ಗಾಲೆ: ಕೆಲಮಂದಿಗೆ ಕ್ರಿಕೆಟ್ ಅಂದರೆ ಎಲ್ಲವೂ ಆಗಿರುತ್ತದೆ. ಹುಚ್ಚು ಕ್ರಿಕೆಟ್ ಅಭಿಮಾನಿಗಳನ್ನು ನಾವು ನೋಡಿದ್ದೇವೆ. ನೆಚ್ಚಿನ ತಂಡ ಆಡುವುದನ್ನೂ ನೋಡಲು ದೇಶ, ವಿದೇಶಗಳಿಗೆ ಹೋಗುತ್ತಾರೆ. ಇಂಗ್ಲೆಂಡ್ನ ಅಭಿಮಾನಿಯೊಬ್ಬ ನೆಚ್ಚಿನ ತಂಡ ಆಡುವುದನ್ನು ನೋಡಲು ಶ್ರೀಲಂಕಾದಲ್ಲೇ ಕಳೆದ 10 ತಿಂಗಳಿಂದ ಕಾದು ಕುಳಿದಿದ್ದ ಪ್ರಸಂಗ ನಡೆದಿದೆ. ಕಳೆದ ಮಾರ್ಚ್ನಲ್ಲಿ ಶ್ರೀಲಂಕಾ ಪ್ರವಾಸ ಕೈಗೊಂಡಿದ್ದ ಇಂಗ್ಲೆಂಡ್ ತಂಡದ ಜತೆ ಅಭಿಮಾನಿ ರೋಬ್ ಲೆವಿಸ್ ಆಗಮಿಸಿದ್ದರು. ಆದರೆ, ಕರೊನಾ ವೈರಸ್ ಭೀತಿಯಿಂದಾಗಿ ಇಂಗ್ಲೆಂಡ್ ತಂಡ ವಾಪಸಾಯಿತು. ಆದರೆ, ಈ ಅಭಿಮಾನಿ ಮಾತ್ರ ಶ್ರೀಲಂಕಾ ಬಿಟ್ಟು ಕದಲಲಿಲ್ಲ. ಇಂಗ್ಲೆಂಡ್ ತಂಡ ವಾಪಸ್ ಬರುವವರೆಗೂ ಕಾಯುತ್ತೇನೆ ಎಂದು ಶ್ರೀಲಂಕಾದಲ್ಲೇ ಬಿಡುಬಿಟ್ಟಿದ್ದರು. ಆದರೆ, ಗುರುವಾರದಿಂದ ಆರಂಭಗೊಂಡ ಉಭಯ ತಂಡಗಳ ಟೆಸ್ಟ್ ಪಂದ್ಯ ವೀಕ್ಷಕಣೆಗೆ ಅಭಿಮಾನಿಗೆ ಬಿಟ್ಟಿಲ್ಲ.
