ಹಾರ್ದಿಕ್​-ರೋಹಿತ್​ ನಡುವಿನ ಮುನಿಸು! ದೂರಾಗಲು ಕಾರಣವಾಯ್ತು ಈ ಅಂಶ

ನವದೆಹಲಿ: ವಿಶ್ವದ ಮಿಲಿಯನ್​ ಡಾಲರ್​ ಟೂರ್ನಿಗಳಲ್ಲಿ ಒಂದಾದ ಐಪಿಎಲ್​ ಈ ಬಾರಿ ರೋಹಿತ್​ ಶರ್ಮ ಹಾಗೂ ಹಾರ್ದಿಕ್​ ಪಾಂಡ್ಯ ನಡುವಿನ ಕಿತ್ತಾಟದಿಂದ ಹೆಚ್ಚು ಸದ್ದು ಮಾಡಿತ್ತು. 17ನೇ ಆವೃತ್ತಿ ಆರಂಭವಾಗುವುದಕ್ಕೂ ಮುಂಚಿನಿಂದಲೂ ಈ ಇಬ್ಬರ ನಡುವೆ ಮುಂಬೈ ಇಂಡಿಯನ್ಸ್​ ನಾಯಕತ್ವದ ವಿಚಾರವಾಗಿ ನಡೆದ ಕಿತ್ತಾಟ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸದ್ದು ಮಾಡಿತ್ತು. ಟಿ20 ವಿಶ್ವಕಪ್​ನಲ್ಲಿ ಈ ಇಬ್ಬರು ನಡುವಿನ ಮುನಿಸು ಮುಂದುವರೆಯುತ್ತದೆ ಎಂದು ಹೇಳಲಾಗಿತ್ತಾದರೂ ರೋಹಿತ್​ ಹಾಗೂ ಹಾರ್ದಿಕ್​ ಇದಕ್ಕೆ ವಿರುದ್ಧವಾಗಿ ನಡೆದುಕೊಂಡಿದ್ದರು.

ಈ ಕುರಿತು ಮಾತನಾಡಿರುವ ವಿಮಲ್​ ಕುಮಾರ್​, ಟಿ20 ವಿಶ್ವಕಪ್​ ವೇಳೆ ನಾನು ನೆಟ್ಸ್​ಗೆ ಹೋದಾಗ ಹಾರ್ದಿಕ್​ ಮತ್ತು ರೋಹಿತ್​ ನಡುವೆ ಏನು ನಡೆಯುತ್ತಿದೆ ಎಂಬುದನ್ನು ಗಮನಿಸಿದೆ. ಮೊದಲ ದಿನ ಅವರಿಬ್ಬರು ಮಾತನಾಡುವುದನ್ನು ನಾನು ನೋಡಲಿಲ್ಲ. ಎರಡನೇ ದಿನ ಇಬ್ಬರು ಸಂಬಾಷಣೆ ನಡೆಸುತ್ತಿದ್ದ ರೀತಿ ನೋಡಿ ನನಗೆ ತುಂಬಾ ಖುಷಿಯಾಯಿತು. ಆಗ ತಂಡದ ಪ್ರದರ್ಶನದ ಬಗ್ಗೆ ಸಂಪೂರ್ಣವಾಗಿ ವಿಶ್ವಾಸ ಮೂಡಿತು.

ಇದನ್ನೂ ಓದಿ: ಸಿಎಂ ವಿರುದ್ಧ ಪ್ರಾಸಿಕ್ಯೂಷನ್​ಗೆ ಅನುಮತಿ; ಆಗಸ್ಟ್​ 31ಕ್ಕೆ ವಿಚಾರಣೆ ಮುಂದೂಡಿಕೆ

ಇದಾದ ಬಳಿಕ ನೆಟ್ಸ್​​ನಲ್ಲಿ ಜತೆಯಾಗಿ ಅಭ್ಯಾಸ ನಡೆಸುತ್ತಿದ್ದ ಈ ಇಬ್ಬರು ಆಟಗಾರರು ಒವ್ವರಿಗೊಬ್ಬರು ಸಲಹೆಗಳನ್ನು ನೀಡುತ್ತಿದ್ದರು. ಇದನ್ನು ನೋಡಿ ನನಗೆ ಸಂತಸವಾಯಿತು. ನಾನು ನೋಡಿದ ಆ ಕ್ಷಣವು ತಂಡ ಹಾಗೂ ಇವರಿಬ್ಬರ ನಡುವೆ ಎಲ್ಲವೂ ಸರಿ ಇದೆ ಎನ್ನಿಸಿತು. ತಂಡದ ಸಲುವಾಗಿ ಇವರಿಬ್ಬರು ಒಂದಾಗಿದ್ದು, ಇದರ ಸಂಪೂರ್ಣ ಕ್ರೆಡಿಟ್​ ಏನಿದ್ದರೂ ರಾಹುಲ್​ ದ್ರಾವಿಡ್​ ಅವರಿಗೆ ಸಲ್ಲುತ್ತದೆ. ಅವರು ತಂಡವನ್ನು ನಿಭಾಯಿಸಿದ ರೀತಿ ಮತ್ತು ರೋಹಿತ್​ ನಾಯಕತ್ವದ ಬಗ್ಗೆ ಎಲ್ಲರಿಗೂ ವಿಶ್ವಾಸವಿತ್ತು ಎಂದು ಪತ್ರಕರ್ತ ವಿಮಲ್​ ಕುಮಾರ್ ಹೇಳಿದ್ದಾರೆ.

ಐಪಿಎಲ್​ ಆರಂಭವಾಗುವುದಕ್ಕೂ ಮುಂಚಿನಿಂದಲೂ ರೋಹಿತ್​ ಹಾಗೂ ಹಾರ್ದಿಕ್​ ನಡುವೆ ನಾಯಕತ್ವದ ವಿಚಾರವಾಗಿ ಬಿರುಕು ಮೂಡಿತ್ತು. ಈ ಇಬ್ಬರು ಆಟಗಾರರು ಒಂದೇ ತಂಡದ ಪರ ಆಡಿದರು ಪರಸ್ಪರ ಮಾತನಾಡಿದ್ದು ಕಂಡು ಬರಲಿಲ್ಲ. ಇಬ್ಬರ ನಡುವಿನ ಮುನಿಸು ಮುಂದಿನ ದಿನಗಳಲ್ಲೂ ಮುಂದುವರೆಯುತ್ತದೆ ಎಂದು ಹೇಳಲಾಗಿತ್ತಾದರೂ ರೋಹಿತ್​ ಹಾಗೂ ಹಾರ್ದಿಕ್​ ತಂಡದ ಸಲುವಾಗಿ ಒಂದಾಗಿದ್ದರು.

https://www.vijayavani.net/kachre-me-nachne-ka-maza-woman-creates-reel-by-dancing-next-to-garbage-dump-netizens-react-to-viral-video

https://www.vijayavani.net/three-pakistan-hockey-players-slapped-with-life-ban-for-seeking