ಬೆಳಿಗ್ಗೆ ಅಂತ್ಯಸಂಸ್ಕಾರ ಮಾಡಿದರು; ಸತ್ತವ ರಾತ್ರಿಯೆನ್ನುವಷ್ಟರಲ್ಲಿ ಎದ್ದು ಬಂದ! ಆತ ಬದುಕಿದ್ದು ಹೇಗೆ ಗೊತ್ತಾ?

ಭೋಪಾಲ್​: ಸತ್ತವರು ಬದುಕಿ ಬಂದರೆ ಸಂತೋಷವಾಗುತ್ತದೆಯೋ ಅಥವಾ ಭಯವಾಗುತ್ತದೆಯೋ? ಅದರಲ್ಲೂ ಮಾನಸಿಕ ಅಸ್ವಸ್ಥನೊಬ್ಬ ಸತ್ತು, ಆತನ ಅಂತ್ಯಸಂಸ್ಕಾರ ಮಾಡಿದ ನಂತರ ಆತ ಎದ್ದು ಬಂದರೆ?! ಇಂತದ್ದೊಂದು ಘಟನೆ ನಿಜಕ್ಕೂ ನಡೆದಿದೆ.

ಇದನ್ನೂ ಓದಿ: ಹರಾಜು ಪ್ರಕ್ರಿಯೆ ಒಳ್ಳೆಯದಲ್ಲ: ಕಾರ್ಯಕರ್ತರ ಸಭೆಯಲ್ಲಿ ಮಾಜಿ ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಹೇಳಿಕೆ

ಮಧ್ಯಪ್ರದೇಶದ ಬರೋಡಾದ ಮಾತಾಜಿ ಮೊಹಲ್ಲಾದಲ್ಲಿ ಇಂತದ್ದೊಂದು ಘಟನೆ ನಡೆದಿದೆ. ಕಳೆದ ನಾಲ್ಕೈದು ದಿನಗಳಿಂದ ದಿಲೀಪ್​ ಹೆಸರಿನ ವ್ಯಕ್ತಿಯೊಬ್ಬ ಕಾಣೆಯಾಗಿದ್ದ. ದಿಲೀಪ್​ ಒಬ್ಬ ಮಾನಸಿಕವಾಗಿ ಅಸ್ವಸ್ಥನಾಗಿದ್ದು, ಎಲ್ಲಿ ಹೋಗಿದ್ದಾನೆ ಎನ್ನುವುದು ಮನೆಯಲ್ಲಿ ಯಾರಿಗೂ ಗೊತ್ತಿರಲಿಲ್ಲ. ಇದೇ ಸಮಯಕ್ಕೆ ನಗರದ ಸೇತುವೆ ಬಳಿ ಒಂದು ಅನಾಥ ಶವ ಪತ್ತೆಯಾಗಿದೆ. ಶವದ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ ಪೊಲೀಸರು, ಮೃತರ ಸಂಬಂಧಿಕರಿಗೆ ಪೊಲೀಸರನ್ನು ಸಂಪರ್ಕಿಸುವಂತೆ ತಿಳಿಸಿದ್ದಾರೆ. ಆ ಫೋಟೋವನ್ನು ನೋಡಿದ ದಿಲೀಪ್​ ಕುಟುಂಬ ಪೊಲೀಸರ ಬಳಿ ಓಡಿದ್ದಾರೆ. ಇದು ತಮ್ಮ ಕುಟುಂಬದ ವ್ಯಕ್ತಿಯೇ ಎಂದು ಹೇಳಿ ಶವ ಪಡೆದು, ಅಂತ್ಯಸಂಸ್ಕಾರವನ್ನೂ ಮಾಡಿ ಮುಗಿಸಿದ್ದಾರೆ.

ಇದನ್ನೂ ಓದಿ: ಸಾರಿಗೆ ನೌಕರರ ಮುಷ್ಕರ ಇಂದಿಗೆ ಅಂತ್ಯ? ಏನೆಂತಾರೆ ಸಾರಿಗೆ ಸಚಿವರು?

ಅಂತ್ಯಸಂಸ್ಕಾರ ಮಾಡಿ ಮುಗಿಸಿ ಕೆಲ ಗಂಟೆಗಳಲ್ಲಿ ಅವರು ಅಂತ್ಯಸಂಸ್ಕಾರ ಮಾಡಿದ್ದ ವ್ಯಕ್ತಿ ಮನೆಗೆ ವಾಪಾಸಗಿದ್ದಾನೆ. ಪೂರ್ತಿ ಕುಟುಂಬ ಗಾಬರಿಯಿಂದ ದಿಲೀಪ್​ರನ್ನು ನೋಡಿದೆ. ನಂತರ ಮತ್ತೆ ಪೊಲೀಸ್​ ಠಾಣೆಗೆ ಓಡಲಾಗಿದೆ.

ಅಂತ್ಯಸಂಸ್ಕಾರವಾದ ವ್ಯಕ್ತಿ ಮತ್ತು ದಿಲೀಪ್​ ನೋಡಲು ಬಹುತೇಕ ಒಂದೇ ರೀತಿ ಇದ್ದಾರೆ. ಅದರಿಂದಾಗಿಯೇ ಈ ತೊಂದರೆಯಾಗಿದೆ. ಇದೀಗ ಮೃತನಾದ ವ್ಯಕ್ತಿಯ ನಿಜವಾದ ಕುಟುಂಬವನ್ನು ಹುಡುಕಲಾಗಿದೆ. ಆತ ಭೆಲಾ ಭೀಮ್ ಲತಿ ಗ್ರಾಮದ ರಾಮ್‌ಕುಮಾರ್ ಆದಿವಾಸಿ ಎಂದು ಹೇಳಲಾಗುತ್ತಿದೆ. (ಏಜೆನ್ಸೀಸ್​)

https://www.vijayavani.net/private-part-was-cut-off-just-3-days-before-the-wedding/

https://www.vijayavani.net/zombie-angelina-jolie-sahar-tabar-has-been-jailed-for-10-years/