ಕರ್ತವ್ಯನಿರತ ಸರ್ಕಾರಿ ಅಧಿಕಾರಿ ಮೇಲೆ ಹಲ್ಲೆಯ ಆರೋಪ.. ಕಾಂಗ್ರೆಸ್​ ಮುಖಂಡ ಅರೆಸ್ಟ್​​ | Congress leader

ಸೂರತ್​: ಇಲ್ಲಿನ ತಾಲೂಕು ಅಭಿವೃದ್ಧಿ ಅಧಿಕಾರಿಗೆ ಥಳಿಸಿ, ಬೆದರಿಕೆ ಹಾಕಿದ ಆರೋಪದ ಮೇಲೆ ಕಾಂಗ್ರೆಸ್​ ಮುಖಂಡನನ್ನು(Congress leader) ಭಾನುವಾರ ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮಹುವಾ ತಾಲೂಕಿನ ಕುಮಕೋಟಾರ ಗ್ರಾಮದಲ್ಲಿ ಶುಕ್ರವಾರ ಆಯೋಜಿಸಿದ್ದ ಸರ್ಕಾರಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ನಂತರ ಮಹುವಾ ತಾಲೂಕು ಅಭಿವೃದ್ಧಿ ಅಧಿಕಾರಿ ಪ್ರಕಾಶ ಮಹಾಲ ತಮ್ಮ ಕಾರಿನಲ್ಲಿ ಕಚೇರಿ ತೆರಳುತ್ತಿದ್ದಾಗ ಈ ಘಟನೆ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಬಗ್ಗೆ ಕಾಂಗ್ರೆಸ್​ ಮುಖಂಡ ಪರಿಮಳ ಪಟೇಲ್​ ವಿರುದ್ಧ ದೂರು ದಾಖಲಾಗಿದೆ.

ಪ್ರಕರಣ ಹಿನ್ನೆಲೆ..

ಇಲ್ಲಿನ ಅನವಲ್​ ಮಹುವಾ ರಸ್ತೆಯಲ್ಲಿ ಅಧಿಕಾರಿ ಪ್ರಕಾಶ್​ ಮಹಾಲ ಅವರ ಕಾರನ್ನು ತಡೆದ ಕಾಂಗ್ರೆಸ್​ ಮುಖಂಡ ಮತ್ತು ತಾಲೂಕು ಪಂಚಾಯತಿ ಸದಸ್ಯ ಪರಿಮಳ ಪಟೇಲ್​, ಅವಾಚ್ಯ ಶಬ್ದದಿಂದ ನಿಂದಿದ್ದಾರೆ. ಬಳಿಕ ಪ್ರಕಾಶ ಮಹಾಲ ಅವರು, ಕಾಲನಿಯೊಂದರಲ್ಲಿ ಸರ್ಕಾರಿ ಯೋಜನೆಗೆ ಸಂಬಂಧಪಟ್ಟಂತೆ ಪರಿಶೀಲನೆಗೆ ಹೊರ ಬಂದಾಗ ಮತ್ತೆ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಲ್ಲದೆ, ಥಳಿಸಿ ಬೆದರಿಕೆ ಹಾಕಿದ್ದಾನೆ ಎಂದು ಆರೋಪಿಸಲಾಗಿದೆ .

ಇದನ್ನೂ ಓದಿ: ಚಂದ್ರಶೇಖರ ಸ್ವಾಮೀಜಿ ಪ್ರಕರಣ ಕಾನೂನಿನ ಚೌಕಟ್ಟಿನೊಳಗೆ ಬಂದರೆ ಕ್ರಮ: CM Siddaramaiah

ಈ ಕುರಿತು ಪ್ರಕಾಶ ಅವರು ಪರಿಮಳ ಪಟೇಲ್​ ವಿರುದ್ಧ, ಭಾರತೀಯ ನ್ಯಾಯಸಂಹಿತೆ 121, 115, 281, 132, 221, 321(3), 352 ಮತ್ತು 333 ಸೆಕ್ಷನ್​ಗಳಡಿ ದೂರು ದಾಖಲಿಸಿದ್ದಾರೆ. ಈ ಹಿನ್ನೆಲೆ, ಸಾರ್ವಜನಿಕ ಸ್ಥಳದಲ್ಲಿ ಸರ್ಕಾರಿ ಅಧಿಕಾರಿಯನ್ನು ಥಳಿಸಿ, ಕೆಲಸ ಮಾಡಲು ಬಿಡದೆ ಬೆದರಿಕೆ ಹಾಕಿದ ಆರೋದಡಿಯಲ್ಲಿ ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ, (ಏಜೆನ್ಸೀಸ್​).

https://www.vijayavani.net/action-if-chandrasekhara-swamiji-case-falls-within-the-framework-of-law-cm-siddaramaiah