ಸಂಸದೆ ಮಹುವಾ ಮೊಯಿತ್ರಾ ಉಚ್ಚಾಟನೆ ವರದಿ: ಲೋಕಸಭೆಯಲ್ಲಿ ಸೃಷ್ಟಿಯಾಗಬಹುದು ಕೋಲಾಹಲ

ನವದೆಹಲಿ: ಬಹು ನಿರೀಕ್ಷಿತ ಪಂಚ ರಾಜ್ಯ ವಿಧಾನಸಭೆ ಚುನಾವಣೆಯ ಫಲಿತಾಂಶಗಳು ಹೊರಬಿದ್ದ ಕೇವಲ ಒಂದು ದಿನದ ನಂತರ ಕರೆದಿರುವ ಸಂಸತ್ತಿನ ಚಳಿಗಾಲದ ಅಧಿವೇಶನದಲ್ಲಿ ಶುಕ್ರವಾರ (ನ. 7) ಕೋಲಾಹಲ ಸೃಷ್ಟಿಯಾಗಬಹುದಾಗಿದೆ. ಏಕೆಂದರೆ, ತೃಣಮೂಲ ಕಾಂಗ್ರೆಸ್‌ ಸಂಸದೆ ಮಹುವಾ ಮೊಯಿತ್ರಾ ವಿರುದ್ಧದ ಕಾಸಿಗಾಗಿ ಪ್ರಶ್ನೆ ಆರೋಪದ ಕುರಿತು ಸಂಸದೀಯ ನೈತಿಕ ಸಮಿತಿಯು ಶುಕ್ರವಾರ (ಡಿ.8) ಲೋಕಸಭೆಯಲ್ಲಿ ತನ್ನ ವರದಿ ಮಂಡಿಸುವ ಸಾಧ್ಯತೆ ಇದೆ.

ತೃಣಮೂಲ ಕಾಂಗ್ರೆಸ್​ ಸಂಸದೆ ಮಹುವಾ ಮೊಯಿತ್ರಾ ಅವರನ್ನು ಲೋಕಸಭೆಯ ಉಳಿದ ಅವಧಿಗೆ ಉಚ್ಚಾಟಿಸುವಂತೆ ಶಿಫಾರಸ್ಸು ಮಾಡುವ ನೈತಿಕ ಸಮಿತಿಯ ವರದಿಯನ್ನು ವಿರೋಧಿಸಲು ಪ್ರತಿ ಪಕ್ಷಗಳು ನಿರ್ಧರಿಸಿವೆ. ಪ್ರತಿಪಕ್ಷಗಳು ವರದಿಯ ಮೇಲೆ ಮತಗಳ ವಿಭಜನೆಯನ್ನು ಕೇಳುವ ನಿರೀಕ್ಷೆಯಿದೆ. ಈ ಹಿನ್ನೆಲೆಯಲ್ಲಿ ಬಿಜೆಪಿ ಇದಕ್ಕೆ ಸಿದ್ಧತೆ ನಡೆಸಿದ್ದು, ಶುಕ್ರವಾರ ಸದನದಲ್ಲೇ ಇರುವಂತೆ ಸಂಸದರಿಗೆ ವ್ಹಿಪ್ ಜಾರಿ ಮಾಡಿದೆ.

ನೈತಿಕ ಸಮಿತಿಯ ಅಧ್ಯಕ್ಷ ವಿನೋದ್ ಕುಮಾರ್ ಸೋನಕರ್ ಅಥವಾ ಸಮಿತಿಯ ಸದಸ್ಯೆ ಅಪರಾಜಿತಾ ಸಾರಂಗಿ ಅವರು ಲೋಕಸಭೆಯಲ್ಲಿ ಈ ವರದಿಯನ್ನು ಮಂಡಿಸಬಹುದಾಗಿದೆ.

ಕಾಂಗ್ರೆಸ್‌ ನಾಯಕ ಅಧೀರ್ ರಂಜನ್ ಚೌಧರಿ ಅವರು ಮೊಯಿತ್ರಾ ಅವರ ಉಚ್ಚಾಟನೆಯು "ಅತ್ಯಂತ ಗಂಭೀರವಾದ ಶಿಕ್ಷೆ ಮತ್ತು ಬಹಳ ವ್ಯಾಪಕವಾದ ಪರಿಣಾಮಗಳನ್ನು ಹೊಂದಿದೆ" ಎಂದು ಹೇಳಿದ್ದಾರೆ. ಲೋಕಸಭೆಯ ಸ್ಪೀಕರ್ ಓಂ ಬಿರ್ಲಾ ಅವರಿಗೆ ಪತ್ರ ಬರೆದಿರುವ ಚೌಧರಿ, ವರದಿಯು ಅಸಮರ್ಪಕ ಪುರಾವೆಗಳ ಆಧಾರದ ಮೇಲೆ ಮತ್ತು "ಅನೈತಿಕ ನಡವಳಿಕೆಯ ಯಾವುದೇ ಸ್ಪಷ್ಟ ವ್ಯಾಖ್ಯಾನವಿಲ್ಲದೆ ಹೊರಹಾಕಲು ಶಿಫಾರಸು ಮಾಡಿದೆ" ಎಂದು ಹೇಳಿದ್ದಾರೆ.

ಸಂಸತ್ತಿನಿಂದ ಮಹುವಾ ಅವರನ್ನು ಉಚ್ಚಾಟಿಸಬೇಕೆಂಬ ವರದಿಯ ಪರವಾಗಿ ನೈತಿಕ ಸಮಿತಿಯ ಆರು ಸದಸ್ಯರು ಮತ ಚಲಾಯಿಸಿದ್ದರು. ವಿರೋಧ ಪಕ್ಷದ ನಾಲ್ವರು ಸದಸ್ಯರು ಇದಕ್ಕೆ ಅಸಮ್ಮತಿ ಸೂಚಿಸಿದ್ದರು. ಪ್ರತಿಪಕ್ಷಗಳು ವರದಿಯನ್ನು "ಫಿಕ್ಸ್ಡ್ ಮ್ಯಾಚ್" ಎಂದು ಜರೆದಿವೆ.

ಮೊಯಿತ್ರಾ ಅವರು ಸಂಸತ್ತಿನಲ್ಲಿ ಪ್ರಶ್ನೆ ಕೇಳಲು ಹಣ ಪಡೆದುಕೊಂಡಿದ್ದಾರೆ ಎಂದು ಸುಪ್ರೀಂ ಕೋರ್ಟ್ ವಕೀಲ ಜೈ ಅನಂತ್ ದೇಹದ್ರಾಯ್ ಅವರು ಸಿಬಿಐಗೆ ದೂರು ಸಲ್ಲಿಸಿದ ಹಿನ್ನೆಲೆಯಲ್ಲಿ ಈ ಪ್ರಕರಣ ಮಹತ್ವ ಪಡೆದುಕೊಂಡಿತು. ಅದಾನಿ ಗ್ರೂಪ್ ಮತ್ತು ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಗುರಿಯಾಗಿಸಲು ಉದ್ಯಮಿ ದರ್ಶನ್ ಹಿರಾನಂದ ಅವರಿಗೆ ತಮ್ಮ ಸಂಸತ್ತಿನ ಲಾಗಿನ್ ಐಡಿಯನ್ನು ಎಂಎಸ್ ಮೊಯಿತ್ರಾ ನೀಡಿದ್ದಾರೆ ಎಂಬ ಆರೋಪದ ಕುರಿತು ತನಿಖೆ ನಡೆಸಬೇಕೆಂದು ಬಿಜೆಪಿ ಸಂಸದ ನಿಶಿಕಾಂತ್ ದುಬೆ ಒತ್ತಾಯಿಸಿದ್ದರು.

ಕೈಗಾರಿಕೋದ್ಯಮಿ ಗೌತಮ್ ಅದಾನಿ ವಿರುದ್ಧ ಪ್ರಶ್ನೆಗಳನ್ನು ಕೇಳಲು ಮೊಯಿತ್ರಾ ಉದ್ಯಮಿ ದರ್ಶನ್ ಹಿರಾನಂದಾನಿ ಅವರಿಂದ ಹಣ ಪಡೆದುಕೊಂಡಿದ್ದಾರೆ ಎಂದು ಬಿಜೆಪಿ ಸಂಸದ ನಿಶಿಕಾಂತ್ ದುಬೆ ಆರೋಪಿಸಿದ್ದರು. ನಂತರ, ಹೀರಾನಂದನಿ ಅವರು ನೈತಿಕ ಸಮಿತಿಗೆ ಬರೆದಿದ್ದರು,

ಮೊಯಿತ್ರಾ ಅವರು ಕಾಸಿಗಾಗಿ ಪ್ರಶ್ನೆ ಆರೋಪಗಳನ್ನು ನಿರಾಕರಿಸಿದ್ದರೂ, ಉದ್ಯಮಿ ದರ್ಶನ್ ಹಿರಾನಂದನಿಗೆ ತಮ್ಮ ಸಂಸದೀಯ ಲಾಗಿನ್ ಐಡಿ ನೀಡಿರುವುದನ್ನು ಒಪ್ಪಿಕೊಂಡಿದ್ದರು.

https://www.vijayavani.net/get-an-apple-from-pok-first-adhir-ranjan-challenges-amit-shah-after-nehru-remarks

https://www.vijayavani.net/man-files-complaint-against-wife-brother-in-law-after-watching-whatsapp-status

https://www.vijayavani.net/historic-kesavananda-bharti-case-judgement-available-in-inidian-languages