13 ಟನ್ ತೂಕ, 20.5 ಅಡಿ ಉದ್ದ! ಇರಾನ್​ ಮೇಲೆ ಯುಎಸ್​ ಬೀಳಿಸಿದ ಬಾಂಬ್​ನ ಸಾಮರ್ಥ್ಯವೇನು? ಇಲ್ಲಿದೆ ಮಾಹಿತಿ | GBU-57

GBU-57 Bunker: ಕಳೆದ ಕೆಲವು ದಿನಗಳಿಂದ ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಇರಾನ್ ಮತ್ತು ಇಸ್ರೇಲ್ ನಡುವಿನ ಯುದ್ಧ ಇದೀಗ ಮತ್ತೊಂದು ಹಂತಕ್ಕೆ ಹೋಗಿದೆ. ಇದಕ್ಕೆ ಕಾರಣ, ಡೋನಾಲ್ಡ್ ಟ್ರಂಪ್​ ನೇತೃತ್ವದ ಅಮೆರಿಕ ನಡೆಸಿದ ವೈಮಾನಿಕ ದಾಳಿ. ಇರಾನ್​ ಮೇಲಿನ ದಾಳಿಯಲ್ಲಿ ವರ್ಷಗಳಿಂದ ಇಸ್ರೇಲ್ ಅನ್ನು ಪ್ರತ್ಯಕ್ಷ ಹಾಗೂ ಪರೋಕ್ಷವಾಗಿ ಬೆಂಬಲಿಸಿಕೊಂಡು ಬಂದಿರುವ ಅಮೆರಿಕ, ಇಂದು ನೇರವಾಗಿ ಸಮರಕ್ಕೆ ಇಳಿದಿದೆ. ಅಷ್ಟಾಗಿ ಎಲ್ಲಿಯೂ ಉಪಯೋಗಿಸಿದ ಬಂಕರ್​ ಬಾಂಬ್​ ಅನ್ನು ಇರಾನ್​ ಮೇಲೆ ಪ್ರಯೋಗಿಸುವ ಮೂಲಕ ಇರಾನ್​-ಇಸ್ರೇಲ್ ಸಂಘರ್ಷದಲ್ಲಿ ಅಮೆರಿಕ ಮಧ್ಯಪ್ರವೇಶಿಸಿದೆ.

ಇದನ್ನೂ ಓದಿ: ‘ಕ್ರಿಕೆಟ್​ ದೇವರ’ ದಾಖಲೆ ಮುರಿದ ಜೋ ರೂಟ್​! ಇಂಗ್ಲೆಂಡ್‌ನಲ್ಲಿ ಅತಿ ಹೆಚ್ಚು ರನ್​ ಗಳಿಸಿದ ಆಟಗಾರರಿವರು | IND vs ENG

ಅಮೆರಿಕ ಸೇನೆ ಇರಾನ್‌ನ ಮೂರು ಪರಮಾಣು ಕೇಂದ್ರಗಳ ಮೇಲೆ ವೈಮಾನಿಕ ದಾಳಿ ನಡೆಸಿದೆ. ಇರಾನ್‌ನ ಫೋರ್ಡೋ, ನಟಾಂಜ್ ಮತ್ತು ಇಸ್ಫಹಾನ್‌ನಲ್ಲಿರುವ ಪರಮಾಣು ಕೇಂದ್ರಗಳನ್ನು ಛಿದ್ರಗೊಳಿಸಿದ ಯುಎಸ್​ ಸೇನೆ, ಇರಾನ್ ಮೇಲೆ ಆರು ಬಲಿಷ್ಠ ಬಂಕರ್ ಬಸ್ಟರ್ ಬಾಂಬ್‌ಗಳನ್ನು ಬೀಳಿಸಿದೆ. ಅಮೆರಿಕ ಸೇನಾ ಬಂಕರ್ ಬಸ್ಟರ್ ಎಂದೂ ಕರೆಯಲ್ಪಡುವ ಈ BBU-57 ಬೃಹತ್ ಆರ್ಡನೆನ್ಸ್ ಪೆನೆಟ್ರೇಟರ್ (MOP) ಬಾಂಬ್, ಇರಾನ್​ಗೆ ದೊಡ್ಡ ನಷ್ಟವನ್ನೇ ಉಂಟುಮಾಡಿದೆ.

ಅತ್ಯಂತ ಶಕ್ತಿಶಾಲಿ 'ಬಂಕರ್ ಬಸ್ಟರ್'

ಯುಎಸ್ ವಾಯುಪಡೆಯ ಪ್ರಕಾರ, ಬಂಕರ್ ಬಸ್ಟರ್ ಎಂದೂ ಕರೆಯಲ್ಪಡುವ GBU-57 MOP ಬೋಯಿಂಗ್ ಕಂಪನಿಯ ಸಹಯೋಗದೊಂದಿಗೆ ಅಮೆರಿಕ ಅಭಿವೃದ್ಧಿಪಡಿಸಿದೆ. ಇದೊಂದು ದೊಡ್ಡ, ಅತ್ಯಂತ ಶಕ್ತಿಶಾಲಿ ಬಾಂಬ್ ಎಂದು ಪರಿಗಣಿಸಲಾಗಿದೆ. ಈ ಬಂಕರ್ ಬಸ್ಟರ್ ಸುಮಾರು 20.5 ಅಡಿ ಉದ್ದ ಮತ್ತು 31.5 ಇಂಚು ವ್ಯಾಸವನ್ನು ಹೊಂದಿದೆ. ಇದರ ತೂಕ ಸುಮಾರು 13,000 ಕೆಜಿ. ಈ ಬಂಕರ್ ಬಸ್ಟರ್ ಬಾಂಬ್ ಭೂಗತಕ್ಕೆ ವೇಗವಾಗಿ ನುಗ್ಗುವುದರ ಜೊತೆಗೆ ಗುರಿಗಳನ್ನು ಛಿದ್ರಗೊಳಿಸುವ ಸಾಮರ್ಥ್ಯವನ್ನು ಹೊಂದಿದೆ. ಇದು 200 ಅಡಿ ಮಣ್ಣಿನ ಆಳಕ್ಕೆ ಹಾಗೂ 60 ಅಡಿ ಕಾಂಕ್ರೀಟ್ ಅನ್ನು ಭೇದಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಇದನ್ನೂ ಓದಿ: 2011ರ IPL​ ಕೊನೆ! ಜಡೇಜಾ, ವಿವಿಎಸ್​ ಲಕ್ಷ್ಮಣ್​​ಗೆ ಇನ್ನೂ ಸಿಕ್ಕಿಲ್ಲ ಸಂಭಾವನೆ; ಇದು 538 ಕೋಟಿ ರೂ. ವಿಚಾರ| KTK Controversy

ಹೆಚ್ಚು ಬಾಳಿಕೆ ಬರುವ ಲೋಹದ ಮಿಶ್ರದಿಂದ ಮಾಡಿದ ಕವಚದಲ್ಲಿ ಬಾಂಬ್ ಸುಮಾರು 80 ಪ್ರತಿಶತ ತೂಗುತ್ತದೆ. ಇದು ಕೇವಲ ಎರಡು ಟನ್ ಸ್ಫೋಟಕಗಳನ್ನು ಹೊಂದಿವೆ. ಆದಾಗ್ಯೂ, ಈ ಬಾಂಬ್‌ಗಳನ್ನು ಸಾಗಿಸಲು ಸಾಧ್ಯವಾಗುವಂತೆ ಯುಎಸ್ ತನ್ನ ಬಿ-2 ಸ್ಪಿರಿಟ್ ಫೈಟರ್ ಬಾಂಬರ್‌ಗಳನ್ನು ಮಾರ್ಪಡಿಸಿದೆ. ಪ್ರತಿ ಬಿ-2 ಸ್ಪಿರಿಟ್ ಎರಡು ಬಂಕರ್ ಬಸ್ಟರ್‌ಗಳನ್ನು ಸಾಗಿಸಬಲ್ಲದು. ವಾಯುಪಡೆಯ ಫ್ಯಾಕ್ಟ್ ಶೀಟ್ ಪ್ರಕಾರ, ಇರಾನ್‌ನಲ್ಲಿರುವ ಫೋರ್ಡೋ ಸೈಟ್ ಸುಮಾರು 90 ಮೀಟರ್ ಭೂಗತದಲ್ಲಿದೆ. ಅಮೆರಿಕ ದಾಳಿಗೆ ಎಷ್ಟು ಪ್ರಮಾಣದಲ್ಲಿ ಹಾನಿಯಾಗಿದೆ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ.

GBU-57 ವಿಶೇಷತೆಗಳು

• 13 ಟನ್​ ಕೆಜಿ ತೂಕ
• 20.5 ಅಡಿ ಉದ್ದ (ಸುಮಾರು 6.25 ಮೀಟರ್).
• 5,300 ಪೌಂಡ್‌ (2,400 ಕೆಜಿ) ಸ್ಫೋಟಕಗಳಿಂದ ಕೂಡಿದೆ.
• ಮಾರ್ಗದರ್ಶನ ವ್ಯವಸ್ಥೆ: GPS-ಆಧಾರಿತ ನಿಖರ ಮಾರ್ಗದರ್ಶನ, ಇದು ಗುರಿಯನ್ನು ನಿಖರತೆಯೊಂದಿಗೆ ದಾಳಿ ಮಾಡುವಲ್ಲಿ ಮೊದಲು.
• ವಾಹಕ ವಿಮಾನ: B-2 ಸ್ಪಿರಿಟ್ ಸ್ಟೆಲ್ತ್ ಬಾಂಬರ್ ಮಾತ್ರ ಈ ಬಾಂಬ್ ಅನ್ನು ಹೊತ್ತೊಯ್ಯಬಲ್ಲದು. ಕಾರಣ, ಇದು ಅಧಿಕ ತೂಕ ಮತ್ತು ಬೃಹತ್​ ಆಗಿದೆ. B-3 ಎರಡು GBU-57 ಬಾಂಬ್‌ಗಳನ್ನು ಹೊತ್ತೊಯ್ಯಬಲ್ಲದು.
• ಸಾಮರ್ಥ್ಯ: ಆಳವಾದ ಬಂಕರ್‌ಗಳು, ಸುರಂಗಗಳು ಮತ್ತು ಬಲವರ್ಧಿತ ಕಾಂಕ್ರೀಟ್ ಗೋಡೆಗಳನ್ನು ಛಿದ್ರಗೊಳಿಸುತ್ತದೆ,(ಏಜೆನ್ಸೀಸ್).

https://www.vijayavani.net/ktk-has-not-yet-paid-salaries-to-franchise-players