Education expo : ಸಿಇಟಿ, ನೀಟ್, ಜೆಇಇ ಸೇರಿ ವಿವಿಧ ಉನ್ನತ ಶಿಕ್ಷಣದ ಕೋರ್ಸ್ಗೆ ಸೇರಲು ಬಯಸುವ ವಿದ್ಯಾರ್ಥಿಗಳಿಗಾಗಿ ಹಾಗೂ ಸಲಹೆ ಸೂಚನೆಗಳನ್ನು ಪಡೆಯಲು ಪಾಲಕರಿಗಾಗಿ ಪ್ರತಿ ವರ್ಷ ಕನ್ನಡದ ನಂ.1 ದಿನಪತ್ರಿಕೆ ವಿಜಯವಾಣಿ ‘ಎಜುಕೇಷನ್ ಎಕ್ಸ್ಪೋ’ ಆಯೋಜಿಸುತ್ತಿದೆ. ಈ ವರ್ಷ 17 ಮತ್ತು 18ರಂದು ಹಮ್ಮಿಕೊಂಡಿದ್ದು, ವಿದ್ಯಾಪೀಠ ವೃತ್ತದ ಡೊಂಕಾಳ ಗ್ರೌಂಡ್ನಲ್ಲಿ (ಶಂಕರನಾಗ್ ಆಟದ ಮೈದಾನ) ಶನಿವಾರ ಚಾಲನೆ ಸಿಗಲಿದೆ.
ಬೆಳಗ್ಗೆ 11.30ಕ್ಕೆ ಬಸವನಗುಡಿ ಶಾಸಕ ರವಿಸುಬ್ರಮಣ್ಯ, ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯದ (ವಿಟಿಯು) ಕುಲಪತಿ ಡಾ.ಎಸ್. ವಿದ್ಯಾಶಂಕರ್, ನಟ ರಾಕೇಶ್ ಅಡಿಗ ಉದ್ಘಾಟಿಸಲಿದ್ದಾರೆ. ವಿಆರ್ಎಲ್ ಸಮೂಹ ಸಂಸ್ಥೆಗಳ ಚೇರ್ಮನ್ ಡಾ. ವಿಜಯ ಸಂಕೇಶ್ವರ ಭಾಗವಹಿಸಲಿದ್ದಾರೆ. ಇಂಜಿನಿಯರಿಂಗ್, ಮೆಡಿಕಲ್ ಸೇರಿ ವಿವಿಧ ವೃತ್ತಿಪರ ಕೋರ್ಸ್ಗಳ ಪ್ರವೇಶಕ್ಕೆ ಎದುರು ನೋಡುತ್ತಿರುವ ವಿದ್ಯಾ ರ್ಥಿಗಳು, ಸಾಮಾನ್ಯ ಪದವಿಗಳಲ್ಲಿರುವ ಉತ್ತಮ ಕೋರ್ಸ್ ಗಳು, ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತಯಾರಿ ನಡೆಸುತ್ತಿರುವವರಿಗೆ ಅಗತ್ಯ ಮಾರ್ಗದರ್ಶನ ಎಕ್ಸ್ಪೋದಲ್ಲಿ ಸಿಗಲಿದೆ.
ಎರಡು ದಿನಗಳ ಕಾಲ ಬೆಳಗ್ಗೆ 9ರಿಂದ ರಾತ್ರಿ 7ರವರೆಗೆ ಮೇಳ ನಡೆಯಲಿದೆ. ನಗರದ ಹೆಸರಾಂತ ಶೈಕ್ಷಣಿಕ ಸಂಸ್ಥೆಗಳ ಸಿಬ್ಬಂದಿ ಎಕ್ಸ್ಪೋದಲ್ಲಿ ಮಳಿಗೆ ಸ್ಥಾಪಿಸಲಿದ್ದು, ವಿದ್ಯಾರ್ಥಿಗಳು ಮತ್ತು ಪಾಲಕರು ವಿಸõತವಾಗಿ ಮಾಹಿತಿ ಪಡೆದುಕೊಂಡು ಇಷ್ಟದ ಕೋರ್ಸ್ಗಳಿಗೆ ಸೇರಬಹುದಾಗಿದೆ.
ವಿವಿಧ ಪಾರ್ಟ್ನರ್ಸ್
ಎಕ್ಸ್ಪೋದಲ್ಲಿ ಟ್ರಾವೆಲ್ ಪಾರ್ಟ್ನರ್ ಆಗಿ ವಿಜಯಾನಂದ ಟ್ರಾವೆಲ್ಸ್, ಸ್ಟಾಲ್ ಪಾರ್ಟ್ನರ್ ಆಗಿ ಆಕಾಶ್ ಗ್ರೂಪ್ ಆಫ್ ಇನ್ಸ್ಟಿ ಟ್ಯೂಷನ್ಸ್, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಬ್ಯಾಂಕ್, ಗ್ರೇಸ್ ಐಎಎಸ್ ಸೇರಿ ಹಲವು ಸಂಸ್ಥೆಗಳು ಭಾಗವಹಿಸಲಿವೆ. ಹೆಚ್ಚಿನ ಮಾಹಿತಿಗಾಗಿ ದೂರವಾಣಿ ಸಂಖ್ಯೆ 88844 32337 (ಸೌಜನ್ಯಾ), 88844 32365 (ನವೀನ್) ಸಂರ್ಪಸಬಹುದು.
ಇದನ್ನೂ ಓದಿ: ಗಾಯಕಿ ಕೆನಿಶಾ ನನ್ನ… ಪತ್ನಿ ಆರತಿ ಪೋಸ್ಟ್ಗೆ ಜಯಂ ರವಿ ನೀಡಿದ ಪ್ರತ್ಯುತ್ತರ ವೈರಲ್! Ravi Mohan
ಬೇಗ ಬನ್ನಿ ಲ್ಯಾಪ್ಟಾಪ್ ಗೆಲ್ಲಿ
ಮೊದಲ ದಿನ ಬೆಳಗ್ಗೆ 9ರಿಂದ 10.30ರೊಳಗೆ ಎಕ್ಸ್ಪೋಗೆ ಪ್ರವೇಶ ಪಡೆಯುವ ವಿದ್ಯಾರ್ಥಿಗಳಿಗೆ ಲಕ್ಕಿ ಡಿಪ್ ಕೂಪನ್ ನೀಡಲಾಗುತ್ತದೆ. ಅದೃಷ್ಟಶಾಲಿ ವಿದ್ಯಾರ್ಥಿಗೆ ಸಪ್ತಗಿರಿ ವಿವಿ ವತಿಯಿಂದ ಲ್ಯಾಪ್ಟಾಪ್ ಅನ್ನು ಉಡುಗೊರೆಯಾಗಿ ನೀಡ ಲಾಗುತ್ತದೆ. ಮೇಳಕ್ಕೆ ಪ್ರವೇಶ ಉಚಿತವಾಗಿರುತ್ತದೆ. ದ್ವಿತೀಯ ಪಿಯುಸಿಯಲ್ಲಿ ಶೇ.90ಕ್ಕೂ ಹೆಚ್ಚಿನ ಅಂಕ ಪಡೆದಿರುವ ವಿದ್ಯಾರ್ಥಿಗಳು ತಮ್ಮ ಅಂಕಪಟ್ಟಿಯನ್ನು ತೋರಿಸಿ ಆಕರ್ಷಕ ಬಹುಮಾನಗಳನ್ನು ಪಡೆಯುವ ವಿಶೇಷ ಸಂದರ್ಭ ಇದಾಗಿದೆ.
ಈ ಶಿಕ್ಷಣ ಸಂಸ್ಥೆಗಳು ಭಾಗಿ
ಎಕ್ಸ್ಪೋದಲ್ಲಿ ರಾಜ್ಯದ ಹೆಸರಾಂತ ಶಿಕ್ಷಣ ಸಂಸ್ಥೆಗಳು ಭಾಗವಹಿಸಲಿವೆ. ರಾಮಯ್ಯ ಅನ್ವಯಿಕ ವಿಜ್ಞಾನ ವಿಶ್ವವಿದ್ಯಾಲಯ, ಸಪ್ತಗಿರಿ ಎನ್ಪಿಎಸ್ ವಿಶ್ವವಿದ್ಯಾಲಯ, ಪ್ರೆಸಿಡೆನ್ಸಿ ವಿವಿ, ಚಾಣಕ್ಯ ವಿವಿ, ಈಸ್ಟ್ ಪಾಯಿಂಟ್ ಗ್ರೂಪ್ ಆಫ್ ಇನ್ಸ್ಟಿಟ್ಯೂಷನ್ಸ್, ಕೇಂಬ್ರಿಡ್ಜ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ, ಕೆಎಲ್ಇ ಸೊಸೈಟಿ (ಬೆಳಗಾವಿ), ಈಸ್ಟ್ ವೆಸ್ಟ್ ಗ್ರೂಪ್ ಆಫ್ ಇನ್ಸ್ಟಿಟ್ಯೂಷನ್ಸ್, ಕಮ್ಮವಾರಿ ಸಂಘಂ ಗ್ರೂಪ್ ಆಫ್ ಇನ್ಸ್ಟಿಟ್ಯೂಷನ್ಸ್ (ಕೆಎಸ್ಐಟಿ), ಸಿಎಂಆರ್ ಯೂನಿವರ್ಸಿಟಿ, ಎಎಂಸಿ ಇಂಜಿನಿಯರಿಂಗ್ ಕಾಲೇಜು, ಸಿಟಿ ಗ್ರೂಪ್ ಆಫ್ ಇನ್ಸ್ಟಿಟ್ಯೂಷನ್ಸ್, ಶ್ರೀದೇವಿ ಎಜುಕೇಷನ್, ದಯಾನಂದ ಸಾಗರ್ ಯೂನಿವರ್ಸಿಟಿ, ಶ್ರೀ ಸಪ್ತಗಿರಿ ಪಿಯು ಕಾಲೇಜು, ರಾಜರಾಜೇಶ್ವರಿ ಕಾಲೇಜ್ ಆಫ್ ಇಂಜಿನಿಯರಿಂಗ್, ಸಾಯಿರಾಮ್ ಕಾಲೇಜ್ ಆಫ್ ಇಂಜಿನಿಯರಿಂಗ್, ಇನ್ಸೈಟ್ಸ್ ಐಎಎಸ್, ಸಿದ್ಧಗಂಗಾ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ತುಮಕೂರು), ಸರ್ ಎಂವಿ ಪಿಯು ಕಾಲೇಜು (ದಾವಣಗೆರೆ), ಎಸಿಎಸ್ ಕಾಲೇಜ್ ಆಫ್ ಇಂಜಿನಿಯರಿಂಗ್, ಎಸ್-ವ್ಯಾಸ ಸ್ಕೂಲ್ ಆಫ್ ಅಡ್ವಾನ್ಡ್ ಸ್ಟಡೀಸ್, ವಿಷನ್ ನೀಟ್ ಅಕಾಡೆಮಿ, ಎಸ್ಇಎ ಗ್ರೂಪ್ ಆಫ್ ಇನ್ಸ್ಟಿಟ್ಯೂಷನ್ಸ್, ಶೇಷಾದ್ರಿಪುರಂ ಕಾಲೇಜು, ಲರ್ನ್ಟೆಕ್ ಬೆಂಗಳೂರು ಸ್ಟಡಿ, ಎಡ್ವೇ ಎಜುಕೇಷನ್ ಕನ್ಸಲ್ಟಿಂಗ್, ಜ್ಯೋತಿ ಇನ್ಸ್ಟಿಟ್ಯೂಟ್ ಆಪ್ ಕಾಮರ್ಸ್ ಆಂಡ್ ಮ್ಯಾನೇಜ್ವೆುಂಟ್, ಸವೋದಯ ಪಿಯು ಕಾಲೇಜು-ತುಮಕೂರು, ವಿದ್ಯಾವರ್ಧಕ ಕಾಲೇಜ್ ಆಫ್ ಇಂಜಿನಿಯರಿಂಗ್-ಮೈಸೂರು ಭಾಗವಹಿಲಿವೆ.
ಸಸ್ಯಾಹಾರಿ ಕೊಹ್ಲಿ ತಿನ್ನುವ ಚಿಕನ್ ರಹಸ್ಯ ಬಯಲು! ಏನಿದು ಮಾಕ್ ಚಿಕನ್? ಇಷ್ಟೊಂದು ಲಾಭಗಳಿವೆಯಾ? Virat Kohli
ತನ್ನ ಜಮೀನಿನಲ್ಲಿ 3000 ಕೋಟಿಗೂ ಅಧಿಕ ಚಿನ್ನ ಪತ್ತೆ ಮಾಡಿದ ರೈತ: ನಂತರ ನಡೆದಿದ್ದು ಬೇಸರದ ಸಂಗತಿ! Gold
