ಕರೊನಾಗೆ ಸಜ್ಜಾಯ್ತು ದೇಶೀಯ ಔಷಧ; ಮುಂಬೈ ಕಂಪನಿಗೆ ಡಿಸಿಜಿಐ ಸಮ್ಮತಿ

ನವದೆಹಲಿ: ಮಾರಕ ಕರೊನಾಗೆ ದೇಶಿಯ ಔಷಧ ಸಜ್ಜಾಗಿದೆ. ಮುಂಬೈನಲ್ಲಿ ಮುಖ್ಯ ಕಚೇರಿ ಹೊಂದಿರುವ ಗ್ಲೆನ್​ ಮಾರ್ಕ್​ ಕಂಪನಿ ಈ ಔಷಧ ತಯಾರಿಸಿದೆ. ಕೋವಿಡ್​ ರೋಗಿಗಳ ಮೇಲೆ ಪ್ರಯೋಗಿಸಲು ಕೇಂದ್ರ ಸರ್ಕಾರ ಅನುಮತಿಯನ್ನೂ ನೀಡಿದೆ.

ಗ್ಲೆನ್​ ಮಾರ್ಕ್​ ಫಾರ್ಮಾಸುಟಿಕಲ್ಸ್​​ ಕಂಪನಿ ಫೆಬಿಫ್ಲೂ ಹೆಸರಿನಲ್ಲಿ ಔಷಧ ತಯಾರಿಸಿದ್ದು, ಕೊರೊನಾದಿಂದ ಲಘು ಹಾಗೂ ಸಾಧಾರಣ ಸೋಂಕಿಗೆ ಒಳಗಾದವರಿಗೆ ಇದನ್ನು ನೀಡಬಹುದು ಎಂದು ಭಾರತೀಯ ಔಷಧ ಮಹಾನಿಯಂತ್ರಕರು (ಡಿಸಿಜಿಐ) ಪರವಾನಗಿ ನೀಡಿದ್ದಾರೆ.

ಇದನ್ನೂ ಓದಿ; ಜ್ವರ, ಕೆಮ್ಮು ಮಾತ್ರವಲ್ಲ, ಇವು ಕೂಡ ಕರೊನಾ ಲಕ್ಷಣಗಳು…! ಪರೀಕ್ಷಿಸಿಕೊಳ್ಳಿ… 

ಫೆಬಿಫ್ಲೂ ಭಾರತದ ಮೊದಲ ಬಾಯಿಯ ಮೂಲಕ ತೆಗೆದುಕೊಳ್ಳುವ ಕರೊನಾ ನಿವಾರಕ ಔಷಧ ಎಂಬ ಹೆಗ್ಗಳಿಕೆ ಪಡೆದಂತಾಗಿದೆ ಎಂದು ಕಂಪನಿ ಹೇಳಿಕೊಂಡಿದೆ. ದೇಶದಲ್ಲಿ ಕರೊನಾ ವ್ಯಾಪಕವಾಗಿ ಹಬ್ಬುತ್ತಿರುವ ಸಂದರ್ಭದಲ್ಲಿ ಈ ಔಷಧ ಬಳಕೆಗೆ ಅನುಮತಿ ಸಿಕ್ಕಿರುವುದು ಭಾರಿ ಪ್ರಯೋಜನವಾದಂತಾಗಿದೆ ಎಂದು ಕಂಪನಿಯ ವ್ಯವಸ್ಥಾಪಕ ನಿರ್ದೇಶಕ ಗ್ಲೆನ್​ ಸಲ್ಡಾನ್ಹಾ ಹೇಳಿದ್ದಾರೆ.

ಈ ಔಷಧ ಮಾತ್ರವಲ್ಲದೇ. ಇನ್ನೂ ಹಲವು ಭಾರತೀಯ ಕಂಪನಿಗಳು ಕರೊನಾ ಲಸಿಕೆ ಕಂಡು ಹಿಡಿಯುವಲ್ಲಿ ತೊಡಗಿವೆ. ಇನ್ನು ಕೆಲ ತಿಂಗಳಲ್ಲಿ ಮಾನವರ ಮೇಲೆ ಪ್ರಯೋಗಕ್ಕೆ ಸಜ್ಜಾಗಲಿವೆ.

ಇದನ್ನೂ ಓದಿ; ಕರೊನಾದಿಂದ ಕಾಪಾಡುತ್ತಿರುವ ಔಷಧಗಳಿವು; ಬೆಲೆ ಕೇಳಿದರೆ ತಲೆ ತಿರುಗುತ್ತೆ…! 

ಫವಿಪಿರಾವಿರ್​ ಜಪಾನ್​ನಲ್ಲಿ ಶೀತಜ್ವರ ತಡೆಯಲು ಬಳಕೆಯಾಗುವ ವೈರಸ್​ ನಿಯಂತ್ರಕ ಔಷಧವಾಗಿದೆ. ಇದನ್ನು ಅವಿಗಾನ್​ ಅಥವಾ ಅಬಿಗಾನ್​ ಎಂದು ಕರೆಯಲಾಗುತ್ತದೆ. ಇದನ್ನೇ ಆಧರಿಸಿ ಫೆಭಿಫ್ಲೂ ತಯಾರಿಸಲಾಗಿದೆ.

https://www.vijayavani.net/dexamethasone-is-first-life-saving-coronavirus-drug-says-expert/