ಕಾಡಿನ ಹಾದಿಯಲ್ಲಿ ಇಬ್ಬರೂ ನಡೆದುಕೊಂಡು ಹೋಗುತ್ತಿದ್ದಾಗ, ಐದು ಪುರುಷರು ಅವರ ಮೇಲೆ ಹೊಂಚು ಹಾಕಿದ್ದು, ಈಕೆಯ ಜತೆ ಇದ್ದ ಹುಡುಗನಿಗೆ ಕೋಲಿನಿಂದ ತಲೆಗೆ ಹೊಡೆದು, ಮಹಿಳೆಯನ್ನು ಕಾಡಿನ ಒಳಗಡೆ ಎಳೆದೊಯ್ದಿದ್ದಾರೆ. ಕಾಡಿನಿಂದ ಮಹಿಳೆ ಅಳುತ್ತಾ, ಹತ್ತಿರದ ಹಳ್ಳಿಯನ್ನು ತಲುಪಿ, ಅಲ್ಲಿದ್ದ ಕಾರ್ಮಿಕರಿಗೆ ತನ್ನ ಕಷ್ಟವನ್ನು ವಿವರಿಸಿದ್ದಾಳೆ. ನಂತರ ಅವಳ ಹುಡುಗನ ಜತೆ ಸ್ಥಳೀಯ ಪೊಲೀಸರ ಬಳಿಗೆ ಬಂದು ದೂರು ನೀಡಿದ್ದಾರೆ. ಇಬ್ಬರ ದೂರಿನ ಮೇರೆಗೆ ಪೊಲೀಸರು ತಕ್ಷಣ ಪ್ರಕರಣ ದಾಖಲಿಸಿಕೊಂಡು ಚಿಕಿತ್ಸೆಗಾಗಿ ಸೆಮಾರಿಯಾದಲ್ಲಿರುವ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ಕಳುಹಿಸಿದ್ದಾರೆ. ಈ ಬಗ್ಗೆ ವಿಚಾರ ತಿಳಿದ ಪೊಲೀಸರ ತಂಡ ಶೀಘ್ರದಲ್ಲೇ ಸ್ಥಳಕ್ಕೆ ತಲುಪಿ, ರಕ್ತದ ಕಲೆಗಳಿರುವ ಟವಲ್ ಮತ್ತು ಹಲ್ಲೆಯ ಚಿಹ್ನೆಗಳು ಕಾಡಿನೊಳಗೆ ಪತ್ತೆ ಹಚ್ಚಿದೆ. ರಾತ್ರಿಯಿಡೀ ಹತ್ತಿರದ ಗ್ರಾಮಗಳಲ್ಲಿ ಶಂಕಿತರಿಗಾಗಿ ಶೋಧ ಕಾರ್ಯಾಚರಣೆ ನಡೆಸಿದ್ದಾರೆ.
