ಇಂತಹ ಅಮಾನವೀಯ ಘಟನೆ ಶಿರಾ ತಾಲೂಕಿನ ಕೊಟ್ಟಿ ಗ್ರಾಮದಲ್ಲಿ ನಡೆದಿದೆ. ರೈತ ಶಿವಣ್ಣ ಎಂಬುವರು 2 ಎಕರೆ ಜಮೀನಿನಲ್ಲಿ ಸಾಲ ಮಾಡಿ ಸುಮಾರು 12,000 ಟೊಮ್ಯಾಟೊ ಸಸಿಗಳನ್ನು ನೆಟ್ಟಿದ್ದರು. ಗಿಡಗಳು ಚೆನ್ನಾಗಿ ಬೆಳೆದಿದ್ದವು, ಇನ್ನೊಂದು ತಿಂಗಳಲ್ಲಿ ಫಸಲು ಬರಬೇಕಿತ್ತು. ಗಿಡಗಳೂ ಚೆನ್ನಾಗಿವೆ, ಉತ್ತಮ ಫಸಲು ಬರುತ್ತೆ, ಸಾಲ ತೀರಿಸಿಕೊಳ್ಳಬಹುದು ಎಂಬ ಲೆಕ್ಕಾಚಾರದಲ್ಲಿ ಶಿವಣ್ಣ ಇದ್ದರು. ಆದರೆ, ಶುಕ್ರವಾರ ರಾತ್ರಿ ಕಿಡಿಗೇಡಿಗಳು ಜಮೀನಿಗೆ ನುಗ್ಗಿ 7000ಕ್ಕೂ ಹೆಚ್ಚು ಟೊಮ್ಯಾಟೊ ಸಸಿಗಳನ್ನು ನಾಶ ಮಾಡಿದ್ದಾರೆ. ಶನಿವಾರ ಬೆಳಗ್ಗೆ ಜಮೀನಿನ ಬಳಿ ಬಂದ ಶಿವಣ್ಣ ದಂಪತಿಗೆ ಇದನ್ನು ನೋಡಿ ಆಘಾತವಾಗಿದೆ. ಸಹೋದರರೇ ಈ ಕೃತ್ಯವೆಸಗಿದ್ದಾರೆ ಎಂದು ಆರೋಪಿಸಿದ್ದಾರೆ.
