ರಾಹುಲ್​ ಗಾಂಧಿಗೆ ನಾಳೆಯೂ ವಿಚಾರಣೆ; ಬಿಗಿಯಾದ ಇ.ಡಿ. ಹಿಡಿತ..

ನವದೆಹಲಿ: ನ್ಯಾಷನಲ್​ ಹೆರಾಲ್ಡ್ ಹಗರಣಕ್ಕೆ ಸಂಬಂಧಿಸಿದಂತೆ ಆರೋಪಕ್ಕೆ ಒಳಗಾಗಿ ಜಾರಿ ನಿರ್ದೇಶನಾಲಯದ ವಿಚಾರಣೆಗೆ ಒಳಪಟ್ಟಿರುವ ಎಐಸಿಸಿ ಮಾಜಿ ಅಧ್ಯಕ್ಷ ರಾಹುಲ್​ ಗಾಂಧಿ ಸದ್ಯಕ್ಕಂತೂ ನಿರಾಳರಾಗುವ ಲಕ್ಷಣಗಳು ಕಾಣಿಸುತ್ತಿಲ್ಲ. ಏಕೆಂದರೆ ಜಾರಿ ನಿರ್ದೇಶನಾಲಯ (ಇ.ಡಿ.) ನಾಳೆಯೂ ವಿಚಾರಣೆಗೆ ಬರುವಂತೆ ಸೂಚಿಸಿದೆ.

ಹಗರಣಕ್ಕೆ ಸಂಬಂಧಿಸಿದಂತೆ ಜೂ. 13ರಂದು ಇ.ಡಿ. ರಾಹುಲ್​ ಗಾಂಧಿಯ ವಿಚಾರಣೆ ಆರಂಭಿಸಿದ್ದು, ಸತತ ಮೂರು ದಿನ ವಿಚಾರಣೆ ನಡೆದಿತ್ತು. ಇಂದಿನ ವಿಚಾರಣೆ ನಾಲ್ಕನೇ ದಿನದ್ದಾಗಿದ್ದು, ನಾಳೆಯೂ ವಿಚಾರಣೆಗೆ ಬರುವಂತೆ ಅಧಿಕಾರಿಗಳು ಸೂಚಿಸಿದ್ದಾರೆ.

ನ್ಯಾಷನಲ್ ಹೆರಾಲ್ಡ್ ಹಗರಣಕ್ಕೆ ಸಂಬಂಧಿಸಿದಂತೆ ರಾಹುಲ್​ ಗಾಂಧಿ ಇದುವರೆಗೆ ಒಟ್ಟು ಸುಮಾರು 40 ಗಂಟೆಗಳ ಕಾಲ ಇ.ಡಿ. ವಿಚಾರಣೆ ಒಳಪಟ್ಟಿದ್ದಾರೆ. ಕಳೆದ ಸೋಮವಾರ, ಮಂಗಳವಾರ, ಬುಧವಾರ ಒಟ್ಟು 30 ಗಂಟೆಗಳ ವಿಚಾರಣೆಗೆ ಒಳಪಟ್ಟಿದ್ದ ರಾಹುಲ್​ಗೆ, ತಾಯಿ ಸೋನಿಯಾ ಅನಾರೋಗ್ಯ ಹಿನ್ನೆಲೆಯಲ್ಲಿ ವಿಚಾರಣೆಯಿಂದ ಒಂದಷ್ಟು ಮುಕ್ತಿ ಸಿಕ್ಕಿತ್ತು.

ಆದರೆ ಇಂದು ಮತ್ತೆ ವಿಚಾರಣೆಗೆ ಒಳಪಡಿಸಿರುವ ಇ.ಡಿ. ನಾಳೆಗೂ ವಿಚಾರಣೆ ಮುಂದುವರಿಸುವುದಾಗಿ ಹೇಳಿದೆ. ಇನ್ನು ನಿನ್ನೆ ರಾಹುಲ್ ಗಾಂಧಿ ಜನ್ಮದಿನವಿದ್ದು, ಸತತ ವಿಚಾರಣೆ, ತಾಯಿಯ ಅನಾರೋಗ್ಯ, ಕೇಸ್​ ಕುರಿತ ಆತಂಕ ಎಲ್ಲವೂ ಸೇರಿ ಹುಟ್ಟುಹಬ್ಬದ ಖುಷಿಯನ್ನೇ ಮಂಕಾಗಿಸಿದ್ದವು.

https://www.vijayavani.net/9-members-of-the-same-family-committed-suicide/

https://www.vijayavani.net/modi-conversation-withi-central-government-project-beneficiaries/