ಗೃಹಲಕ್ಷ್ಮೀ ಯೋಜನೆ ಹೆಸರಲ್ಲಿ ಹುಟ್ಟಿಕೊಂಡಿವೆ ನಕಲಿ ಆ್ಯಪ್​ಗಳು: ಯಾಮಾರಿದ್ರೆ ಬ್ಯಾಂಕ್​ ಖಾತೆಗೆ ಕನ್ನ

ಬೆಂಗಳೂರು: ಗೃಹಲಕ್ಷ್ಮೀ ಯೋಜನೆ ಇನ್ನು ಅಧಿಕೃತವಾಗಿ ಜಾರಿಯಾಗಿಲ್ಲ. ಅಷ್ಟರಲ್ಲೇ ಈ ಯೋಜನೆ ಹೆಸರಿನಲ್ಲಿ ಹಲವು ನಕಲಿ ಆ್ಯಪ್​ಗಳು ಹುಟ್ಟಿಕೊಂಡಿವೆ. ಈ ಬಗ್ಗೆ ಸಾರ್ವಜನಿಕರು ತುಂಬಾ ಎಚ್ಚರಿಕೆ ವಹಿಸುವ ಅಗತ್ಯವಿದೆ.

ಒಂದು ವೇಳೆ ಗೊತ್ತಿಲ್ಲದೆ, ಈ ಆ್ಯಪ್​ಗಳನ್ನು ಡೌನ್‌ಲೋಡ್ ಮಾಡಿದರೆ ನಿಮ್ಮ ಬ್ಯಾಂಕ್​ ಖಾತೆಗೆ ಸೈಬರ್​ ಖದೀಮರು ಕನ್ನ ಹಾಕಲಿದ್ದಾರೆ. ಗೃಹಲಕ್ಷ್ಮೀ ಯೋಜನೆಯ ಲಾಭ ಪಡೆಯಲು ಬ್ಯಾಂಕ್​ ಖಾತೆಯ ವಿವರವನ್ನು ಮುಖ್ಯವಾಗಿ ಕೊಡಬೇಕಾಗಿದೆ. ಹೀಗಾಗಿ ನಕಲಿ ಆ್ಯಪ್​ ಸೃಷ್ಟಿ ಮಾಡಿರುವ ಸೈಬರ್​ ಕಿರಾತಕರಿಗೆ ಬ್ಯಾಂಕ್​ ಖಾತೆಗಳೇ ಮೊದಲ ಟಾರ್ಗೆಟ್ ಆಗಿವೆ.

ಇದನ್ನೂ ಓದಿ: ಕದ್ದ ವಾಹನಕ್ಕೂ ನೋಂದಣಿ! ಗುಜರಿ ಲಾರಿ, ಬಸ್ಸುಗಳಿಗೆ ಹೊಸ ರಿಜಿಸ್ಟ್ರೇಷನ್ | ಆರ್​ಟಿಒ ಸಿಬ್ಬಂದಿ ಶಾಮೀಲು

ಯಾಮಾರಿದ್ರೆ ಖಾತೆಗೆ ಕನ್ನ

ಯೋಜನೆಯ ಲಾಭ ಪಡೆಯಲು ಅರ್ಜಿ ಸಲ್ಲಿಸುವ ಭರದಲ್ಲಿ ನಕಲಿ ಆ್ಯಪ್​ಗಳನ್ನು ಡೌನ್‌ಲೋಡ್ ಮಾಡಿದರೆ ನಿಮಗೆ ಸಂಕಷ್ಟ ಖಚಿತ. ನಿಮ್ಮ ಬ್ಯಾಂಕ್ ಅಕೌಂಟ್​ಗೆ ನಿಮಗೇ ಗೊತ್ತಿಲ್ಲದೆ ಎಂಟ್ರಿ ಕೊಡುವ ಖದೀಮರು ಹಣ ಎಗರಿಸುವ ಸಾಧ್ಯತೆ ತುಂಬಾ ದಟ್ಟವಾಗಿದೆ.

ಐದಾರು ನಕಲಿ ಆ್ಯಪ್​ಗಳು

ಈಗಾಗಲೇ ಗೃಹಲಕ್ಷ್ಮಿ ಯೋಜನೆಯ ಅಪ್ಲೀಕೇಶನ್‌ಗೆ ಸರ್ಕಾರ ಅಸ್ತು ಎಂದಿದೆ. ಇದರ ಬೆನ್ನಲೆ ಪ್ಲೇ ಸ್ಟೋರ್​ನಲ್ಲಿ ನಕಲಿ ಆ್ಯಪ್​ಗಳ ಹಾವಳಿ ಹೆಚ್ಚಾಗಿದೆ. ಗೃಹಲಕ್ಷ್ಮಿ ಹೆಸರಿನ ಐದಾರು ನಕಲಿ ಆ್ಯಪ್​ಗಳು ಸೃಷ್ಟಿಯಾಗಿವೆ. ನೋಡೋಕೇ ಥೇಟ್ ಸರ್ಕಾರ ಸಿದ್ಧಪಡಿಸಿರುವ ಆ್ಯಪ್ ರೀತಿಯಲ್ಲೇ ನಕಲಿ ಆ್ಯಪ್‌ಗಳು ಇವೆ. ಹೀಗಾಗಿ ತುಂಬಾ ಎಚ್ಚರಿಕೆ ವಹಿಸುವ ಅಗತ್ಯವಿದೆ.

ಇದನ್ನೂ ಓದಿ: ಸ್ವಯಂಪ್ರೇರಿತ ರಕ್ತದಾನಿಗಳಿಗೆ ಸನ್ಮಾನ -ಯುವಕರು ರಕ್ತದಾನಕ್ಕೆ ಮುಂದಾಗಲಿ- ಸುಭಾಶ್ಚಂದ್ರ

ಇನ್ನೂ ಜಾರಿಯಾಗಿಲ್ಲ

ಅಂದಹಾಗೆ ಗೃಹಲಕ್ಷ್ಮೀ ಯೋಜನೆಯು ಮನೆ ಯಜಮಾನಿಗೆ 2,000 ಸಹಾಯ ಧನ ನೀಡುವ ಯೋಜನೆ ಆಗಿದೆ. ವಂಚನೆಯನ್ನು ತಪ್ಪಿಸಿ, ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ಸುಲಭಗೊಳಿಸಲು ಸರ್ಕಾರ ಆ್ಯಪ್​ ಸಿದ್ಧಪಡಿಸಿದೆ. ಆದರೆ, ಈವರೆಗೂ ಅರ್ಜಿ ಸಲ್ಲಿಸುವ ಪ್ರಕ್ರಿಯೆಗೆ ಸರ್ಕಾರ ಚಾಲನೆ ನೀಡಿಲ್ಲ. ಯಾವುದೇ ಸರ್ಕಾರಿ ವೆಬ್‌ಸೈಟ್‌ನಲ್ಲಿ ನೋಂದಣಿ ಪ್ರಕ್ರಿಯೆ ನಡೆಯುತ್ತಿಲ್ಲ ಎಂದು ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಅಧಿಕಾರಿಗಳು ಸ್ಪಷ್ಟನೆ ನೀಡಿದ್ದಾರೆ. (ದಿಗ್ವಿಜಯ ನ್ಯೂಸ್​)

https://www.vijayavani.net/up-cop-in-trouble-after-wife-children-take-selfie-with-bundles-of-rs-500-notes

https://www.vijayavani.net/tamannaah-bhatia-reveals-if-she-had-sex-on-1st-date-boyfriend-vijay-varma-has-epic-reply