ಚಾಮರಾಜನಗರದ ಅಂಬಿಕಾ ಎಂಬಾಕೆ ನಾನು ಕೇಂದ್ರದಿಂದ ಸುಮಾರು ಹತ್ತು ಯೋಜನೆಗಳ ಫಲಾನುಭವ ಪಡೆದಿದ್ದೇನೆ, ಆ ಪೈಕಿ ಪ್ರಮುಖವಾದದ್ದು ಹೊಲಿಗೆ ಎಂದರು. 'ಒಬ್ಬರೇ ಹೊಲಿಯುತ್ತಿದ್ದೀರಾ, ಬೇರೆ ಯಾರಾದರೂ ಜತೆಗಿದ್ದಾರಾ?' ಎಂದು ಪ್ರಧಾನಿ ಕೇಳಿದ್ದಕ್ಕೆ, 'ನಾನು ಹಾಗೂ ಪತಿ ಸೇರಿ ಹೊಲಿಗೆ ನಡೆಸುತ್ತಿದ್ದೇವೆ' ಎಂದರು. 'ಎಷ್ಟು ವಿದ್ಯಾಭ್ಯಾಸ ಮಾಡಿದ್ದೀರಿ, ಎಲ್ಲಿ ಹೊಲಿಗೆ ಕಲಿತಿರಿ?' ಎಂದು ಮೋದಿ ಕೇಳಿದಾಗ 'ನಾನು ಪಿಯುಸಿ ಓದಿದ್ದೇನೆ, ನಮ್ಮ ಊರಲ್ಲೇ ಹೊಲಿಗೆ ಕಲಿತೆ' ಎಂದರು. ಆಗ ಮೋದಿ 'ನನಗೆ ನೀವು ಕುರ್ತಾ ಹೊಲಿದು ಕೊಡ್ಬೋದಾ?' ಎಂದು ಕೇಳಿದರು. ಆಗ ಅಂಬಿಕಾ ಎಕ್ಸೈಟ್ ಆಗಿ, ಏನು ಹೇಳಬೇಕೆಂದು ತೋಚದೆ 'ಈ ಭೇಟಿಯನ್ನು ನಾನು ಯಾವತ್ತಿಗೂ ಮರೆಯಲ್ಲ' ಎಂದರು.
