ವಿದ್ಯುತ್ ಬಿಲ್ ರೂಪದಲ್ಲಿ ಬಂತು ಮೃತ್ಯು

ನಾಗ್ಪುರ: ವಿದ್ಯುತ್​​ ಮಂಡಳಿ ವಿಧಿಸಿದ 40 ಸಾವಿರ ರೂ. ವಿದ್ಯುತ್ ಬಿಲ್ ನೋಡಿ ಆಘಾತಗೊಂಡ ವ್ಯಕ್ತಿಯೊಬ್ಬ ಮದ್ಯ ಸೇವಿಸಿ ಬೆಂಕಿಗಾಹುತಿಯಾಗಿದ್ದಾನೆ.

ಲೀಲಾಧರ್ ಲಕ್ಷ್ಮಣ್ ಗೈದಾನಿ ಸಾವಿಗೀಡಾದವ. ನಿರೀಕ್ಷೆಗೂ ಮೀರಿದ ವಿದ್ಯುತ್ ಬಿಲ್ ನೋಡಿ ಆಘಾತಕ್ಕೊಳಗಾಗಿದ್ದ. ವಿದ್ಯುತ್ ಮಂಡಳಿ ವಿಧಿಸಿದ್ದ ಲಾಕ್​ಡೌನ್ ಅವಧಿಯ ಮೂರು ತಿಂಗಳಿನ ಒಟ್ಟು 40 ಸಾವಿರ ರೂ. ಬಿಲ್ ಪಾವತಿಸಲು ಸಾಧ್ಯವಾಗದ ಆತ ಈ ಕುರಿತು ಸಂಬಂಧಪಟ್ಟ ಅಧಿಕಾರಿಗಳಿಗೆ ಮನವಿ ಮಾಡಿಕೊಂಡಿದ್ದ.

ಇದನ್ನೂ ಓದಿ: ಬಿಜೆಪಿ ಸಂಸತ್​ ಸದಸ್ಯ ಸಾಕ್ಷಿ ಮಹಾರಾಜ್​ಗೆ ಬಂತು ಪಾಕ್​ ಸಂಖ್ಯೆಯಿಂದ ಬೆದರಿಕೆ ಕರೆ

ಆದರೆ ಆತನ ಮನವಿಗೆ ಅವರು ಸಕಾರಾತ್ಮಕವಾಗಿ ಸ್ಪಂದಿಸಲಿಲ್ಲ. ಆತ ಮದ್ಯ ಸೇವಿಸಿದಾಗ ಬೆಂಕಿಹಚ್ಚಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ಕುಟುಂಬದ ಸದಸ್ಯರು ತಿಳಿಸಿದ್ದಾರೆ.

ರಾಜ್ ಠಾಕ್ರೆ ನೇತೃತ್ವದ ಎಂಎನ್ಎಸ್ ಪಕ್ಷವು ಅನಿಯಮಿತ ಮತ್ತು ಹೆಚ್ಚಿನ ವಿದ್ಯುತ್ ಬಿಲ್ ಪಾವತಿ ಕ್ರಮವನ್ನು ನಿಯಂತ್ರಿಸಬೇಕೆಂದು ಸರ್ಕಾರಕ್ಕೆ ಮನವಿ ಮಾಡಿದೆ. ದೂರುಗಳಿಗೆ ಸಂಬಂಧಿಸಿದಂತೆ ಸೂಕ್ತ ಪರಿಹಾರವನ್ನು ಪೂರ್ಣಗೊಳಿಸದೆ ಯಾವುದೇ ಮನೆಗಳು ಅಥವಾ ಘಟಕಗಳ ವಿದ್ಯುತ್ ಸಂಪರ್ಕವನ್ನು ಕಡಿತಗೊಳಿಸಬಾರದು ಎಂದು ಮಹಾರಾಷ್ಟ್ರ ರಾಜ್ಯ ವಿದ್ಯುತ್ ಮಂಡಳಿ ಅಧಿಕಾರಿಗಳಿಗೆ ಸೂಚಿಸಿದೆ.

https://www.vijayavani.net/more-than-88000-bsnl-employees-will-be-fired-says-bjp-mp/