ವಿದೇಶಾಂಗ ಕಾರ್ಯದರ್ಶಿ ವಿಕ್ರಮ್ ಮಿಶ್ರಿ ಅವರ ಅಧಿಕಾರಾವಧಿ ವಿಸ್ತರಣೆ | Vikram Misri

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರ ಸರ್ಕಾರವು ಸೋಮವಾರ(ನವೆಂಬರ್​​ 11) ವಿದೇಶಾಂಗ ಕಾರ್ಯದರ್ಶಿ ವಿಕ್ರಮ್ ಮಿಶ್ರಿ(Vikram Misri) ಅವರ ಅಧಿಕಾರಾವಧಿಯನ್ನು 14 ಜುಲೈ 2026ರವರೆಗೆ ವಿಸ್ತರಿಸಿದೆ. 1989 ರ ಬ್ಯಾಚ್‌ನ ಭಾರತೀಯ ವಿದೇಶಾಂಗ ಸೇವೆ (IFS) ಅಧಿಕಾರಿಯಾದ ಮಿಶ್ರಿ ಜುಲೈ 15 ರಂದು ಭಾರತದ ವಿದೇಶಾಂಗ ಕಾರ್ಯದರ್ಶಿಯಾಗಿ ಅಧಿಕಾರ ವಹಿಸಿಕೊಂಡರು.

ಇದನ್ನು ಓದಿ: ಕಾಲ್ನಡಿಗೆಯಲ್ಲಿ ಕಚೇರಿ ತಲುಪಿದ ಜಮ್ಮು ಮತ್ತು ಕಾಶ್ಮೀರ ಸಿಎಂ ಒಮರ್​ ಅಬ್ದುಲ್ಲಾ | Omar Abdullah

ವಿಕ್ರಮ್ ಮಿಶ್ರಿ ಅವರನ್ನು ವಿದೇಶಾಂಗ ಕಾರ್ಯದರ್ಶಿಯಾಗಿ ನವೆಂಬರ್ 30 ರಂದು ಅಂದರೆ ನಿವೃತ್ತಿಯ ದಿನಾಂಕದ ನಂತರ ಅವರ ಅಧಿಕಾರಾವಧಿಯನ್ನು ವಿಸ್ತರಿಸಲು ಸಂಪುಟದ ನೇಮಕಾತಿ ಸಮಿತಿಯು ಅನುಮೋದನೆ ನೀಡಿದೆ. ಎಫ್‌ಆರ್ 56 (ಡಿ)ರ ನಿಬಂಧನೆಗಳ ಪ್ರಕಾರ, ಜುಲೈ 14, 2026ರವರೆಗೆ ಅಥವಾ ಮುಂದಿನ ಆದೇಶದವರೆಗೆ ವಿದೇಶಾಂಗ ಕಾರ್ಯದರ್ಶಿಯಾಗಿ ವಿಕ್ರಮ್ ಮಿಶ್ರಿ ವಿಸ್ತರಿಸಲು ಅನುಮೋದನೆ ನೀಡಲಾಗಿದೆ. ನಿಬಂಧನೆಗಳು ಸಾರ್ವಜನಿಕ ಹಿತಾಸಕ್ತಿಯಿಂದ ನಿವೃತ್ತಿಯ ದಿನಾಂಕದ ನಂತರ ವಿದೇಶಾಂಗ ಕಾರ್ಯದರ್ಶಿಯ ಸೇವೆಯನ್ನು ವಿಸ್ತರಿಸಲು ಅವಕಾಶ ನೀಡುತ್ತವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ವಿಕ್ರಮ್ ಮಿಶ್ರಿ ಯಾರು?

• ವಿಕ್ರಮ್ ಮಿಶ್ರಿ ಅವರು ಇಂದರ್ ಕುಮಾರ್ ಗುಜ್ರಾಲ್ ಅವರಿಗೆ 1997 ರಿಂದ ಮಾರ್ಚ್ 1998ರವರೆಗೆ, ಮನಮೋಹನ್ ಸಿಂಗ್ ಅವರಿಗೆ ಅಕ್ಟೋಬರ್ 2012 ರಿಂದ ಮೇ 2014ರವರೆಗೆ ಮತ್ತು ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಮೇ 2014 ರಿಂದ ಜುಲೈ 2014ರವರೆಗೆ ಖಾಸಗಿ ಕಾರ್ಯದರ್ಶಿಯಾಗಿದ್ದರು.
• ಕೇಂದ್ರ ಸರ್ಕಾರವು 2018ರ ಕೊನೆಯ ತಿಂಗಳಲ್ಲಿ ಅವರನ್ನು ಚೀನಾಕ್ಕೆ ಭಾರತೀಯ ರಾಯಭಾರಿಯಾಗಿ ನೇಮಿಸಿತು. ಇದರ ನಂತರ ಅವರು 2021 ರವರೆಗೆ ಈ ಹುದ್ದೆಯನ್ನು ಮುಂದುವರಿಸಿದರು.
• ಜೂನ್ 2020ರಲ್ಲಿ ಲಡಾಖ್‌ನ ಗಾಲ್ವಾನ್ ಕಣಿವೆಯಲ್ಲಿ ಭಾರತೀಯ ಸೇನೆ ಮತ್ತು ಚೀನಾದ ಸೇನೆಯ ನಡುವಿನ ಹಿಂಸಾತ್ಮಕ ಘರ್ಷಣೆಯ ಸಂದರ್ಭದಲ್ಲಿ ವಿಕ್ರಮ್ ಮಿಶ್ರಿ ಉಭಯ ದೇಶಗಳ ನಡುವಿನ ಹಲವಾರು ಸುತ್ತಿನ ಮಾತುಕತೆಗಳಲ್ಲಿ ಭಾಗವಹಿಸಿದರು.
• ಇದಲ್ಲದೆ, ವಿಕ್ರಮ್ ಮಿಶ್ರಿ ಅವರು ಸ್ಪೇನ್ ಮತ್ತು ಮ್ಯಾನ್ಮಾರ್‌ಗೆ ಭಾರತದ ರಾಯಭಾರಿಯಾಗಿದ್ದಾರೆ. ಅವರು ಪಾಕಿಸ್ತಾನ, ಯುಎಸ್ಎ, ಬೆಲ್ಜಿಯಂ ಮತ್ತು ಶ್ರೀಲಂಕಾದಲ್ಲಿ ಹಲವಾರು ಭಾರತೀಯ ಮಿಷನ್​ಗಳಲ್ಲಿ ಸೇವೆ ಸಲ್ಲಿಸಿದ್ದಾರೆ.

https://www.vijayavani.net/bombay-high-court-says-booking-entering-a-hotel-room-does-not-mean-consent-for-sex