ಸಿಡ್ನಿ: ಆಸ್ಟ್ರೇಲಿಯಾದ ಆಲ್ರೌಂಡರ್ ಆಟಗಾರ ಗ್ಲೇನ್ ಮ್ಯಾಕ್ಸ್ವೆಲ್ ಬಗ್ಗೆ ಭಾರತೀಯರಿಗೆ ಹೆಚ್ಚು ಪರಿಚಯಿಸುವ ಅಗತ್ಯವಿಲ್ಲ. ಮೈದಾನದಲ್ಲಿ ಅಬ್ಬರಿಸಿ ಬೊಬ್ಬೊರಿಯುವ ಮ್ಯಾಕ್ಸಿ ಕ್ರೀಡಾಭಿಮಾನಿಗಳ ನೆಟ್ಟಿನ ಕ್ರಿಕೆಟರ್. ಕಳೆದ ನವೆಂಬರ್ನಲ್ಲಿ ಮುಕ್ತಾಯಗೊಂಡು ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ ನಿರ್ಣಾಯಕ ಪಂದ್ಯದಲ್ಲಿ ಆಫ್ಘಾನಿಸ್ತಾನ ವಿರುದ್ಧ ಏಕಾಂಗಿಯಾಗಿ ಹೋರಾಡಿ ದ್ವಿಶತಕ ಸಿಡಿಸುವ ಮೂಲಕ ಸೋಲಿನ ದವಡೆಯಲ್ಲಿ ಸಿಲುಕಿದ್ದ ತಂಡವನ್ನು ಗೆಲುವಿನ ದಡ ಸೇರಿಸಿದ್ದನ್ನು ಎಂದಿಗೂ ಮರೆಯುವಂತಿಲ್ಲ. ಆಸ್ಟ್ರೇಲಿಯಾ ವಿಶ್ವಕಪ್ ಗೆಲುವಿನಲ್ಲಿ ಮ್ಯಾಕ್ಸಿ ಪಾತ್ರವೂ ಕೂಡ ಮ್ಯಾಕ್ಸಿಮಮ್ ಎಂದರೆ ಅತಿಶಯೋಕ್ತಿ ಆಗಲಾರದು.
ಮ್ಯಾಕ್ಸಿ ತಮ್ಮ ವಿಭಿನ್ನ ಹೊಡೆತಗಳಿಂದಲೇ ಫೇಮಸ್. ಅಲ್ಲದೆ, ಮ್ಯಾಕ್ಸಿ ಪವರ್ ಹಿಟ್ಟರ್ ಕೂಡ ಹೌದು. ಸದ್ಯ ಬಿಗ್ ಬ್ಯಾಷ್ ಲೀಗ್ (ಬಿಬಿಎಲ್)ನಲ್ಲಿ ಮ್ಯಾಕ್ಸಿ ಬಿಜಿಯಾಗಿದ್ದಾರೆ. ಮೆಲ್ಬೋರ್ನ್ ಸ್ಟಾರ್ಸ್ ಪರ ಆಡುತ್ತಿರುವ ಮ್ಯಾಕ್ಸಿ, ತಂಡದ ಯಶಸ್ಸಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ. ಇಂದು ನಡೆದ ಪಂದ್ಯದಲ್ಲಿ ಮೆಲ್ಬೋರ್ನ್ ರೆನೆಗೇಡ್ಸ್ ತಂಡದ ವಿರುದ್ಧ ಮ್ಯಾಕ್ಸಿ ಪರಿಚಯಿಸಿ ಹೊಸ ಹಾಗೂ ವಿಭಿನ್ನ ಹೊಡೆತ ನೆಟ್ಟಿಗರ ಗಮನ ಸೆಳೆದಿದೆ.
ಮ್ಯಾಕ್ಸಿಯ ಹೊಸ ಹೊಡೆತಕ್ಕೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ವಿಡಿಯೋದಲ್ಲಿ ಮ್ಯಾಕ್ಸಿ ಸ್ಕೂಪ್ ಮತ್ತು ರಿವರ್ಸ್ ಎರಡೂ ಹೊಡೆತವನ್ನು ಮಿಕ್ಸ್ ಮಾಡಿದ್ದಾರೆ. ಅಲ್ಲದೆ, ಬೌಂಡರಿ ಸಹ ಬಾರಿಸಿದರು. ವಿಡಿಯೋ ನೋಡಿದ ನೆಟ್ಟಿಗರು ಇದು ಮ್ಯಾಕ್ಸಿ ಸ್ಟೈಲ್ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಅಲ್ಲದೆ, ಈ ಹೊಡೆತಕ್ಕೆ ಏನೆಂದು ಕರೆಯುತ್ತಾರೆ ಹೇಳಿ ಎಂದು ಕೇಳುತ್ತಿದ್ದಾರೆ. ವಿಡಿಯೋ ನೋಡಿದ ಮೇಲೆ ನಿಮಗೆ ಏನು ಅನಿಸಿತು ಎಂಬುದನ್ನು ಕಾಮೆಂಟ್ ಮೂಲಕ ನಮಗೆ ತಿಳಿಸಿ.
Glenn Maxwell inventing new shots in cricket.
– The Mad Maxi. 💪💥pic.twitter.com/lTZcdWCA1n
— Johns. (@CricCrazyJohns) January 2, 2024
ಇನ್ನೂ ಪಂದ್ಯದ ವಿಚಾರಕ್ಕೆ ಬಂದರೆ, ಮೆಲ್ಬೋರ್ನ್ ರೆನೆಗೇಡ್ಸ್ ಮತ್ತು ಮೆಲ್ಬೋರ್ನ್ ಸ್ಟಾರ್ಸ್ ನಡುವೆ ಮಂಗಳವಾರ (ಜ.02) ಪಂದ್ಯ ನಡೆಯಿತು. ಮಳೆಯ ಕಾರಣದಿಂದಾಗಿ ಪಂದ್ಯವನ್ನು 14 ಓವರ್ಗಳಿಗೆ ಸೀಮಿತಗೊಳಿಸಲಾಯಿತು. ಮೊದಲು ಬ್ಯಾಟ್ ಮಾಡಿದ ರೆನೆಗೇಡ್ಸ್ 7 ವಿಕೆಟ್ ನಷ್ಟಕ್ಕೆ 97 ರನ್ ಕಲೆಹಾಕಿತು. ಗುರಿ ಬೆನ್ನತ್ತಿದ ಮೆಲ್ಬೋರ್ನ್ ಸ್ಟಾರ್ಸ್ 12 ಓವರ್ಗಳಲ್ಲಿ 2 ವಿಕೆಟ್ ನಷ್ಟಕ್ಕೆ 98 ರನ್ ಕಲೆಹಾಕುವ ಮೂಲಕ ಗೆಲುವಿನ ನಗೆ ಬೀರಿತು.
ಮೆಲ್ಬೋರ್ನ್ ಸ್ಟಾರ್ಸ್ ಪರ ಬಿರುಸಿನ ಆಟವಾಡಿದ ಮ್ಯಾಕ್ಸಿ ಕೇವಲ 15 ಎಸೆತಗಳಲ್ಲಿ 3 ಸಿಕ್ಸರ್ ಮತ್ತು 2 ಬೌಡಂರಿ ನೆರವಿನೊಂದಿಗೆ ಅಜೇಯ 32 ರನ್ ಗಳಿಸುವ ಮೂಲಕ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು. ಬಿಬಿಎಲ್ನಲ್ಲಿ ಮ್ಯಾಕ್ಸಿ ನೇತೃತ್ವದಲ್ಲಿ ಮೆಲ್ಬೋರ್ನ್ ಸ್ಟಾರ್ಸ್ ತಂಡಕ್ಕೆ ಇದು ನಾಲ್ಕನೆಯ ಗೆಲುವಾಗಿದೆ. (ಏಜೆನ್ಸೀಸ್)
ಮ್ಯಾಕ್ಸಿ ದ್ವಿಶತಕ ಸಿಡಿಸಿಲು ಕಾಲಿನ ಗಾಯವೇ ಕಾರಣ! ಸಚಿನ್ ಕೊಟ್ಟ ಅಚ್ಚರಿಯ ವಿವರಣೆ ಹೀಗಿದೆ…
ಪತ್ನಿ ಕೊಂದು ಪರಾರಿಯಾಗಿದ್ದ ಗಂಡ ಶವವಾಗಿ ಪತ್ತೆ: ಬಾಗಿಲು ತೆರೆದ ಪೊಲೀಸರಿಗೆ ಕಂಡಿದ್ದು ಕಣ್ಣೀರು ತರಿಸುವ ದೃಶ್ಯ