ಕರೊನಾದ ಸಾವಿನ ಕುಣಿಕೆಯಿಂದ ಪಾರು ಮಾಡುತ್ತಿದೆ ಈ ಔಷಧ...!

ನವದೆಹಲಿ: ಕರೊನಾ ವೈರಸ್​ನಿಂದ ಉಂಟಾಗುವ ಕೋವಿಡ್​ ಕಾಯಿಲೆಯಿಂದ ಕಾಪಾಡಲು ಸದ್ಯ ಹಲವು ಔಷಧಗಳನ್ನು ಬಳಸಲಾಗುತ್ತಿದೆ. ಈ ಪಟ್ಟಿಗೆ ಈಗ ಇನ್ನೊಂದು ಔಷಧ ಸೇರ್ಪಡೆಯಾಗಿದೆ.

ಕರೊನಾದಿಂದಾಗಿ ತೀವ್ರ ಅನಾರೋಗ್ಯಕ್ಕೆ ಈಡಾದವರನ್ನು ಸಾವಿನ ಕುಣಿಕೆಯಿಂದ ಪಾರು ಮಾಡಬಲ್ಲುದು. ಉಸಿರಾಟದ ತೀವ್ರ ತೊಂದರೆಯಿಂದ ಬಳುತ್ತಿರುವವರನ್ನು ಹಾಗೂ ಈಗಾಗಲೇ ವೆಂಟಿಲೇಟರ್​ನಲ್ಲಿ ಚಿಕಿತ್ಸೆ ಪಡೆಯುತ್ತಿರುವವರಿಗೆ ಇದು ವರದಾನವಾಗಿ ಪರಿಣಮಿಸಿದೆ ಎಂದು ಬ್ರಿಟನ್​ ತಜ್ಞರು ಹೇಳಿದ್ದಾರೆ.

ಈ ಔಷಧವನ್ನು ಬಳಸಿದ ಮುಕ್ಕಾಲು ಪಾಲು ರೋಗಿಗಳು ಸಾವಿನಿಂದ ಪಾರಾಗಿದ್ದಾರೆ ಎಂದು ಅಧ್ಯಯನ ವರದಿಗಳು ಹೇಳಿವೆ. ಬ್ರಿಟನ್​ನಲ್ಲಿ ಮಾರ್ಚ್​ನಿಂದಲೇ ಈ ಔಷಧದ ಬಳಕೆ ಬಗ್ಗೆ ಅಧ್ಯಯನ ನಡೆಸಲಾಗುತ್ತಿತ್ತು. ಐದು ಸಾವಿರಕ್ಕೂ ಅಧಿಕ ಕೋವಿಡ್​ ಪೀಡಿತರು ಬದುಕುಳಿದಿದ್ದಾರೆ ಎಂದು ವರಿಯಾಗಿದೆ.

ಇದನ್ನೂ ಓದಿ; ಮಲೇರಿಯಾ ನಿವಾರಕ ಮಾತ್ರೆಯನ್ನು ಕೋವಿಡ್​ಗೆ ಬಳಸಬೇಡಿ ಎಂದಿದ್ದೇಕೆ ಅಮೆರಿಕ

ವೆಂಟಿಲೇಟರ್​ನಲ್ಲಿ ಚಿಕಿತ್ಸೆ ಪಡೆಯುತ್ತಿರುವವರ ಸಾವಿನ ಪ್ರಮಾಣವನ್ನು ಮುಕ್ಕಾಲು ಪಾಲು ಕಡಿಮೆಗೊಳಿಸಿದರೆ, ಆಮ್ಲಜನಕದ ಸಹಾಯದಿಂದ ಚಿಕಿತ್ಸೆ ಪಡೆಯುತ್ತಿರುವವರ ಸಾವಿನ ಸಂಭಾವ್ಯತೆಯನ್ನು ಶೇ.20 ಕಡಿಮೆ ಮಾಡಿದೆ ಎಂದು ಗೊತ್ತಾಗಿದೆ.

ಮನೆಯಲ್ಲಿದ್ದುಕೊಂಡೇ ಕೋವಿಡ್​ನಿಂದ ಗುಣಮುಖರಾಗಬಹುದು. ಆಸ್ಪತ್ರೆಗೆ ದಾಖಲಾಗುವವರು ಕೂಡ ಚೇತರಿಕೆ ಕಾಣುತ್ತಾರೆ. ಅದರಲ್ಲೂ ಕೃತಕವಾಗಿ ಆಮ್ಲಜನಕ ಪೂರೈಕೆ ಅಗತ್ಯವಿರುವವಿಗೆ ಈ ಔಷಧ ಸಂಜೀವಿನಿಯಾಗಿದೆ ಎಂದೇ ಹೇಳಲಾಗಿದೆ.

ಇದನ್ನೂ ಓದಿ; ಜ್ವರ, ಕೆಮ್ಮು ಮಾತ್ರವಲ್ಲ, ಇವು ಕೂಡ ಕರೊನಾ ಲಕ್ಷಣಗಳು…! ಪರೀಕ್ಷಿಸಿಕೊಳ್ಳಿ… 

ಜಗತ್ತಿನಾದ್ಯಂತ ಲಭ್ಯವಿರುವ ಈ ಔಷಧದ ಹೆಸರು ಡೆಕ್ಸಾಮೆಥಾಸೋನ್​. 1960 ರಿಂದಲೂ ವಿವಿಧ ಕಾಯಿಲೆಗಳಿಗೆ ಇದನ್ನು ಬಳಸಲಾಗುತ್ತಿದೆ. ಅಸ್ತಮಾ, ಶ್ವಾಸಕೋಶದ ತೊಂದರೆ, ಚರ್ಮ ಕಾಯಿಲೆ, ಅಲರ್ಜಿ ಮೊದಲಾದವುಗಳಿಗೆ ಇದನ್ನು ಶಿಫಾರಸು ಮಾಡಲಾಗುತ್ತಿದೆ. ಕರೊನಾ ವೈರಸ್​ ತಡೆಯಲು ದೇಹದ ರೋಗ ಪ್ರತಿರೋಧ ಶಕ್ತಿ ಕೆಲವೊಮ್ಮೆ ತೀವ್ರವಾಗಿ ಪ್ರತಿಸ್ಪಂದಿಸುತ್ತದೆ. ಇದು ಮಾರಕವಾಗಬಹುದು. ಇದರಿಂದಾಗುವ ಹಾನಿಯನ್ನು ಇದು ತಡೆಯುತ್ತದೆ ಎಂಬುದು ಅಧ್ಯಯನದಿಂದ ತಿಳಿದುಬಂದಿದೆ. ಜತೆಗೆ, ಇದರ ಕಡಿಮೆ ಬೆಲೆ ಕಡಿಮೆಯಾಗಿರುವುದರಿಂದ ಎಲ್ಲರೂ ಇದನ್ನು ಬಳಸಬಹುದು ಎಂದು ಸಂಶೋಧಕರು ತಿಳಿಸಿದ್ದಾರೆ.

https://www.vijayavani.net/jamia-millia-islamia-decides-to-do-away-with-offline-exams-for-final-year-students/