಗೆ ಪತ್ರ ಬರೆದು ತಿಳಿಸಿದ್ದಾನೆ.

ಇದೀಗ ಎಚ್ಚೆತ್ತುಕೊಂಡಿರುವ ಅಧಿಕಾರಿಗಳು ಪ್ರಕರಣದ ಕುರಿಯಾಗಿ ತೀವ್ರ ತನಿಖೆ ನಡೆಸುವುದಾಗಿ ತಿಳಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/current-line-man-in-harihara/

https://www.vijayavani.net/affair-with-a-bodyguard-for-a-princess-12-crore-was-given-to-cover-the-matter/