ಬೆಂಗಳೂರು: ಐಪಿಎಲ್ನ ಈ ಸೀಸನ್ ಶುರುವಾಗಿದೆ. ಈಗಾಗಲೇ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಮುಂಬೈ ಇಂಡಿಯನ್ಸ್ ವಿರುದ್ಧ ಮೊದಲ ಪಂದ್ಯ ಪ್ರಾರಂಭವಾಗಿದೆ. ಈ ಮಧ್ಯೆ ದರ್ಶನ್ ಅವರ ಹಳೆಯ ವಿಡಿಯೋವೊಂದು ಹೊಸದಾಗಿ ವೈರಲ್ ಆಗುತ್ತಿದೆ.
ಇದನ್ನೂ ಓದಿ: ಚಿತ್ರರಂಗವನ್ನು ಈ ಎಂಟು ಭಯೋತ್ಪಾದನೆಗಳಿಂದ ರಕ್ಷಿಸಲು ಕಂಗನಾ ಕರೆ
ಐಪಿಎಲ್ಗೂ ದರ್ಶನ್ ಅವರ ವಿಡಿಯೋಗೂ ಏನು ಸಂಬಂಧ ಎಂಬ ಪ್ರಶ್ನೆ ಸಹಜವಾಗಿಯೇ ಬರಬಹುದು. ಸಂಬಂಧ ಇದೆ. ಐಪಿಎಲ್ನ ಪ್ರತೀ ಪಂದ್ಯಕ್ಕೂ ದೊಡ್ಡ ಮಟ್ಟದ ಬೆಟ್ಟಿಂಗ್ ನಡೆಯುತ್ತಿದೆ. ಹಲವರು ಬೆಟ್ಟಿಂಗ್ನಲ್ಲಿ ಸೋತಿದ್ದರಿಂದ ಮನೆ ಕಳೆದುಕೊಂಡಿರುವ ಹಲವು ಉದಾಹರಣೆಗಳಿವೆ.
ಈ ನಿಟ್ಟಿನಲ್ಲಿ ದರ್ಶನ್ ಅವರು ಎರಡು ವರ್ಷಗಳ ಹಿಂದೊಂದು ವಿಡಿಯೋ ಮಾಡಿದ್ದರು. ಬೆಟ್ಟಿಂಗ್ನಲ್ಲಿ ಹಣ ಕಳೆದುಕೊಂಡು, ನಿಮ್ಮ ಲೈಫ್ ಹಾಳು ಮಾಡಿಕೊಳ್ಳಬೇಡಿ ಎಂದು ಅಭಿಮಾನಿಗಳು ಸಲಹೆ ನೀಡಿದ್ದರು. ಆ ವಿಡಿಯೋ ಇದೀಗ ಮತ್ತೆ ಇಂಟರ್ನೆಟ್ನಲ್ಲಿ ವೈರಲ್ ಆಗಿದೆ.
ಆರು ದಿನಗಳ ಹಿಂದೆ ಈ ವಿಡಿಯೋ ಯೂಟ್ಯೂಬ್ನಲ್ಲಿ ಮೊದಲಿಗೆ ಕಾಣಿಸಿಕೊಂಡಿತ್ತು. ಈ ವಿಡಿಯೋ ಇದೀಗ ಸೋಷಿಯಲ್ ಮೀಡಿಯಾದಲ್ಲೂ ಸಾಕಷ್ಟು ಹರಿದಾಡುತ್ತಿರುವುದು ವಿಶೇಷ. ಇಷ್ಟಕ್ಕೂ ದರ್ಶನ್ ಈ ವಿಡಿಯೋದಲ್ಲಿ ಏನು ಹೇಳಿದ್ದಾರೆ ಎಂಬ ಪ್ರಶ್ನೆ ಬರುವುದು ಸಹಜ.
ಇದನ್ನೂ ಓದಿ: Photo: ಕೊನೆಗೂ ತಯಾರಾಯ್ತು ಸುಶಾಂತ್ ಸಿಂಗ್ ಮೇಣದ ಪ್ರತಿಮೆ!
ಬೆಟ್ಟಿಂಗ್ ಕುರಿತು ಮಾತನಾಡಿರುವ ಅವರು, ‘ಐಪಿಎಲ್ ಸೀಸನ್ನಲ್ಲಿ ಮ್ಯಾಚ್ ನೋಡೋಕ್ಕಿಂತ ಹೆಚ್ಚಾಗಿ ಬೆಟ್ಟಿಂಗ್ ಆಡುವ ಜನರಿದ್ದಾರೆ. ಇವತ್ತು ಇವನ ಹತ್ತಿರ ಸಾಲ ಮಾಡಿ ಸೋತರೆ, ನಾಳೆ ಇನ್ನೊಬ್ಬನ ಹತ್ತಿರ ಸಾಲ ಮಾಡುತ್ತಾರೆ. ದಯವಿಟ್ಟು ಐಪಿಎಲ್ನ ಮ್ಯಾಚ್ ಆಗಿ ನೋಡಿ. ಆಟಗಾರರು ಮ್ಯಾಚ್ ಗೆಲ್ಲಬೇಕು ಎಂಬ ದೃಷ್ಟಿಯಲ್ಲಿ ಆಡುತ್ತಿರುತ್ತಾರೆ. ಸ್ಟ್ರಾಟಜಿಗಳನ್ನು ಮಾಡುತ್ತಿರುತ್ತಾರೆ. ಅದನ್ನ ನಂಬಿ, ನೀವು ನಿಮ್ಮ ಲೈಫ್ ಹಾಳು ಮಾಡಿಕೊಳ್ಳಬೇಡಿ. ಮ್ಯಾಚ್ಗಳನ್ನು ನೋಡಿ, ಪ್ರೋತ್ಸಾಹ ಕೊಡಿ’ ಎಂದು ದರ್ಶನ್ ಹೇಳಿದ್ದಾರೆ.
ಹಣವಿದ್ರೆ ಜೈಲು ಕಂಬಿಗಳೂ ಮಾತಾಡ್ತವೆ ಎನ್ನುವುದು ಮಾದಕ ನಟಿಯರ ವಿಚಾರದಲ್ಲೂ ಸಾಬೀತಾಯ್ತಾ?