ಉತ್ಪಾದನೆಗೆ ಇಲ್ಲಿಗೆ ಬರುವ ಬೇಡಿಕೆ ಹೆಚ್ಚು. ಈ ಯಂತ್ರಗಳಿಗೆ ತಕ್ಕಂತೆ ನೇಕಾರರೂ ಅಪ್ಡೇಟ್ ಆಗಬೇಕಿದೆ. ಸ್ಥಳೀಯರು ನೇಕಾರಿಕೆ ಬಿಟ್ಟ ಬಳಿಕ ಬಿಹಾರ್, ವಾರಾಣಸಿ, ಗುಜರಾತ್ ಮೊದಲಾದ ಅನ್ಯ ರಾಜ್ಯದವರು ಯಂತ್ರಾಧಾರಿತ ಕೆಲಸ ಮಾಡಲು ಕರ್ನಾಟಕಕ್ಕೆ ಬರುತ್ತಿದ್ದಾರೆ! ಒಂದು ಮಗ್ಗ ನಡೆದರೆ ಇದನ್ನೇ ನಂಬಿದ್ದ ಕುಟುಂಬದ ನಾಲ್ವರ ಜೀವನ ನಿರ್ವಹಣೆಯಾಗುತ್ತದೆ. ದಿನಕ್ಕೆ ತಲಾ ಕುಟುಂಬ 500 ರೂ. ಕಂಡರೂ ಪವಾಡ. ಕೋನು, ಭೀಮ್ ಲಡಿ ಸುತ್ತುವಿಕೆ, ಖಂಡಿಕೆ ಸುತ್ತುವುದು. ಮಗ್ಗದ ತಾಂತ್ರಿಕ ದುರಸ್ತಿಯ ಜಾಬ್ ವರ್ಕ್, ವೈಪಿನ್, ಟೈಲರಿಂಗ್ ಹೀಗೆ ಅನೇಕರಿಗೆ ಉದ್ಯೋಗಾವಕಾಶ ಆಗುತ್ತದೆ. ಒಂದು ಸೀರೆ ನೇಯ್ದು, ಕೂಲಿ ಮೊತ್ತ ತೆಗೆದರೂ 50- 100 ರೂ. ಲಾಭ ಸಿಗುವುದು ಕಷ್ಟ ಎಂಬುದು ನೇಕಾರರ ಮಾತು.
