ಈ 7 ಆಹಾರ ಸೇವಿಸಿ
ದಕ್ಷಿಣ ಭಾರತದಲ್ಲಿ ಸಾಮಾನ್ಯವಾಗಿ ಸೊಪ್ಪನ್ನು ಬಳಕೆ ಮಾಡುತ್ತೇವೆ. ವಾರಕ್ಕೆ ಮೂರು ಬಾರಿಯಾದರೂ ಸೊಪ್ಪಿನ ಸಾರು ಮಾಡುತ್ತೇವೆ. ಕ್ಯಾಲ್ಸಿಯಂ ಕಡಿಮೆ ಇರುವ ಎಲ್ಲರೂ ಪಾಲಕ್ ಮಾತ್ರವಲ್ಲದೆ, ಬಸಳೆ ಸೊಪ್ಪು, ದಂಟಿನ ಸೊಪ್ಪು, ಬ್ರೊಕೋಲಿಯಂತಹ ಆಹಾರ ಪದಾರ್ಥ ನಿಮ್ಮ ದೈನಂದಿನ ಫುಡ್ ಲಿಸ್ಟ್ನಲ್ಲಿ ಸೇರಿಸಿಕೊಳ್ಳಬೇಕು. ಇವುಗಳಲ್ಲಿ ಅತಿ ಹೆಚ್ಚು ಕ್ಯಾಲ್ಸಿಯಂ ಅಂಶವಿದೆ.
ಮೊಸರು, ಮಜ್ಜಿಗೆ, ಗಿಣ್ಣು ಪದಾರ್ಥದಲ್ಲಿ ಕ್ಯಾಲ್ಸಿಯಂ ಅಂಶಗಳಿವೆ. ಒಂದು ಲೋಟ ಹಾಲು ಅಥವಾ ಒಂದು ಕಪ್ ಮೊಸರು ನಿಮ್ಮ ಫುಡ್ ಲಿಸ್ಟ್ನಲ್ಲಿ ಸೇರಿಸಿಕೊಳ್ಳುವುದು ತುಂಬಾನೆ ಒಳ್ಳೆಯದು.
ಧಾನ್ಯಗಳಲ್ಲಿ ಅತಿ ಹೆಚ್ಚು ಕ್ಯಾಲ್ಸಿಯಂ ಹೊಂದಿರುವ ಧಾನ್ಯ ಎಂದರೆ ಅದು ರಾಗಿ. ರಾಗಿಯನ್ನು ಮುದ್ದೆ ರೀತಿ ತಿನ್ನಲು ಸಾಧ್ಯವಾಗದೇ ಹೋದರೆ, ರಾಗಿ ಅಂಬಲಿ, ರಾಗಿ ಗಂಜಿ, ರಾಗಿ ರೊಟ್ಟಿ ಅಥವಾ ರಾಗಿ ಕಾಳನ್ನು ನೆನಸಿ ಅದರ ಹಾಲನ್ನು ಬೆಲ್ಲದ ಜೊತೆಗೆ ಕುಡಿಯಿರಿ. ಇದು ನಿಮ್ಮ ಮೂಳೆಗಳಿಗೆ ಬಲ ನೀಡುವುದಂತೂ ಗ್ಯಾರಂಟಿ.
ಬಿಳಿ ಅಥವಾ ಕಪ್ಪು ಎಳ್ಳಿನಲ್ಲಿ ಕ್ಯಾಲ್ಸಿಯಂ ಪ್ರಮಾಣ ಹೆಚ್ಚಿದೆ. ಬಿಳಿ ಎಳ್ಳಿನ ಸಿಪ್ಪೆ ತೆಗೆದಿರುವುದರಿಂದ ನೀವು ಕಪ್ಪು ಎಳ್ಳನ್ನು ತಿನ್ನುವುದು ಸೂಕ್ತ. ಕಪ್ಪು ಎಳ್ಳಿನಲ್ಲಿ ನೂರು ಗ್ರಾಂಗೆ 975 ಮಿಲಿ ಗ್ರಾಂ ಕ್ಯಾಲ್ಸಿಯಂ ಇರುತ್ತದೆ. ಬಿಳಿಯಲ್ಲಿ 100 ಗ್ರಾಂಗೆ 60ಮಿಲಿ ಗ್ರಾಂ ಕ್ಯಾಲ್ಸಿಯಂ ಮಾತ್ರ ಲಭ್ಯವಿರುತ್ತದೆ.
ನೀವು ಮಾಂಸಹಾರಿಗಳಾಗಿದ್ದರೆ ಮೀನು ಸೇವಿಸಿ. ಇದ್ರಲ್ಲಿ ಕ್ಯಾಲ್ಸಿಯಂ ಸಮೃದ್ಧವಾಗಿದೆ. ಸಾರ್ಡಿನ್, ಸಾಲ್ಮನ್ ಮೀನಿನಲ್ಲಿ ವಿಟಮಿನ್ ಡಿ, ಕ್ಯಾಲ್ಸಿಯಂ ಹೇರಳವಾಗಿದೆ. ಮೀನುಗಳಿಂದ ಸಿಗುವ ಕ್ಯಾಲ್ಸಿಯಂ ಹಾಲು ಕುಡಿದಷ್ಟೇ ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ.
ಸೋಯಾ ಉತ್ಪನ್ನ ಸಸ್ಯಹಾರಿಗಳಿಗೆ ಅತ್ಯುತ್ತಮ ಆಯ್ಕೆ. ಇದರಿಂದ ತಯಾರಿಸಲ್ಪಡುವ ಟೋಫಿನಲ್ಲಿ ಹೆಚ್ಚು ಕ್ಯಾಲ್ಸಿಯಂ ಇರುತ್ತದೆ. ಮೂಳೆಗಳ ಬಲವರ್ಧನೆಗೆ ಇದು ಅತ್ಯುತ್ತಮ ಆಹಾರ. ಒಂದು ಕಪ್ ಬೇಯಿಸಿದ ಸೋಯಾಬೀನ್ ನಿಮ್ಮ ದೈನಂದಿನ ಕ್ಯಾಲ್ಸಿಯಂ ಅಗತ್ಯವನ್ನು ಶೇ.13ರಷ್ಟು ಪೂರೈಸುತ್ತದೆ.
ನಿಮ್ಮ ಎಲುಬಿನ ಆರೋಗ್ಯಕ್ಕಾಗಿ ವಿಟಮಿನ್ ಡಿ ಅಗತ್ಯ.
ಜೊತೆಗೆ ನಿಯಮಿತ ವ್ಯಾಯಾಮ, ಸೂರ್ಯನ ಬೆಳಕು ಮತ್ತು ಪೂರಕ ಆಹಾರ ಅತಿ ಮುಖ್ಯವಾಗಿ ಬೇಕಾಗುತ್ತದೆ. ಹೀಗಾಗಿ ಇಂದಿನಿಂದ ನಿಮ್ಮ ಆಹಾರದಲ್ಲಿ ಸೋಯಾ, ಹಾಲು, ಮೀನು, ಸೊಪ್ಪು, ರಾಗಿ ಇಂತಹ ಆಹಾರವನ್ನು ಸೇರಿಸಿಕೊಳ್ಳಿ, (ಏಜೆನ್ಸೀಸ್).
