IND vs BAN: ಮೊದಲ ಟೆಸ್ಟ್​ನಿಂದ ಕುಲದೀಪ್​ ಔಟ್​! ರೋಹಿತ್​, ಗೌತಿ​ ವಿರುದ್ಧ ಮಾಜಿ ಕ್ರಿಕೆಟಿಗ ಗರಂ

ಚೆನ್ನೈ: ಟೀಮ್ ಇಂಡಿಯಾದ ನೂತನ ಹೆಡ್ ಕೋಚ್ ಗೌತಮ್ ಗಂಭೀರ್ ಮತ್ತು ನಾಯಕ ರೋಹಿತ್ ಶರ್ಮ ಮುಂದಾಳತ್ವದಲ್ಲಿ ನಡೆಯಲಿರುವ ಭಾರತ ಮತ್ತು ಬಾಂಗ್ಲಾದೇಶ ನಡುವಿನ ಟೆಸ್ಟ್ ಸರಣಿಯ ಮೊದಲ ಪಂದ್ಯಕ್ಕೆ ಈಗಾಗಲೇ ದಿನಗಣನೆ ಆರಂಭಗೊಂಡಿದೆ. ಹೀಗಿರುವಾಗಲೇ ಟೆಸ್ಟ್ ತಂಡದಿಂದ ಸ್ಟಾರ್​ ಸ್ಪಿನ್ನರ್​ ಕುಲದೀಪ್ ಯಾದವ್​ರನ್ನು ಕೈಬಿಡಲಾಗಿದೆ. ಸದ್ಯ ಈ ವಿಷಯ ಮಾಜಿ ಕ್ರಿಕೆಟಿಗರನ್ನು ಕೆರಳಿಸಿದ್ದು, ಕ್ಯಾಪ್ಟನ್ ರೋಹಿತ್ ಮತ್ತು ಗಂಭೀರ್​ ವಿರುದ್ಧ ಕೋಪಗೊಳ್ಳುವಂತೆ ಮಾಡಿದೆ.

ಇದನ್ನೂ ಓದಿ: ಯಾರು ಏನೇ ಅಂದುಕೊಳ್ಳಲಿ ಆ ವಿಚಾರದಲ್ಲಿ ನಾನು ನಾಚಿಕೆಪಡುವುದಿಲ್ಲ! ರೋಹಿತ್​ ಅಚ್ಚರಿ ಹೇಳಿಕೆ

ಸದ್ಯ ಪಾಕ್ ವಿರುದ್ಧ ಭರ್ಜರಿ ಗೆಲುವು ದಾಖಲಿಸಿರುವ ಬಾಂಗ್ಲಾ ಆಟಗಾರರು ಬಹಳ ಸೊಕ್ಕಿನಿಂದ ಮೆರೆಯುತ್ತಿದ್ದು, ಟೀಮ್ ಇಂಡಿಯಾವನ್ನು ಸೋಲಿಗೆ ದೂಡುವುದು ಖಚಿತ ಎಂದು ಗರ್ವದಿಂದಲೇ ಪಂದ್ಯಕ್ಕಾಗಿ ಎದುರುನೋಡುತ್ತಿದ್ದಾರೆ. ಇತ್ತೀಚೆಗಷ್ಟೇ ಇದೇ ವಿಷಯವನ್ನು ಗಮನದಲ್ಲಿಟ್ಟುಕೊಂಡು ಪತ್ರಿಕಾಗೋಷ್ಠಿಯಲ್ಲಿ ಬಾಂಗ್ಲಾಗೆ ಟಕ್ಕರ್​ ಕೊಟ್ಟ ರೋಹಿತ್​, ಗೆಲುವಿನ ಮಂತ್ರ ನಮ್ಮಲ್ಲಿ ಸಿದ್ಧವಾಗಿದೆ. ಅಷ್ಟು ಸುಲಭ ಜಯ ಬಾಂಗ್ಲಾಗೆ ಸಿಗುವುದಿಲ್ಲ ಎಂಬ ಸಂದೇಶವನ್ನು ತಿರುಗೇಟಾಗಿ ನೀಡಿದ್ದರು. ಸದ್ಯ ತಂಡದಿಂದ ಕುಲದೀಪ್​ ಯಾದವ್​ರನ್ನು ಕೈಬಿಟ್ಟಿರುವುದು ಮಾಜಿ ಆಟಗಾರ ಸಂಜಯ್ ಮಂಜ್ರೇಕರ್​ ಅಸಮಾಧಾನಕ್ಕೆ ಕಾರಣವಾಗಿದೆ.

ಟೆಸ್ಟ್​ ಪಂದ್ಯಕ್ಕೆಂದು ಮೂರು ವೇಗಿ ಮತ್ತು ಇಬ್ಬರು ಸ್ಪಿನ್ನರ್​ಗಳನ್ನು ಆಯ್ಕೆ ಮಾಡಿಕೊಂಡ ಟೀಮ್ ಮ್ಯಾನೇಜ್​ಮೆಂಟ್​, ರವೀಂದ್ರ ಜಡೇಜಾ ಮತ್ತು ರವಿಚಂದ್ರನ್ ಅಶ್ವಿನ್​ಗೆ ತಂಡದಲ್ಲಿ ಸ್ಥಾನ ನೀಡಿದ್ದಾರೆ. ಸದ್ಯ ಇದಕ್ಕೆ ತೀವ್ರ ಅಸಮಾಧಾನ ವ್ಯಕ್ತಪಡಿಸಿರುವ ಮಂಜ್ರೇಕರ್​, "ಭಾರತ ಮತ್ತು ಬಾಂಗ್ಲಾದೇಶ ನಡುವಿನ ಮೊದಲ ಟೆಸ್ಟ್​ ಪಂದ್ಯದಿಂದ ಸ್ಟಾರ್​ ಸ್ಪಿನ್ನರ್​ ಆದ ಕುಲದೀಪ್​ರನ್ನು ಇಷ್ಟು ಸುಲಭವಾಗಿ ತಂಡದಿಂದ ಕೈಬಿಟ್ಟಿರುವುದನ್ನು ನೋಡಿ ಭಾರೀ ಆಶ್ಚರ್ಯವಾಗುತ್ತಿದೆ" ಎಂದು ಟ್ವೀಟ್ ಮಾಡಿ ತಿಳಿಸಿದ್ದಾರೆ.

ಇದನ್ನೂ ಓದಿ: ತ್ರೈಮಾಸಿಕ ಕಾಮಗಾರಿ ಹಿನ್ನೆಲೆ: ಸೆ.19ರಂದು ಹಲವೆಡೆ ವಿದ್ಯುತ್ ವ್ಯತ್ಯಯ

ಈ ಹಿಂದಿನ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಕುಲದೀಪ್ ಯಾದವ್​, ನಾಲ್ಕು ಪಂದ್ಯಗಳಲ್ಲಿ 20.15 ಸರಾಸರಿಯಲ್ಲಿ 19 ವಿಕೆಟ್‌ಗಳನ್ನು ಕಬಳಿಸಿದ್ದರು. ಬೆನ್ ಸ್ಟೋಕ್ಸ್ ನೇತೃತ್ವದ ತಂಡದ ವಿರುದ್ಧ ಭಾರತ 4-1 ಅಂತರದಿಂದ ಗೆದ್ದು ಬೀಗಲು ಯಾದವ್​ ಪ್ರಮುಖ ಕಾರಣರಾಗಿ ಹೊರಹೊಮ್ಮಿದ್ದರು. ಇಂತಹ ಅದ್ಭುತ ಪ್ರದರ್ಶನ ನೀಡಿದ್ದೇ ಆದರೂ ಬಾಂಗ್ಲಾ ವಿರುದ್ಧದ ಟೆಸ್ಟ್ ಪಂದ್ಯಕ್ಕೆ ಅವರನ್ನು ತಂಡದಿಂದ ಕೈಬಿಟ್ಟಿರುವುದು ಕೆಲವರಿಗೆ ತೀರ ಬೇಸರ ತಂದಿದೆ,(ಏಜೆನ್ಸೀಸ್).

https://www.vijayavani.net/tollywood-actor-remembers-his-struggling-days