ಅಮರಾವತಿ: ವಿಶ್ವದಾದ್ಯಂತ 2024ಕ್ಕೆ ಟಾಟಾ ಹೇಳಿ 2025 ಹೊಸವರ್ಷವನ್ನು ಅದ್ಧೂರಿಯಾಗಿ ಬರ ಮಾಡಿಕೊಳ್ಳಲಾಗಿದ್ದು, ಬೆಂಗಳೂರು ಸೇರಿದಂತೆ ಹಲವೆಡೆ ಭರ್ಜರಿ ಪಾರ್ಟಿ ಮಾಡಲಾಗಿದೆ. ಆದರೆ, ಇಲ್ಲೊಬ್ಬ ಯುವಕ ಕುಡಿದ ನಶೆಯಲ್ಲಿ ಕರೆಂಟ್ ವೈರ್ (Current Wire) ಮೇಲೆ ಮಲಗಿಕೊಂಡು ಹುಚ್ಚಾಟ ಮೆರೆದಿದ್ದು, ಇದಕ್ಕೆ ಆತ ನೀಡಿರುವ ಕಾರಣ ಮಾತ್ರ ಎಲ್ಲರ ಕೆಂಗಣ್ಣಿಗೆ ಗುರಿಯಾಗಿದೆ. ಆಂಧ್ರಪ್ರದೇಶದ ಪಾರ್ವತಿಪುರಂ ಮಾನ್ಯಂ ಜಿಲ್ಲೆಯ ಪಾಲಕೊಂಡ ಮಂಡಲದ ಎಂ. ಸಿಂಗಪುರಂ ಗ್ರಾಮದಲ್ಲಿ ಈ ಘಟನೆ ನಡೆದಿದ್ದು, ಮದ್ಯ ಸೇವಿಸಲು ಅಮ್ಮ ಹಣ ನೀಡಲಿಲ್ಲ ಎಂದು ವೆಂಕಣ್ಣ ಎಂಬಾತ ಕರೆಂಟ್ ಕಂಬ ಏರಿ ವೈರ್ಗಳ (Current Wire) ಮೇಲೆ ಮಲಗಿಕೊಂಡಿದ್ದು, ಸದ್ಯ ಘಟನೆಯು ಸಖತ್ ಸೌಂಡ್ ಮಾಡುತ್ತಿದೆ.

#AndhraPradesh :
A #drunk 🍾man climbed an #ElectricPole in #Singupuram village, #Palakonda mandal, #Parvathipuram #Manyam district and slept on live wires on Tuesday, December 31. A disaster was averted when quick thinking villagers turned off the transformer in time and… pic.twitter.com/A0Jl2hkeSl — Surya Reddy (@jsuryareddy) January 1, 2025

ಘಟನೆ ಕುರಿತು ಮಾತನಾಡಿರುವ ಗ್ರಾಮಸ್ಥರೊಬ್ಬರು, ತನ್ನ ತಾಯಿಗೆ ಪಿಂಚಣಿ ಬಂದಿರುವ ವಿಚಾರ ತಿಳಿದ ವೆಂಕಣ್ಣ ಕುಡಿಯಲು ಹಣ ಕೇಳಿದ್ದಾನೆ. ಆದರೆ, ಆಕೆ ಹಣ ಕೊಡಲು ಒಪ್ಪಿಲ್ಲ. ಇದರಿಂದ ಸಿಟ್ಟಿಗೆದ್ದ ವೆಂಕಣ್ಣ ಕರೆಂಟ್ ಕಂಬ ಏರಿ ವೈರ್ಗಳ (Current Wire) ಮೇಲೆ ಮಲಗಿಕೊಂಡಿದ್ದಾನೆ. ಕೂಡಲೇ ಎಚ್ಚೆತ್ತ ಗ್ರಾಮಸ್ಥರು ವಿದ್ಯುತ್ ಡಿಪಿ ಸ್ವಿಚ್ ಆಫ್ ಮಾಡಿದ್ದು, ಆತನನ್ನು ಕೆಳಗಿಳಿಸುವ ಪ್ರಯತ್ನ ಮಾಡಿದ್ದಾರೆ. ಸುಮಾರು ಅರ್ಧಗಂಟೆಗೂ ಹೆಚ್ಚಿನ ಕಾಲ ಆತ ಕರೆಂಟ್ ಕಂಬದ ಮೇಲಿದ್ದುಕೊಂಡೆ ಹುಚ್ಚಾಟ ಮಾಡಿದ್ದಾನೆ. ವಿಚಾರ ತಿಳಿದು ಸ್ಥಳಕ್ಕೆ ಪೊಲೀಸ್ ಅಧಿಕಾರಿಗಳು ಬಂದಿದ್ದು, ಗ್ರಾಮಸ್ಥರು ಹಾಗೂ ಪೊಲೀಸ್ ಅಧಿಕಾರಿಗಳು ಆತನ ಮನವೊಲಿಸಿ ಕೆಳಗಿಳಿಸಿದ್ದು, ಪೊಲೀಸರು ವಿಚಾರಿಸಿದಾಗ ಆತ ತನ್ನ ತಾಯಿ ಕುಡಿಯಲು ಹಣ ಕೊಡದಿದ್ದಕ್ಕೆ ಈ ರೀತಿ ಮಾಡಿದ್ದಾಗಿ ಹಾರಿಕೆ ಉತ್ತರವನ್ನು ನೀಡಿದ್ದಾನೆ. ಪೊಲೀಸರು ಪ್ರಕರಣವನ್ನು ದಾಖಲಿಸಿಕೊಂಡಿದ್ದಾರೆ ಎಂದು ಗ್ರಾಮಸ್ಥರೊಬ್ಬರು ತಿಳಿಸಿದ್ದಾರೆ. https://www.vijayavani.net/gautam-gambhir-not-1st-choice-coach-only-a-compromise-bcci-official-drops-bomb https://www.vijayavani.net/10-dead-30-injured-as-vehicle-hits-crowd-in-newyear-party-in-neworleans-mayor-terms-it-terrorist-attack