ಟ್ವಿಟರ್‌ ಬಳಕೆದಾರರಿಗೆ ಶಾಕ್​: ದೈನಂದಿನ ಟ್ವೀಟ್‌ಗಳ ಓದುವಿಕೆಗೆ ಮಿತಿ ಹೇರಿದ ಮಸ್ಕ್

ದೆಹಲಿ: ಸಾಮಾಜಿಕ ಜಾಲತಾಣ ದಿಗ್ಗಜ ಕಂಪನಿಗಳ ಪೈಕಿ ಮುಂಚೂಣಿಯಲ್ಲಿರುವ ಟ್ವಿಟರ್​ ಖರೀದಿಸಿದ ದಿನದಿಂದ ಸದಾ ಸುದ್ದಿಯಲ್ಲಿರುವ ಎಲಾನ್​ ಮಸ್ಕ್, ತನ್ನ ಕಂಪನಿಯ​​ ಗ್ರಾಹಕರಿಗೆ ಮತ್ತೊಂದು ಶಾಕ್​ ನೀಡಿದ್ದು, ಟ್ವಿಟರ್‌ನಲ್ಲಿ ಪೋಸ್ಟ್‌ ನೋಡಲು ಮತ್ತೊಂದು ಬದಲಾವಣೆಗೆ ಮುಂದಾಗಿದ್ದಾರೆ.

ಈ ಕುರಿತು ಎಲೋನ್ ಮಸ್ಕ್ ಮಾಹಿತಿ ನೀಡಿದ್ದು, ಡೇಟಾ ಸ್ಕ್ರ್ಯಾಪಿಂಗ್ ಮತ್ತು ಸಿಸ್ಟಮ್ ಮ್ಯಾನಿಪ್ಯುಲೇಷನ್‌ನ ಹೆಚ್ಚಾಗಿರುವ ಹಿನ್ನೆಲೆ, ಇದನ್ನು ನಿಯಂತ್ರಿಸಲು ದಿನಕ್ಕೆ ಎಷ್ಟು ಟ್ವೀಟ್‌ಗಳನ್ನು ಓದಬಹುದು ಎಂಬ ಮಿತಿಯನ್ನು ಅಳವಡಿಸಲು ಟ್ವಿಟರ್ ಮುಂದಾಗಿದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಫರ್ನೀಚರ್ ಎಕ್ಸ್​ಪೋಗೆ ಭರ್ಜರಿ ಪ್ರತಿಕ್ರಿಯೆ: ಜಾಲಹಳ್ಳಿ ಎಚ್​ಎಂಟಿ ಮೈದಾನದಲ್ಲಿ ಆಯೋಜನೆ, ಜು. 9ರವರೆಗೆ ಪ್ರದರ್ಶನ

ಟ್ವಿಟರ್​ನಲ್ಲಿ ಪರಿಶೀಲಿಸಿದ ಖಾತೆಗಳು ತಾತ್ಕಾಲಿಕವಾಗಿ ದಿನಕ್ಕೆ 6,000 ಪೋಸ್ಟ್‌ಗಳನ್ನು ಓದುವುದಕ್ಕೆ ಸೀಮಿತವಾಗಿವೆ. ಪರಿಶೀಲಿಸದ ಖಾತೆಗಳು ದಿನಕ್ಕೆ 600 ಮತ್ತು ಹೊಸದಾಗಿ ಖಾತೆ ತೆರೆದಿರುವವ ಹಾಗೂಪರಿಶೀಲಿಸದ ಖಾತೆಗಳು 300 ಟ್ವೀಟ್​ಗಳನ್ನು ಓದಲು ಸೀಮಿತವಾಗಿರುತ್ತವೆ ಎಂದು ಮಸ್ಕ್​​ ತಿಳಿಸಿದ್ದಾರೆ.
ನಂತರ ಈ ತಾತ್ಕಾಲಿಕ ಓದುವ ಮಿತಿಯನ್ನು ಪರಿಶೀಲಿಸಿದ ಬಳಿಕ ಮತ್ತೊಮ್ಮೆ ಮಾಹಿತಿ ನೀಡಿದ ಮಸ್ಕ್​, ಬಳಕೆದಾರಿಗೆ ದಿನಕ್ಕೆ 8000 ಟ್ವೀಟ್​​, ಪರಿಶೀಲಿಸದವರಿಗೆ ದಿನಕ್ಕೆ 800 ಹೊಸಖಾತೆದಾರರು ಹಾಗೂ ಪರಿಶೀಲಿಸದ ಬಳಕೆದಾರರಿಗೆ ದಿನಕ್ಕೆ 400 ಟ್ವೀಟ್​ಗಳನ್ನು ಓದಬಹುದು ಎಂದು ಸಹ ಟ್ವೀಟ್​ ಮುಖಾಂತರ ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ: ರೇಡಿಯೋ ಚಾನೆಲ್​ಗಳ ವಿಲೀನ ಬೇಡಾ; ಹಾಲಿ ನಿರೂಪಕರು ನೀರುದ್ಯೋಗಿಗಳಾಗುತ್ತಾರೆ.. ಈಗ ಇರುವ ರೀತಿಯಲ್ಲಿಯೇ ನಡೆಸಲು ಅನುಮತಿ ಕೋರಿ ಸಿಎಂಗೆ ಪತ್ರ

ಈ ಹಿಂದೆ, ಟ್ವೀಟ್‌ಗಳನ್ನು ವೀಕ್ಷಿಸಲು ಬಳಕೆದಾರರು ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ನಲ್ಲಿ ಖಾತೆಯನ್ನು ಹೊಂದಿರಬೇಕು ಎಂದು ಟ್ವಿಟರ್ ಘೋಷಿಸಿತ್ತು. ಜತೆಗೆ ನೂರಾರು ಸಂಸ್ಥೆಗಳು ಟ್ವಿಟರ್ ಡೇಟಾವನ್ನು ಅತ್ಯಂತ ಆಕ್ರಮಣಕಾರಿಯಾಗಿ ಕದಿಯುತ್ತಿದ್ದು, ಇದು ಬಳಕೆದಾರರ ಅನುಭವದ ಮೇಲೆ ಪರಿಣಾಮ ಬೀರುತ್ತದೆ ಎಂದು ಎಲೋನ್ ಮಸ್ಕ್ ಹೇಳಿದ್ದಾರೆ.(ಏಜೆನ್ಸೀಸ್​)

https://www.vijayavani.net/dinesh-gungurao-lashes-out-on-bjp

https://www.vijayavani.net/dr-c-n-ashwath-narayan-said-that-we-will-fight-under-the-title-by-enforcing-the-guarantee-by-stopping-cheating