ಬೆಂಗಳೂರು: ಪ್ರಸಕ್ತ ಐಪಿಎಲ್ ಸೀಸನ್ನ ಮೊದಲಾರ್ಧದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ತಂಡ ಸತತ ಸೋಲಿನೊಂದಿಗೆ ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿತ್ತು. ಮೊದಲ ಎಂಟು ಪಂದ್ಯಗಳಲ್ಲಿ ಏಳರಲ್ಲಿ ಸೋತು ಕಟು ಟೀಕೆಗಳಿಗೆ ಗುರಿಯಾಯಿತು. ಅಲ್ಲದೆ, ಆರ್ಸಿಬಿ ಮೇಲಿನ ವಿಶ್ವಾಸವೇ ಮರೆಯಾಗಿತ್ತು. ಸ್ಟಾರ್ ಬ್ಯಾಟ್ಸ್ಮನ್ ವಿರಾಟ್ ಕೊಹ್ಲಿಯಿಂದಾನೂ ಇನ್ನೂ ಸಾಧ್ಯವಿಲ್ಲ ಅಂದುಕೊಂಡಿದ್ದರು. ಆದರೆ, ದ್ವಿತೀಯಾರ್ಧದಲ್ಲಿ ಪವಾಡವೇ ಸಂಭವಿಸಿತು. ಒಂದು ಹಂತದಲ್ಲಿ ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿದ್ದ ಆರ್ಸಿಬಿ ಸತತ 6 ಗೆಲುವುಗಳ ಮೂಲಕ ಪ್ಲೇಆಫ್ಗೆ ಕಾಲಿಟ್ಟಿದೆ. ನಾಕೌಟ್ ಕದನದಲ್ಲಿ ಸಿಎಸ್ಕೆಯಂತಹ ಅಗ್ರ ತಂಡವನ್ನು ಸೋಲಿಸುವ ಮೂಲಕ ಫಾಫ್ ಡುಪ್ಲೆಸಿಸ್ ಪಡೆ ಪ್ಲೇಆಫ್ ಪ್ರವೇಶಿಸಿದೆ. ಆದರೆ, ಸತತ ಸೋಲಿನಿಂದಿಡಿದು ಅನಿರೀಕ್ಷಿತವಾಗಿ ಫ್ಲೇಆಫ್ ಅರ್ಹತೆ ಗಿಟ್ಟಿಸುವವರೆಗೆ ಆರ್ಸಿಬಿ ಯಶಸ್ಸಿನ ಹಿಂದೆ ಅದೃಶ್ಯ ಶಕ್ತಿಯೊಂದು ಕೆಲಸ ಮಾಡಿದೆ.
