'ನನಗೆ ಸಾಕಗಿದೆ' ಆಟಗಾರರ ವಿರುದ್ಧ ಕಿಡಿಕಾರಿದ ಗಂಭೀರ್​!; ಪಂದ್ಯ ಗೆಲ್ಲಲು ಪರೋಕ್ಷವಾಗಿ ಎಚ್ಚರಿಕೆ ಕೊಟ್ಟ ಕೋಚ್ | Gambhir​

ನವದೆಹಲಿ: 2024ರ ಡಿ.30ರಂದು ಆಸ್ಟ್ರೇಲಿಯಾ ವಿರುದ್ಧ ನಡೆದ ಬಾಕ್ಸಿಂಗ್​​ ಡೇ ಟೆಸ್ಟ್​ನ ಕೊನೆಯ ಪಂದ್ಯಲ್ಲಿ ಭಾರತ ತಂಡ 187ರನ್​ಗಳಿಂದ ಸೋಲು ಆನುಭವಿಸಿದ ಹಿನ್ನೆಲೆ ಬೇಸಗೊಂಡಿರುವ ಕೋಚ್​ ಗಂಭೀರ್(Gambhir) ಡ್ರೆಸ್ಸಿಂಗ್​ ರೂಮ್​ನಲ್ಲಿ ​ಆಟಗಾರರ ವಿರುದ್ಧ ಕಿಡಿ ಕಾರಿದ್ದಾರೆ ಎಂದು ವರದಿಯಾಗಿದೆ.

20.4 ಓವರ್​ಗಳಲ್ಲಿ ಹೀನಾಯವಾಗಿ ಸೋತ ಭಾರತ ತೀವ್ರ ಟೀಕೆಗೆ ಗುರಿಯಾಗಿದೆ. ಇದರ ಬೆನ್ನಲ್ಲೇ ಹತಾಶೆಗೊಂಡಿರುವ ಗಂಭೀರ್​ ಕೂಡ ಆಟಗಾರರರಿಗೆ 'ಬಹುತ್​ ಹೋ ಗಯಾ'(ನನಗೆ ಸಕಾಗಿದೆ) ಎಂದು ಹೇಳುವ ಮೂಲಕ ಮುಂದಿನ ಪಂದ್ಯ ಗೆಲ್ಲಲು ಅಣಿಯಾಗುವಂತೆ ಪರೋಕ್ಷವಾಗಿ ಎಚ್ಚರಿಕೆ ನೀಡಿದ್ದಾರೆ.

ಇದನ್ನೂ ಓದಿ:ಯಾವುದರಲ್ಲೂ ರಾಜಿ ಆಗುವ ಮಾತೇ ಇಲ್ಲ… ಹೊಸ ವರ್ಷದಂದೇ ಗುಡ್​ ನ್ಯೂಸ್ ಕೊಟ್ಟ ಶಿವಣ್ಣ! Shiva Rajkumar 

ಗಂಭೀರ್​ ಹೇಳಿಕೆಯಲ್ಲಿ ಯಾವ ಆಟಗಾರರನ್ನು ಹೆಸರಿಸದಿದ್ದರೂ, ಈ ಸಂದೇಶ ತಂಡಕ್ಕೆ ರವಾನಿಸಿದ್ದಾರೆ ಎಂದು ಹೇಳಲಾಗಿದೆ. ಅಲ್ಲದೆ ಗಂಭೀರ್​ ಕೂಡ ಕಳೆದ ಜೂ.9ರಂದು ಕೋಚ್​ ಹುದ್ದೆಗೆ ಏರಿದ್ದಾರೆ. ಅಲ್ಲಿಂದ ಎಲ್ಲಾ ಆಟಗಾರರಿಗೆ ಸ್ವತಂತ್ರ್ಯ ನೀಡಲಾಗಿದೆ. ಆದರೆ ಆಟಗಾರರು ಮಾತ್ರ ಇದನ್ನು ಸದ್ಬಳಕೆ ಮಾಡಿಕೊಳ್ಳಬೇಕಿತ್ತು. ಆದರೆ, ಇದೀಗ ಆಟಗಾರರಿಗ ಕಠಿಣ ಸವಾಲುಗಳನ್ನು ಜಾರಿ ಮಾಡುವುದಾಗಿ ಹೇಳಿದ್ದಾರೆ. ಅಲ್ಲದೆ, ಈ ಸವಾಲುಗಳನ್ನು ಎದಿರಿಸಬೇಕು ಇಲ್ಲವಾದರೆ ಪರಿಣಾಮ ಎದುರಿಸಬೇಕಾಗುತ್ತದೆ ವಾರ್ನಿಂಗ್​ ನೀಡಿದ್ದಾರೆ ಎಂದು ವರದಿಗಳು ಉಲ್ಲೇಖಿಸಿವೆ.

ಆಸ್ಟ್ರೇಲಿಯಾ ವಿರುದ್ಧ ನಡೆಯುತ್ತಿರುವ ಬಾರ್ಡರ್​ ಗವಸ್ಕಾರ ಟ್ರೋಫಿ ಟೆಸ್ಟ್​​ನಲ್ಲಿ ಮೊದಲೇ ಪಂದ್ಯ ಗೆದ್ದಿರುವ ಭಾರತ, ಬಳಿಕ ಎರಡನೇ ಪಂದ್ಯ ಆಸ್ಟ್ರೇಲಿಯಾ ಮತ್ತು ಮೂರನೇ ಪಂದ್ಯ ಡ್ರಾ ಆಗಿದ್ದು, ನಾಲ್ಕನೇ ಪಂದ್ಯ ಆಸ್ಟ್ರೇಲಿಯಾ ಗೆಲ್ಲುವ ಮೂಲಕ ಭಾರತ 187 ರನ್​ಗಳ ಹೀನಾಯವಾಗಿ ಸೋತಿದೆ. ಅಲ್ಲದೆ, ಈ ಎಲ್ಲಾ ಪಂದ್ಯಗಳನ್ನು ತಂಡದ ಬಹುತೇಕ ಆಟಗಾರರು ಕೆಳಪೆ ಪ್ರದರ್ಶನ ತೊರುವ ಮೂಲಕ ಭಾರಿ ಟೀಕೆಗೆ ಗುರಿಯಾಗಿದ್ದಾರೆ. ಈ ಹಿನ್ನೆಲೆ ಗಂಭೀರ್​ ಖಡಕ್​ ವಾರ್ನಿಂಗ್​​ ಕೊಟ್ಟಿದ್ದು, ಜ.3ರಿಂದ ಸಿಡ್ನಿಯಲ್ಲಿ ನಡೆಯುವ 5ನೇ ಪಂದ್ಯಕ್ಕೆ ಮಾನಸಿಕವಾಗಿ ಸಿದ್ದರಾಗಿ ಎಂದು ಪರೋಕ್ಷವಾಗಿ ಗುಡುಗಿದ್ದಾರೆ. (ಏಜೆನ್ಸೀಸ್​).

https://www.vijayavani.net/team-india-players-are-liars-former-indian-cricketer-makes-sensational-comments