ಮನಿಲಾ: ಗಗನಸಖಿಯೊಬ್ಬಳ ಮೃತದೇಹವೂ ಫಿಲಿಪೈನ್ಸ್ನ ಹೋಟೆಲ್ ಒಂದರ ಬಾತ್ಟಬ್ನಲ್ಲಿ ಪತ್ತೆಯಾದ ಪ್ರಕರಣಕ್ಕೆ ಸಂಬಂಧಿಸಿದಂತೆ 11 ಆರೋಪಿಗಳ ವಿರುದ್ಧ ಗ್ಯಾಂಗ್ರೇಪ್ ಮತ್ತು ಕೊಲೆ ಪ್ರಕರಣವನ್ನು ದಾಖಲಿಸಲಾಗಿದೆ.
ಕ್ರಿಸ್ಟಿನ್ ಏಂಜೆಲಿಕಾ ಡಾಸೆರಾ (23) ಕಳೆದ ವಾರ ಫಿಲಿಪೈನ್ಸ್ನ ಅದ್ಧೂರಿ ನಗರದ ಗಾರ್ಡನ್ ಹೋಟೆಲ್ನಲ್ಲಿ ತಮ್ಮ ಫ್ರೆಂಡ್ಸ್ ಒಟ್ಟಿಗೆ ಹೊಸ ವರ್ಷಾಚರಣೆಗೆಂದು ಸೇರಿದ್ದರು. ಫಿಲಿಪೈನ್ಸ್ನ ಆರ್ಥಿಕ ನಗರವೆಂದೇ ಖ್ಯಾತಿಯಾಗಿರುವ ಮಕಾತಿಯ ಫೋರ್ ಸ್ಟಾರ್ ಹೋಟೆಲ್ ರಾತ್ರಿ ಸಂಭ್ರಮಾಚರಣೆಯಲ್ಲಿ ಫ್ರೆಂಡ್ಸ್ ಮತ್ತು ಸಹೋದ್ಯೋಗಿಗಳ ಜತೆ ತೊಡಗಿದ್ದರು.
ಇದನ್ನೂ ಓದಿರಿ: ‘ಮೊದಲ ಪತ್ನಿಯ ಜತೆ ಚೆನ್ನಾಗಿಯೇ ಇದ್ದೇನೆ: ಇನ್ನೊಂದು ಮದ್ವೆಯಾಗುವಂತೆ ಮಗಳೇ ಹೇಳಿದ್ದಳು’
ಆದರೆ, ಮಾರನೇ ದಿನ ಬೆಳಗ್ಗೆ 10 ಗಂಟೆಗೆ ಎದ್ದ ಕ್ರಿಸ್ಟಿನ್ ಸಹೋದ್ಯೋಗಿ ರೊಮ್ಮೆಲ್ ಗಾಲಿಡ, ಬಾತ್ಟಬ್ನಲ್ಲಿ ಕ್ರಿಸ್ಟಿನ್ ಹೆಣವಾಗಿ ಬಿದ್ದಿದ್ದನ್ನು ಗಮನಿಸಿದ್ದಾನೆ. ಗಾಲಿಡಾ ತಾನು ಮಲಗಲು ಹೋಗುವ ಮುನ್ನ ಮಲಗಿದ್ದ ಕ್ರಿಸ್ಟಿನ್ಳಿಗೆ ಬ್ಲಾಂಕೆಟ್ ಹೊದಿಸಿದ್ದನಂತೆ. ಬೆಳಗ್ಗೆ ಎದ್ದು ನೋಡುವಷ್ಟರಲ್ಲಿ ಬಾತ್ಟಬ್ನಲ್ಲಿ ಪ್ರಜ್ಞೆ ತಪ್ಪಿ ಬಿದ್ದಿದ್ದಳು. ಆಕೆಯ ದೇಹ ನೀಲಿ ಬಣ್ಣಕ್ಕೆ ತಿರುಗುತ್ತಿತ್ತು. ತಕ್ಷಣ ಹೋಟೆಲ್ ಸಿಬ್ಬಂದಿ ತಿಳಿಸಿ, ಮಕಾತಿಯ ಮೆಡಿಕಲ್ ಕ್ಲೀನಿಕ್ ಕರೆದೊಯ್ದವು. ಅಷ್ಟರಲ್ಲಾಗಲೇ ಮೃತಪಟ್ಟಿರುವುದಾಗಿ ವೈದ್ಯರು ತಿಳಿಸಿದರು ಎಂದು ಗಾಲಿಡಾ ತಿಳಿಸಿದ್ದಾನೆ.
ಸದ್ಯ ತನಿಖಾಗಾರರು ಕ್ರಿಸ್ಟಿನ್ ಮರಣೋತ್ತರ ಪರೀಕ್ಷೆಗಾಗಿ ಎದುರ ನೋಡುತ್ತಿದ್ದಾರೆ. ಆದರೆ, ಆಕೆಯ ಮೃತದೇಹದಲ್ಲಿ ಅನೇಕ ಗಾಯಗಳಾಗಿರುವುದು ಕಂಡುಬಂದಿದೆ. ತೊಡೆ ಮತ್ತು ಮಂಡಿಗಳಲ್ಲಿ ಗಾಯದ ಗುರುತುಗಳಿವೆ. ಅಲ್ಲದೆ, ಆಕೆ ರೇಪ್ ಸಂತ್ರಸ್ತೆ ಎಂಬುದನ್ನು ಆಕೆಯ ಮೃತದೇಹವೇ ಸುಳಿವು ನೀಡುತ್ತಿದೆ.
ಇದನ್ನೂ ಓದಿರಿ: ಬ್ಯಾಚಲರ್ ಹುಡುಗರಿದ್ದ ಮನೆಯಲ್ಲಿ ವಿವಾಹಿತೆಯ ಶವ!; ಕೆಲಸಕ್ಕೆಂದು ಹೋಗಿದ್ದವಳು ಅಲ್ಲೇಕೆ ಹೋದಳು?
ಅನುಮಾನ ವ್ಯಕ್ತವಾದ ಬೆನ್ನಲ್ಲೇ ಪೊಲೀಸರು ಕ್ರಿಸ್ಟಿನ್ ಜತೆ ಹೋಟೆಲ್ನಲ್ಲಿ ಇದ್ದ 11 ಮಂದಿಯ ವಿರುದ್ಧ ರೇಪ್ ಮತ್ತು ಕೊಲೆ ಪ್ರಕರಣವನ್ನು ದಾಖಲಿಸಿದ್ದಾರೆ. ಆದರೆ, ಮರಣೋತ್ತರ ವರದಿ ಬರುವವರೆಗೆ ಯಾವುದನ್ನು ಖಚಿತಪಡಿಸಲು ಸಾಧ್ಯವಿಲ್ಲ. ವರದಿಗಾಗಿ ಎದುರು ನೋಡುತ್ತಿದ್ದೇವೆ ಎಂದು ಮಕಾತಿ ನಗರ ಪೊಲೀಸ್ ಮುಖ್ಯಸ್ಥ ಕರ್ನಲ್ ಹರೊಲ್ಡ್ ಡೆಪೊಸಿಟರ್ ಫಿಲಿಪ್ಪೈನ್ಸ್ ಡೈಲಿ ಪತ್ರಿಕೆಗೆ ಮಾಹಿತಿ ನೀಡಿದ್ದಾರೆ.
ಪ್ರಕರಣ ದಾಖಲಿಸಿಕೊಂಡಿರುವ 11ರಲ್ಲಿ ಮೂವರು ವಿಚಾರಣೆಗೆ ಮುಂದೆ ಬಂದಿದ್ದಾರೆ. ಇನ್ನು ಉಳಿದವರು ಹಿಂದೆ ಉಳಿದಿದ್ದಾರೆ. ಸದ್ಯ ತನಿಖೆ ಮುಂದುವರಿದಿದೆ ಎಂದು ಹರೊಲ್ಡ್ ಡೆಪೊಸಿಟರ್ ತಿಳಿಸಿದರು. (ಏಜೆನ್ಸೀಸ್)
ಇದನ್ನೂ ಓದಿರಿ: ಮದುವೆಯಾಗಿ ನಾಲ್ಕೇ ದಿನದಲ್ಲಿ ಪ್ರಿಯಕರನ ಜತೆ ನವವಿವಾಹಿತೆ ಪರಾರಿ!
ಬ್ಯಾಚಲರ್ ಹುಡುಗರಿದ್ದ ಮನೆಯಲ್ಲಿ ವಿವಾಹಿತೆಯ ಶವ!; ಕೆಲಸಕ್ಕೆಂದು ಹೋಗಿದ್ದವಳು ಅಲ್ಲೇಕೆ ಹೋದಳು?
ಕ್ಲಾಸ್ಮೇಟ್ ನಂಬಿ ಚಾಟಿಂಗ್ ಮಾಡುತ್ತಿದ್ದ ಯುವತಿಗೆ ವರ್ಷದ ಬಳಿಕ ಕಾದಿತ್ತು ಬಿಗ್ ಶಾಕ್!
ಲಾಕ್ಡೌನ್ನಲ್ಲಿ ಊಟದ ಹೆಸರಲ್ಲೇ ವಂಚಿಸಿದ ಖತರ್ನಾಕ್ ಮಹಿಳೆ! ಫುಡ್ಡೂ ಹೋಯ್ತು, ದುಡ್ಡೂ ಹೋಯ್ತು!