ಒಡಿಶಾದ ಆರೋಗ್ಯ ಸಚಿವ ನಿರಂಜನ ಪುರಿಯವರ ಸ್ವಂತ ಜಿಲ್ಲೆ ಸುವರ್ಣಾಪುರದಲ್ಲಿ ಆರೋಗ್ಯ ವ್ಯವಸ್ಥೆ ಹೇಗೆ ಕೆಟ್ಟ ಸ್ಥಿತಿಯಲ್ಲಿದೆ ಎಂಬುದನ್ನು ಈ ಘಟನೆ ಬಯಲು ಮಾಡಿದೆ.
ಘಟನೆ ಹಿನ್ನೆಲೆ:
ಸುವರ್ಣಾಪುರ ಜಿಲ್ಲೆಯ ಮೇಘಲ ಗ್ರಾಮದ ರುಕ್ಮಿಣಿ ಸಾಹು ಎಂಬ ವೃದ್ಧೆ ಶುಕ್ರವಾರ ತೀವ್ರ ಬಿಸಿಲಿಗೆ ಅಸ್ವಸ್ಥಗೊಂಡಿದ್ದರು. ಆಕೆಯನ್ನು ಚಿಕಿತ್ಸೆಗಾಗಿ ಬಿನಿಕಾ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ದಾಖಲಿಸಿದರೂ ಸಹಿತ ಚಿಕಿತ್ಸೆ ಫಲಕಾರಿಯಾಗದೇ ಆಕೆ ಮೃತಪಟ್ಟಿದ್ದಾಳೆ.
ಆಗ ಆಕೆಯ ಸಂಬಂಧಿಕರು ವೈದ್ಯಕೀಯ ಸಿಬ್ಬಂದಿಗೆ ಮೃತದೇಹವನ್ನು ಸಾಗಿಸಲು ಶವಸಾಗಿಸುವ ವಾಹನವನ್ನು ಒದಗಿಸುವಂತೆ ಕೇಳಿಕೊಂಡರು. ಇದಕ್ಕೆ ಸಂಬಂದಪಟ್ಟ ಸಿಬ್ಬಂದಿಗಳು ವಾಹನವನ್ನು ಒದಗಿಸದೇ ಇದ್ದಾಗ ಆಕೆಯ ಕುಟುಂಬಸ್ಥರು ಅನಿವಾರ್ಯವಾಗಿ ಮಧ್ಯರಾತ್ರಿಯಲ್ಲಿ ವೃದ್ಧೆಯ ಶವವನ್ನು ಸೈಕಲ್ನಲ್ಲಿ ಸಾಗಿಸಿದ್ದಾರೆ.
ಇದನ್ನೂ ಓದಿ: ಪ್ರತಿಭಟನಾ ನಿರತ ಕುಸ್ತಿಪಟು ಸಾಕ್ಷಿ ಮಲಿಕ್ ಕಾಂಗ್ರೆಸ್ನ ಕೈಗೊಂಬೆ ಎಂದ ಬಬಿತಾ ಪೋಗಟ್
ಕುಟುಂಬಸ್ಥರು ವೃದ್ಧೆಯ ಮೃತದೇಹವನ್ನು ಸೈಕಲ್ನಲ್ಲಿ ತೆಗೆದುಕೊಂಡು ಹೋಗುತ್ತಿರುವ ವಿಡಿಯೋ ಎಲ್ಲೆಡೆ ಹರಿದಾಡಿದೆ. ಈ ಕುರಿತು ಮಾತನಾಡಿದ ಬಿನಿಕಾ ಸಮುದಾಯ ಆರೋಗ್ಯ ಕೇಂದ್ರದ ಡಾ.ಸಂತೋಷ್ ಬಿಭೋರ್, ನಾವು ಶವವನ್ನು ತೆಗೆದುಕೊಂಡು ಹೋಗುವಂತೆ ಹೇಳಿದ್ದೇವೆ. ಆದರೆ ಅದನ್ನು ಸೈಕಲ್ನಲ್ಲಿ ಸಾಗಿಸಲು ಹೇಳಿಲ್ಲ ಎಂದು ಹೇಳಿದ್ದಾರೆ.(ಏಜೆನ್ಸೀಸ್)
