ಕುಡುಗೋಲಿನಿಂದ ಮಹಿಳಾ ಪೇದೆ ಬರ್ಬರ ಹತ್ಯೆ; ಮರ್ಯಾದಗೇಡು ಕೊಲೆ ಶಂಕೆ?|Murder

ಹೈದರಾಬಾದ್​: ಸಮೀಪದ ಇಬ್ರಾಹಿಂ ಪಟ್ಟಣದಲ್ಲಿ ಮಹಿಳಾ ಪೇದೆಯನ್ನು ಕುಡುಗೋಲಿನಿಂದ ಕೊಚ್ಚಿ ಬರ್ಬರವಾಗಿ ಆಕೆಯ ಸಹೊದರ ಕೊಲೆ(Murder) ಮಾಡಿದ್ದಾನೆ. ಇದು ಮರ್ಯಾದಗೇಡು ಹತ್ಯೆಯ ಶಂಕೆ ವ್ಯಕ್ತವಾಗಿದೆ ಎಂದು ವರದಿಯಾಗಿದೆ.

ಇಲ್ಲಿನ ಹಯತ್​ನಗರದ ಪೊಲೀಸ್​ ಠಾಣೆಯ ನಾಗರತ್ನ ಕೊಲೆಯಾದ ಪೇದೆ. ಸೋಮವಾರ(ಡಿ.02) ಠಾಣೆಗೆ ಕರ್ತವ್ಯಕ್ಕೆ ಹಾಜರಿಯಾಗಲು ಕಾರಿನಲ್ಲಿ ಹೋಗುತ್ತಿದ್ದಾಗ, ಬೈಕ್​ನಲ್ಲಿ ಬಂದ ಸಹೋದರ ಪ್ರಮೇಶ್​ ಕಾಡಿಗೆ ಅಡ್ಡಗಟ್ಟಿ ಸಹೋದರಿ ನಾಗಮಣಿಯನ್ನು ಹಿಂಬಾಲಿಸಿ ಕುಡುಗೋಲಿನಿಂದ ಹತ್ಯೆ ಮಾಡಿದ್ದಾನೆ. ರಂಗಾರೆಡ್ಡಿ ಜಿಲ್ಲೆಯ ಇಬ್ರಾಹಿಂ ಪಟ್ಟಣದ ರಾಯ್​ಪೋಲ್​ - ಮನ್ಯಗಢ ರಸ್ತೆಯಲ್ಲಿ ಈ ಘಟನೆ ನಡೆದಿದೆ. ಪಾದಚಾರಿಗಳು ಶವವನ್ನು ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ರಾಯ್​ಪೋಲ್​ ಗ್ರಾಮದ ನಾಗಮಣಿ 2020ನೇ ಬ್ಯಾಚ್​ನ ಪೊಲೀಸ್​ ಪೇದೆಯಾಗಿದ್ದಾರೆ.

ಇದನ್ನೂ ಓದಿ: 37ನೇ ವಯಸ್ಸಿಗೆ ನಟನೆಗೆ ನಿವೃತ್ತಿ ಘೋಷಿಸಿದ 12th Fail​ ನಟ ವಿಕ್ರಾಂತ್​ ಮಾಸ್ಸೆ

ಆಕೆಯ ಶವವನ್ನು ಹೈದರಾಬಾದ್​ನ ಸರ್ಕಾರಿ ಜನರಲ್​ ಆಸ್ಪತ್ರೆಗೆ ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. ಸಹೋದರ ಪ್ರಮೇಶ್​ ಪತ್ತೆಗೆ ಮಾಡಲು ಕ್ರಮವಹಿಸಲಾಗುತ್ತದೆ. ಇನ್ನು ನಾಗಮಣಿ ಅಂತರ್ಜಾತಿಯ ವ್ಯಕ್ತಿಯನ್ನು ಮದುವೆಯಾಗಿದ್ದಕ್ಕೆ ಈ ಕೃತ್ಯ ನಡೆದಿದೆ ಎಂದು ಪ್ರಾಥಮಿಕ ವರದಿ ಉಲ್ಲೇಖಿಸಿ ಪೊಲೀಸ್​ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ನಾಗಮಣಿ ಮದುವೆಯಾಗಿದ್ದು 10 ತಿಂಗಳ ಹಿಂದೆಯೇ ಪತಿಗೆ ವಿಚ್ಛೇದನ ಪಡೆದಿದ್ದರು. ಬಳಿಕ ಇತ್ತೀಚಿಗೆ ಶ್ರೀಕಾಂತ್​ ಎಂಬ ಪೊಲೀಸ್​ ಪೇದೆಯನ್ನು(ಅಂತರ್ಜಾತಿ ವಿವಾಹ) ವಿವಾಹವಾಗಿದ್ದರು.ಮನೆಯಲ್ಲಿ ಆಸ್ತಿ ವಿಚಾರಕ್ಕೆ ಸಂಬಂಧಿಸಿದಂತೆ ಇನ್ನಿತರ ಅಯಾಮಗಳಲ್ಲಿ ತನಿಖೆ ಮಾಡಲಾಗುತ್ತದೆ ಎಂದು ಪೊಲಿಸರು ತಿಳಿಸಿದ್ದಾರೆ.(ಏಜೆನ್ಸೀಸ್​).

https://www.vijayavani.net/arrest-of-the-criminals-who-killed-the-tiger-did-the-tiger-fall-into-the-trap-of-those-who-went-to-catch-the-pig

https://www.vijayavani.net/congress-leader-arrested-for-assaulting-a-government-official-on-duty