ಜೆನಿಲಿಯಾ ಡಿಸೋಜಾ ಬಗ್ಗೆ ಈ ಸುದ್ದಿ ಕೇಳಿದಿರಾ?

ಎಂಟು ವರ್ಷಗಳೇ ಆಗಿದ್ದವು ಜೆನಿಲಿಯಾ, ತೆಲುಗು ಚಿತ್ರವೊಂದರಲ್ಲಿ ನಟಿಸಿ. ‘ನಾ ಇಷ್ಟಂ’ ಎಂಬ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದ ಜೆನಿಲಿಯಾ, ಆ ನಂತರ ರಿತೇಶ್ ದೇಶ್ಮುಖ್ ಅವರನ್ನು ಮದುವೆಯಾಗಿ ಸಾಂಸಾರಿಕ ಜೀವನವನ್ನು ಸವಿಯುತ್ತಿದ್ದಾರೆ. ಮಧ್ಯೆದಲ್ಲಿ ಒಂದೆರೆಡು ಚಿತ್ರಗಳಲ್ಲಿ ಅವರು ಅತಿಥಿ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರೂ, ಯಾವುದೇ ಚಿತ್ರದಲ್ಲೂ ಪೂರ್ಣಪ್ರಮಾಣದ ಪಾತ್ರದಲ್ಲಿ ಕಾಣಿಸಿಕೊಂಡಿರಲಿಲ್ಲ.

ಇದನ್ನೂ ಓದಿ: 2021ಕ್ಕೆ ಬಿಡುಗಡೆ ಭಾಗ್ಯ! ಸಾಲು ಸಾಲು ಸಿನಿಮಾಗಳು ಪೋಸ್ಟ್​ಪೋನ್

ಈಗ ಜೆನಿಲಿಯಾ ತೆಲುಗಿಗೆ ವಾಪಸ್ಸು ಬರುತ್ತಿರುವುದಷ್ಟೇ ಅಲ್ಲ, ಚಿತ್ರವೊಂದರಲ್ಲಿ ಗಮನಾರ್ಹ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಎಂಬ ಸುದ್ದಿ ಹಬ್ಬಿದೆ. ಮಲಯಾಳಂನ ಹಿಟ್ ಸಿನಿಮಾ ‘ಲೂಸಿಫರ್’, ತೆಲುಗಿಗೆ ರೀಮೇಕ್ ಆಗುತ್ತಿದೆ. ಈ ಚಿತದ ಹೀರೋ ಚಿರಂಜೀವಿ. ಇನ್ನು ನಾಯಕಿ ಪಾತ್ರಕ್ಕೆ ಜೆನಿಲಿಯಾ ಅವರನ್ನು ಕೇಳಲಾಗಿದೆಯಂತೆ. ಮೂಲ ಚಿತ್ರದಲ್ಲಿ ಈ ಪಾತ್ರವನ್ನು ಮಂಜು ವಾರಿಯರ್​ ಮಾಡಿದ್ದರು. ಈಗ ಅಂಥದ್ದೊಂದು ಅವಕಾಶ ಜೆನಿಲಿಯಾಗೆ ಸಿಕ್ಕಿದೆ ಎಂದು ಹೇಳಲಾಗುತ್ತಿದೆ.

ನಾಯಕಿ ಎಂದರೆ ಮರ ಸುತ್ತುವ ಪಾತ್ರವಲ್ಲ. ಅದೊಂದು ವಿಭಿನ್ನ ಪಾತ್ರವಾಗಿದ್ದು ಜೆನಿಲಿಯಾ ನಟಿಸಿದರೆ ಚೆನ್ನ ಎಂಬುದು ಚಿತ್ರತಂಡದ ಅನಿಸಿಕೆ. ಈಗಾಗಲೇ ಈ ವಿಷಯವನ್ನು ಅವರೆದುರು ಪ್ರಸ್ತಾಪ ಮಾಡಿದ್ದು, ಅವರಿಂದ ಗ್ರೀನ್ ಸಿಗ್ನಲ್ ಬರುವುದಕ್ಕೆ ಚಿತ್ರತಂಡ ಕಾಯುತ್ತಿದೆ.

ಇದನ್ನೂ ಓದಿ: ಜೂನ್​ನಿಂದ ಸಿನಿಮಾ ಚಿತ್ರೀಕರಣಕ್ಕೆ ಅನುವು; ಮುಖ್ಯಮಂತ್ರಿ ಭೇಟಿ ಮಾಡಿದ ಸ್ಟಾರ್ಸ್​

ಜೆನಿಲಿಯಾ ಒಪ್ಪಿದರು ಎಂದ ಮಾತ್ರಕ್ಕೆ, ತಕ್ಷಣವೇ ಚಿತ್ರ ಶುರುವಾಗುತ್ತದೆ ಎಂದು ಹೇಳುವುದು ಕಷ್ಟ. ಏಕೆಂದರೆ, ಚಿರಂಜೀವಿ ಮೊದಲು ‘ಆಚಾರ್ಯ’ ಎಂಬ ಚಿತ್ರ ಮುಗಿಸಬೇಕಿದೆ. ಆ ನಂತರವಷ್ಟೇ, ‘ಲೂಸಿಫರ್’ ತೆಲುಗು ರೀಮೇಕ್ ಶುರುವಾಗೋದು. ಅಲ್ಲಿಗೆ ಜೆನಿಲಿಯಾ ಅವರನ್ನು ತೆರೆಯ ಮೇಲೆ ನೋಡುವುದಕ್ಕೆ, ಎರಡು ವರ್ಷಗಳಾದರೂ ಕಾಯಬೇಕು.

https://www.vijayavani.net/no-release-of-salman-khan-this-year/