ಟ್ರೋಲ್ ಅಂದ ತಕ್ಷಣ ಅಲ್ಲಿ ಸೆಲೆಬ್ರಿಟಿಗಳ ಕಾಲೆಳೆಯುವ ಕೆಲಸ ಆಗಿರುತ್ತದೆ. ಸೆಲೆಬ್ರಿಟಿಗಳ ಸೋಷಿಯಲ್ ಮೀಡಿಯಾದಲ್ಲಿನ ಪೋಸ್ಟ್ ವಿಚಾರವಾಗಿಯೋ, ಅವರಾಡಿದ ಮಾತನ್ನು ಇಟ್ಟುಕೊಂಡೋ ಅಥವಾ ಅವರು ಧರಿಸುವ ಉಡುಪಿನಿಂದಲೋ ಟ್ರೋಲ್ ಮಾಡಲಾಗುತ್ತದೆ. ಒಟ್ಟಿನಲ್ಲಿ ನೇರವಾಗಿ ಅಲ್ಲದಿದ್ದರೂ, ಕಮೆಂಟ್ ಮಾಡುವ ಮೂಲಕ ಕೆಣಕುವುದಾಗಿರುತ್ತದೆ. ಇಲ್ಲೊಬ್ಬ ಮಾಡೆಲ್ಗೆ ಅದ್ಯಾವ ಮಟ್ಟಿಗೆ ಕಾಟ ಕೊಡಲಾಗಿದೆ ಎಂದರೆ, ‘ನೀನ್ಯಾಕೆ ಇನ್ನೂ ಆತ್ಮಹತ್ಯೆ ಮಾಡಿಕೊಂಡಿಲ್ಲ’ ಎಂದು ಕಮೆಂಟ್ ಮಾಡುವ ಮೂಲಕ ಕಾಲೆಳೆದಿದ್ದಾರೆ.
ಇದನ್ನೂ ಓದಿ: ಟ್ರೋಲ್ಗೆ ಹೆದರಿ ಕಣ್ಣೀರಲ್ಲೇ ಕೈತೊಳೆಯುತ್ತಿದ್ದಾರೆ ಕರಣ್!
ಹೌದು, ಹಿಂದಿ ಬಿಗ್ಬಾಸ್ನ ಮಾಜಿ ಸ್ಪರ್ಧಿ ಬೆನಫ್ಶಾ ಸೋನಾವಲ್ಲಾ ಟ್ರೋಲ್ಗೆ ಒಳಗಾದವರು. ಸೋಷಿಯಲ್ ಮೀಡಿಯಾದಲ್ಲಿ ಸದಾ ಬೋಲ್ಡ್ ರೀತಿಯಲ್ಲಿರುವ ಫೋಟೋಗಳನ್ನು ಪೋಸ್ಟ್ ಮಾಡಿಕೊಳ್ಳುವ ಬೆನಫ್ಶಾ, ಆಗಾಗ ನೆಟ್ಟಿಗರ ಕೆಂಗೆಣ್ಣಿಗೆ ಗುರಿಯಾಗಿ ಟ್ರೋಲ್ಗೆ ಒಳಗಾಗುತ್ತಿರುತ್ತಾರೆ. ಹೀಗಿರುವಾಗಲೇ ಇತ್ತೀಚೆಗಷ್ಟೇ ಇನ್ಸ್ಟಾಗ್ರಾಂನಲ್ಲಿ ಹಾಕಿದ ಫೋಟೋವೊಂದಕ್ಕೆ ನೆಟ್ಟಿಗನೊಬ್ಬ ‘ನೀನ್ಯಾಕೆ ಇನ್ನೂ ಆತ್ಮಹತ್ಯೆ ಮಾಡಿಕೊಂಡಿಲ್ಲ’ ಎಂದು ಫೋಟೋಕ್ಕೆ ಕಮೆಂಟಿಸಿದ್ದಾನೆ.
ಇದನ್ನೂ ಓದಿ: ಕಿಚ್ಚ ಸುದೀಪ್ ಶೇರ್ ಮಾಡಿದ್ದಾರೊಂದು ಅಪರೂಪದ ಫೋಟೋ!
ಹೀಗೆ ಕಮೆಂಟ್ ಬಂದಿದ್ದೇ ತಡ ಕೆಂಡಾಮಂಡಲವಾದ ಬೆನಫ್ಶ, ಅದಕ್ಕೆ ಸರಿಯಾಗಿಯೇ ತಿರುಗೇಟು ನೀಡಿದ್ದಾರೆ. ‘ಈ ನಿನ್ನ ಕಮೆಂಟ್ಅನ್ನು ಈಗಲೇ ಸೈಬರ್ ಕ್ರೈಂ ವಿಭಾಗಕ್ಕೆ ತಲುಪಿಸಿ ತಕ್ಕ ಶಾಸ್ತಿ ಮಾಡಿಸುತ್ತೇನೆ’ ಎಂದಿದ್ದಾರೆ. ಕೂಡಲೇ ಸೈಬರ್ ಕ್ರೈಂ ಹೆಲ್ಪ್ಲೈನ್ಗೆ ಟ್ಯಾಗ್ ಮಾಡಿ, ಈತನ ಕಮೆಂಟ್ ರವಾನಿಸಿದ್ದಾರೆ. ‘ಈ ರೀತಿ ಮಾಡಿದ್ದು ನನಗೋಸ್ಕರ ಅಲ್ಲ. ಇಂಥ ಕಮೆಂಟ್ಗಳಿಗೆ ಹೆದರುವವಳು ನಾನಲ್ಲ. ಬದಲಿಗೆ ಈ ರೀತಿ ಕಮೆಂಟ್ ಮಾಡುವ ಮುನ್ನ ನೂರು ಬಾರಿ ವಿಚಾರ ಮಾಡಿ ಕಮೆಂಟ್ ಮಾಡಲಿ ಎಂಬ ಕಾರಣಕ್ಕೆ’ ಎಂದು ತಮ್ಮ ಉದ್ದೇಶವನ್ನು ತಿಳಿಸಿದ್ದಾರೆ. (ಏಜೆನ್ಸೀಸ್)
https://www.instagram.com/p/CB-hYZ2BKh-/
ಭೋಜಪುರಿ ಹಾಡಿನಲ್ಲಿ ಅವಾಚ್ಯ ಪದಗಳಿಂದ ಸಲ್ಮಾನ್ಗೆ ನಿಂದನೆ!; ಸಾಂಗ್ ವೈರಲ್…