2ನೇ ದಿನ ಇಂಗ್ಲೆಂಡ್​ಗೆ ಕಡಿವಾಣ ಹಾಕಿದ ವೆಸ್ಟ್​ ಇಂಡೀಸ್​

ಸೌಥಾಂಪ್ಟನ್​: ಕರೊನಾ ಹಾವಳಿಯ ನಡುವೆ 117 ದಿನಗಳ ಬಳಿಕ ಶುರುವಾರ ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಮೊದಲ ದಿನ ಮಳೆಯಿಂದಾಗಿ ಕೇವಲ 106 ಎಸೆತಗಳ ಆಟ ನಡೆದಿದ್ದರೆ, 2ನೇ ದಿನ ಮಳೆ ಅಡಚಣೆ ಇಲ್ಲದೆ ಸರಾಗ ಆಟ ಮುಂದುವರಿದಿದೆ. ವೆಸ್ಟ್​ ಇಂಡೀಸ್​ ತಂಡದ ವೇಗಿಗಳು ಗುರುವಾರ ಆತಿಥೇಯ ಇಂಗ್ಲೆಂಡ್​ ತಂಡಕ್ಕೆ ಕಡಿವಾಣ ಹಾಕಿದ್ದು, ಭೋಜನ ವಿರಾಮದ ಬಳಿಕ ಆಟ ಮುಂದುವರಿಸಿದ ಇಂಗ್ಲೆಂಡ್​ 204 ರನ್​ಗೆ ಆಲೌಟ್​ ಆಗಿದೆ.  ಪ್ರೇಕ್ಷಕರಿಲ್ಲದೆ ಜೈವಿಕ-ಸುರಕ್ಷಾ ವಾತಾವರಣದಲ್ಲಿ ಪಂದ್ಯ ನಡೆಯುತ್ತಿದೆ.

1 ವಿಕೆಟ್​ಗೆ 35 ರನ್​ಗಳಿಂದ 2ನೇ ದಿನದಾಟ ಮುಂದುವರಿಸಿದ ಇಂಗ್ಲೆಂಡ್​ಗೆ ವೇಗಿಗಳಾದ ಶನನ್​ ಗ್ಯಾಬ್ರಿಯೆಲ್​ ಮತ್ತು ನಾಯಕ ಜೇಸನ್​ ಹೋಲ್ಡರ್​ ಕಡಿವಾಣ ಹಾಕಿದರು. ಕರೊನಾ ಭೀತಿಯಿಂದಾಗಿ ಚೆಂಡಿಗೆ ಎಂಜಲು ಹಚ್ಚುವುದನ್ನು ಐಸಿಸಿ ನಿಷೇಧಿಸಿರುವ ನಡುವೆಯೂ ವೇಗಿಗಳು ಸ್ಪರ್ಧಾತ್ಮಕ ಪಿಚ್​ನ ಲಾಭವೆತ್ತಿದ್ದಾರೆ. ಜೇಸನ್​ ಹೋಲ್ಡರ್​ 5 ವಿಕೆಟ್​ ಗೊಂಚಲು ಪಡೆದು ಆಂಗ್ಲರಿಗೆ ನಿಯಂತ್ರಣ ಹೇರಿದರು.

ಇದನ್ನೂ ಓದಿ: ಕ್ರಿಕೆಟ್​ಗಾಗಿ ಚಾಕೊಲೇಟ್​ ಪ್ರೀತಿ ತ್ಯಜಿಸಿದ್ದರು ಮಿಥಾಲಿ ರಾಜ್​!

ಭೋಜನ ವಿರಾಮದ ವೇಳೆ ಮಳೆ ಸುರಿದ ಕಾರಣ ಬಳಿಕ ಒದ್ದೆ ಮೈದಾನದಿಂದಾಗಿ ಆಟಕ್ಕೆ ಮತ್ತೆ ಅಡಚಣೆಯಾಯಿತು. ಬಳಿಕ ಹೋಲ್ಡರ್​ ದಾಳಿಗೆ ಕುಸಿದ ಇಂಗ್ಲೆಂಡ್​ ತಂಡಕ್ಕೆ ಬೆನ್​ ಸ್ಟೋಕ್ಸ್​ ಮತ್ತು ಜೋಸ್​ ಬಟ್ಲರ್​ ಕೆಲಕಾಲ ಆಸರೆಯಾಗಿದ್ದರು.

ಇಂಗ್ಲೆಂಡ್​ ಪ್ರಥಮ ಇನಿಂಗ್ಸ್​: 67.3 ಓವರ್​ಗಳಲ್ಲಿ 204 (ಬರ್ನ್ಸ್​ 30, ಡೆನ್ಲಿ 18, ಕ್ರೌಲಿ 10, ಬೆನ್​ ಸ್ಟೋಕ್ಸ್​ 43, ಪೋಪ್​ 12, ಬಟ್ಲರ್​ 35, ಡೊಮಿನಿಕ್​ ಬೆಸ್​ 31*, ಶನನ್​ ಗ್ಯಾಬ್ರಿಯೆಲ್​ 62ಕ್ಕೆ 4, ಹೋಲ್ಡರ್​ 42ಕ್ಕೆ 6).

https://www.vijayavani.net/bouchards-heart-warming-gesture-for-a-fan/