ಟಾಲಿವುಡ್​ ಸ್ಟಾರ್ ನಟನ ಜನ್ಮದಿನಕ್ಕೆ ಮೋಷನ್​ ಪೋಸ್ಟರ್​ ಬಿಡುಗಡೆ ಮಾಡಲಿದ್ದಾರೆ ಗಣೇಶ್​!

ಸಿನಿಮಾ ಸ್ಟಾರ್​ಗಳ ಜನ್ಮ ದಿನ ಬಂತೆಂದರೆ ಅವರ ಅಭಿಮಾನಿಗಳಲ್ಲಿ ಹಬ್ಬದ ಸಂಭ್ರಮ. ಬಗೆಬಗೆ ಸಿಡಿಪಿ (ಕಾಮನ್​ ಡಿಸ್ಲೇ ಪಿಕ್ಚರ್​) ಗಳನ್ನು ಸಿದ್ಧಪಡಿಸಿ ಫ್ಯಾನ್​ ಪೇಜ್​ಗಳಲ್ಲಿ ಶೇರ್​ ಮಾಡಿಕೊಂಡು ಹಬ್ಬದಂತೆ ನೆಚ್ಚಿನ ನಟನ ಹುಟ್ಟುಹಬ್ಬವನ್ನು ಸೆಲೆಬ್ರೆಟ್​ ಮಾಡುತ್ತಾರೆ. ವಿಶೇಷ ಏನೆಂದರೆ, ಒಂದಷ್ಟು ಸಿಡಿಪಿಗಳನ್ನು ಸ್ಟಾರ್​ ನಟರ ಕಡೆಯಿಂದಲೇ ಬಿಡುಗಡೆ ಮಾಡಿಸುತ್ತಾರೆ. ಅದೇ ರೀತಿ ಟಾಲಿವುಡ್​ ಸ್ಟಾರ್ ನಟನ ಬರ್ತ್​​ಡೇ ಮೋಷನ್​ ಪೋಸ್ಟರ್ ಅ​ನ್ನು ಇದೀಗ ಗೋಲ್ಡನ್​ ಸ್ಟಾರ್ ಗಣೇಶ್ ಬಿಡುಗಡೆ ಮಾಡಲಿದ್ದಾರೆ.

ಇದನ್ನೂ ಓದಿ: FACT CHECK; ಲಿವರ್​ ಸಮಸ್ಯೆಯಿಂದ ಬಾಲಿವುಡ್​ನ ಖ್ಯಾತ ನಿರ್ದೇಶಕ ನಿಧನ?

ಹಾಗಾದರೆ ಯಾರು ಆ ಟಾಲಿವುಡ್​ನ ಸ್ಟಾರ್ ನಟ? ಮೆಗಾಸ್ಟಾರ್ ಚಿರಂಜೀವಿ. ಹೌದು, ಆಗಸ್ಟ್ 22ಕ್ಕೆ ಚಿರಂಜೀವಿ ಹುಟ್ಟುಹಬ್ಬ. ಆ ಪ್ರಯುಕ್ತ ಗಣೇಶ್​, ಚಿರು ಬರ್ತ್​ಡೇ ಮೋಷನ್​ ಪೋಸ್ಟರ್ ಅನ್ನು 21ರ ಸಂಜೆ 7ಗಂಟೆಗೆ ಬಿಡುಗಡೆ ಮಾಡಲಿದ್ದಾರೆ. ಈ ಹಿಂದೆ ಸ್ಯಾಂಡಲ್​ವುಡ್ ಹ್ಯಾಟ್ರಿಕ್​ ಹೀರೋ ಶಿವರಾಜ್​ಕುಮಾರ್ ತಮಿಳು ನಟ ಸೂರ್ಯ ಸೇರಿ ಸಾಕಷ್ಟು ಮಂದಿಯ ಸಿಡಿಪಿಯನ್ನು ಬಿಡುಗಡೆ ಮಾಡಿದ್ದರು.

ಇದನ್ನೂ ಓದಿ: ನನಗೆ ಗೊತ್ತು, ನಾನು ಹೆಚ್ಚು ದಿನ ಇರೋಲ್ಲ … ಹಾಗಂತ ಕಂಗನಾ ಹೇಳಿದ್ದೇಕೆ?

ಇನ್ನು ಅಭಿಮಾನಿ ವಲಯದಲ್ಲಿ ಈಗಾಗಲೇ ಸಂಭ್ರಮಾಚರಣೆ ಶುರುವಾಗಿದ್ದು, ಚಿರು ಅವರ ಸಿನಿಮಾಕ್ಕೆ ಸಂಬಂಧಿಸಿದ ಅಪ್​ಡೇಟ್ಸ್​ಗೆ ಅಭಿಮಾನಿಗಳು ಬೇಡಿಕೆ ಇಟ್ಟಿದ್ದು, ಆಚಾರ್ಯ ಚಿತ್ರದ ಫಸ್ಟ್ ಲುಕ್​ ಬಿಡುಗಡೆಯಾಗುವ ಸಾಧ್ಯತೆ ಇದೆ. (ಏಜೆನ್ಸೀಸ್​)

https://www.vijayavani.net/sonakshi-takes-a-jibe-at-kangana-over-nepotism/