ಮುಂಬೈ: ಸಿನಿಮಾ ಮಂದಿ ತೂಕ ಇಳಿಸಿಕೊಳ್ಳುವುದು, ಸಪೂರವಾಗಿದ್ದು ಸಹಜ. ಆದರೆ, ನೃತ್ಯ ನಿರ್ದೇಶಕ ಸಣ್ಣಗಾಗಿರುವುದು ರೀತಿ ಇದೆಯಲ್ಲಾ, ಅದು ಬರೀ ಆಶ್ಚರ್ಯಕರವಷ್ಟೇ ಅಲ್ಲ, ಹಲವರಿಗೆ ಸ್ಫೂರ್ತಿದಾಯಕ ಎಂದರೆ ತಪ್ಪಿಲ್ಲ.
ಇದನ್ನೂ ಓದಿ: ‘ಅಂತಿಮ್’ನಲ್ಲಿ ಸಲ್ಮಾನ್ ಬದಲು ಶಾರೂಖ್ ನಟಿಸಬೇಕಿತ್ತಂತೆ …
ಇತ್ತೀಚೆಗೆ ಗಣೇಶ್ ಆಚಾರ್ಯ ಅವರು, ‘ದಿ ಕಪಿಲ್ ಶರ್ಮ ಶೋ’ನಲ್ಲಿ ಅತಿಥಿಯಾಗಿ ಕಾಣಿಸಿಕೊಂಡಿದ್ದರು. ಅವರ ಜತೆಗೆ ನೃತ್ಯ ನಿರ್ದೇಶಕರಾದ ಗೀತಾ ಕಪೂರ್ ಮತ್ತು ಟೆರೆನ್ಸ್ ಲೂಯಿಸ್ ಸಹ ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಈ ಸಂದರ್ಭದಲ್ಲಿ ಗಣೇಶ್ ಆಚಾರ್ಯ ಅವರನ್ನು ನೋಡಿದವರೆಲ್ಲಾ, ಸಾಕಷ್ಟು ಆಶ್ಚರ್ಯಚಕಿತರಾಗಿದ್ದರು. ಆ ಮಟ್ಟಕ್ಕೆ ಗಣೇಶ್ ಆಚಾರ್ಯ ತೂಕ ಇಳಿಸಿಕೊಂಡಿದ್ದಾರೆ.
ಇಷ್ಟಕ್ಕೂ ಗಣೇಶ್ ಎಷ್ಟು ಕೆಜಿ ಎಳಿಸಿಕೊಂಡಿದ್ದಾರೆ ಎಂಬ ಪ್ರಶ್ನೆ ಬರುವುದು ಸಹಜ. ಗಣೇಶ್ 98 ಕೆಜಿ ತೂಕ ಇಳಿಸಿಕೊಂಡಿದ್ದಾರಂತೆ. ಒಂದು ಕಾಲಕ್ಕೆ 200 ಕೆಜಿಯಷ್ಟಿದ್ದ ಅವರು 98 ಕೆಜಿ ಇಳಿಸಿಕೊಂಡಿದ್ದಾಗಿ ಅವರೇ ಹೇಳಿಕೊಂಡಿದ್ದಾರೆ. ಇದಕ್ಕೆ ಉತ್ತರಿಸಿದ ಕಪಿಲ್, ’40 ಕೆಜಿ ತೂಕದ ಇಬ್ಬರು ಮನುಷ್ಯರನ್ನು ಮಾಯ ಮಾಡಿದಿರಿ’ ಎಂದು ನಗೆಚಟಾಕಿ ಹಾರಿಸಿದ್ದಾರೆ.
ಇದನ್ನೂ ಓದಿ: VIDEO| ಪ್ರಶಾಂತ್- ಪ್ರಭಾಸ್ ‘ಸಲಾರ್’ ಆಡಿಷನ್ಗೆ ಹರಿದುಬಂದ ಜನಸಾಗರ
ಇನ್ನು ಗಣೇಶ್, ಅಷ್ಟೊಂದು ತೂಕವನ್ನು ಇಳಿಸಿಕೊಂಡಿದ್ದು ಹೇಗೆ ಎಂಬ ಪ್ರಶ್ನೆ ಬರುವುದು ಸಹಜವೇ. ಅದಕ್ಕೆ ಉತ್ತರವಾಗಿ ಸಾಕಷ್ಟು ವರ್ಕೌಟ್ ಮಾಡಿದ ವೀಡಿಯೋಗಳನ್ನು ಅವರು ಇನ್ಸ್ಟಾಗ್ರಾಂ ಮೂಲಕ ಹಂಚಿಕೊಂಡಿದ್ದಾರೆ. ಬರೀ ತೂಕ ಇಳಿಸಿಕೊಂಡಿರುವುದಷ್ಟೇ ಅಲ್ಲ, ಸಾಕಷ್ಟು ಡಯಟ್ ಮಾಡಿ ಸಹ ಅವರು ಸಪೂರರಾಗಿದ್ದಾರೆ ಎನ್ನುವುದು ವಿಶೇಷ.
PHOTO GALLERY | ಬಿಕಿನಿ ಪೋಷಾಕಿನಲ್ಲಿ ವಿಶ್ವ ಸುಂದರಿ ಮಾನುಷಿ ಚಿಲ್ಲರ್ ಮಾದಕತೆ…