ಅಭಿಮಾನಿಗಳ ಜತೆಗೆ ರೈಡಿಂಗ್​ ಹೊರಟ ಗಣೇಶ್​​ …

ಬೆಂಗಳೂರು: ಗಣೇಶ್​ ಇತ್ತೀಚೆಗೆ ಒಂದಿಷ್ಟು ಹುಡುಗ-ಹುಡುಗಿಯರನ್ನು ಕೂಡಿಸಿಕೊಂಡು ರೈಡ್​ ಮಾಡುವ ಫೋಟೋಗಳು ಸೋಷಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಿವೆ. ಗಣೇಶ್​ ರೈಡಿಂಗ್​ ಹೋಗಿದ್ದು ಯಾಕೆ? ಅವರ ಜತೆಗೆ ಇದ್ದವರು ಯಾರು? ಎಂದು ತಲೆ ಕೆರೆಡುಕೊಂಡವರಿಗೆ ಕೊನೆಗೂ ಉತ್ತರ ಸಿಕ್ಕಿದೆ.

ಇದನ್ನೂ ಓದಿ: ಇಶಾನ್​ ಕಾಲ್​ಶೀಟ್​ ಯಾರಿಗೆ? ಮುಂದಿನ ಚಿತ್ರಗಳ ಬಗ್ಗೆ ಶುರುವಾಯ್ತು ಚರ್ಚೆ​ …

ಇತ್ತೀಚೆಗೆ ಕಂಠೀರವ ಸ್ಟುಡಿಯೋದಲ್ಲಿ ಗಣೇಶ್​, ನಾಯಕಿಯರಾದ ಮೇಘಾ ಶೆಟ್ಟಿ ಮತ್ತು ರಚನಾ ಇಂದರ್​ ಅಭಿಮಾನಿಗಳ ಜೊತೆ ಬೈಕ್​ನಲ್ಲಿ ರೈಡಿಂಗ್​ ಹೋಗುವ ಮೂಲಕ ಸಿನಿಮಾದ ಪ್ರಚಾರ ಮಾಡಿದರು. ರಾಜ್ಯದ ವಿವಿಧ ಭಾಗಗಳಿಂದ ಆಗಮಿಸಿದ್ದ ಅಭಿಮಾನಿಗಳ ಜತೆಗೆ ರೈಡ್​ ಮಾಡುವ ಮೂಲಕ ಚಿತ್ರದ ಬಗ್ಗೆ ಜಾಗೃತಿ ಮೂಡಿಸಿದರು. ಪ್ರಚಾರದ ನೆಪದಲ್ಲಿ ತಮ್ಮ ಇಷ್ಟದ ನಟ-ನಟಿಯರ ಜತೆಗೆ ಬೈಕ್​ ರೈಡ್​ ಮಾಡಿ ಅಭಿಮಾನಿಗಳು ಕೂಡ ಫುಲ್​ ಖುಷಿಯಾದರು.

ಇದನ್ನೂ ಓದಿ: ‘ಕೆಜಿಎಫ್​’ ಎನ್ನುವುದು ಕಾನ್ಫಿಡೆನ್ಸ್​; ‘ಕಾಂತಾರ’ ಎನ್ನುವುದು ಎಮೋಷನ್​ … ರವಿಚಂದ್ರನ್​ ವ್ಯಾಖ್ಯಾನ

ಎಂ. ರಾಮಗೋಪಾಲ್​ ನಿರ್ಮಿಸಿ, ಮಹೇಶ್​ ಗೌಡ ನಿರ್ದೇಶನ ಮಾಡಿರುವ 'ತ್ರಿಬಲ್​ ರೈಡಿಂಗ್​' ಚಿತ್ರವು ಈ ವಾರ ರಾಜ್ಯಾದ್ಯಂತ ಸುಮಾರು 180ಕ್ಕೂ ಹೆಚ್ಚಿನ ಕೇಂದ್ರಗಳಲ್ಲಿ ಬಿಡುಗಡೆ ಆಗುತ್ತಿದೆ. ಗಣೇಶ್​ಗೆ ನಾಯಕಿಯಾಗಿ ಅದಿತಿ ಪ್ರಭುದೇವ, ಮೇಘಾ ಶೆಟ್ಟಿ ಮತ್ತು ರಚನಾ ಇಂದರ್​ ನಟಿಸಿದ್ದಾರೆ. ಅಚ್ಯುತ್​ ಕುಮಾರ್​, ಸಾಧು ಕೋಕಿಲ, ರಂಗಾಯಣ ರಘು, ಶೋಭರಾಜ್​ ಮುಂತಾದ ಕಲಾವಿದರು ನಟಿಸಿರುವ ಈ ಚಿತ್ರಕ್ಕೆ ಸಾಯಿಕಾರ್ತಿಕ್​ ಸಂಗೀತ ಸಂಯೋಜಿಸಿದ್ದಾರೆ.

https://www.vijayavani.net/ravichandran-consoles-ashika-ranganath/

https://www.vijayavani.net/kantara-grosses-rs-400-crore-worldwide/