ಮುಂಬೈ: ಸಿನಿಮಾ ಇಂಡಸ್ಟ್ರಿಯಲ್ಲಿ ಹೆಸರು ಮಾಡಿದವರ ಮೇಣದ ಪ್ರತಿಮೆಗಳು ವಿಶ್ವದ ಹಲವು ಮ್ಯೂಸಿಯಂಗಳಲ್ಲಿ ಮೇಣದ ಪ್ರತಿಮೆಗಳಾಗಿ ಪ್ರದರ್ಶನಕ್ಕಿಡಲಾಗಿದೆ. ಇತ್ತೀಚೆಗಷ್ಟೇ ಸುಶಾಂತ್ ಸಿಂಗ್ ಅವರ ಮೇಣದ ಪ್ರತಿಮೆಯನ್ನು ನಿರ್ಮಾಣ ಮಾಡಿ ಎಂದು ಸ್ವತಃ ಅವರ ಅಭಿಮಾನಿಗಳು ಸೋಷಿಯಲ್ ಮೀಡಿಯಾದಲ್ಲಿ ಅಭಿಯಾನ ಆರಂಭಿಸಿದ್ದರು. ಇದೀಗ ಆ ಬೆನ್ನಲ್ಲೇ ಮೇಣದ ಪ್ರತಿಮೆಯೊಂದು ಸುಶಾಂತ್ ಅವರ ಮೇಣದ ಪ್ರತಿಮೆಯೊಂದು ಸಿದ್ಧವಾಗಿ ನಿಂತಿದೆ.
ಇದನ್ನೂ ಓದಿ: ದಾಖಲೆ ಬರೆಯಿತು ಕಾಲಿವುಡ್ ನಟ ವಿಜಯ್ ಮಾಡಿದ ಆ ಒಂದೇ ಒಂದು ಟ್ವೀಟ್!
ಹೌದು, ಲಂಡನ್ನ ಮೇಡಂ ಟುಸ್ಸಾಡ್ಸ್ನಲ್ಲಿ ಸುಶಾಂತ್ ಅವರ ವ್ಯಾಕ್ಸ್ ಪ್ರತಿಮೆ ನಿರ್ಮಿಸಬೇಕೆಂದು ಅಭಿಮಾನಿಗಳು ಅಭಿಯಾನವನ್ನೇ ಆರಂಭಿಸಿದ್ದರು. ಅದಕ್ಕಾಗಿ ಸಹಿ ಸಂಗ್ರಹಿಸುವ ಕೆಲಸ ಶುರುವಾಗಿತ್ತು. ಒಂದು ಲಕ್ಷ 70 ಸಾವಿರ ಸಹಿಗಳನ್ನೂ ಪಡೆಯಲಾಗಿತ್ತು. ಇದೀಗ ಪಶ್ಚಿಮ ಬಂಗಾಳದಲ್ಲಿ ಸುಶಾಂತ್ ಮೇಣದ ಪ್ರತಿಮೆಯನ್ನು ನಿರ್ಮಾಣ ಮಾಡಿದ್ದಾರೆ. ಬಂಗಾಳದ ಅಸಾನ್ಸೂಲ್ನ ಸುಸಾಂತ್ ರಾಯ್ ಎಂಬುವವರು ಈ ಪ್ರತಿಮೆ ಮಾಡಿದ್ದು, ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ವಿಶೇಷ ಏನೆಂದರೆ ಸುಶಾಂತ್ ಅವರ ಪ್ರತಿಮೆ ಮಾಡಿರುವ ಸುಶಾಂತ್ ರಾಯ್, ಅವರ ಮ್ಯೂಸಿಯಂನಲ್ಲಿ ಅಮಿತಾಬ್ ಬಚ್ಚನ್ ಮತ್ತು ವಿರಾಟ್ ಕೊಹ್ಲಿ ಸೇರಿ ಹಲವು ಗಣ್ಯರ ಪ್ರತಿಮೆಗಳೂ ಸಹ ಕಾಣಸಿಗುತ್ತವೆ.
ಇತ್ತ ಮೇಡಂ ಟುಸ್ಸಾಡ್ಸ್ನಲ್ಲಿ ಸುಶಾಂತ್ ಪ್ರತಿಮೆ ನಿರ್ಮಾಣಕ್ಕೆ ಲಂಡನ್ನಲ್ಲಿ ನೆಲೆಸಿರುವ ಸೋಫಿ ರೆಹಮಾನ್ ಎಂಬುವವರು ಅಭಿಯಾನ ಆರಂಭಿಸಿದ್ದಾರೆ. ‘ಸುಶಾಂತ್ ಎಂದಾಕ್ಷಣ ಆತನ ದುರಂತ ಅಂತ್ಯ ನೆನಪಾಗಬಾರದು. ಒಳ್ಳೊಳ್ಳೆ ಸಿನಿಮಾಗಳನ್ನೂ ಚಿತ್ರರಸಿಕರಿಗೆ ನೀಡಿದ್ದಾರವರು. ಸಾಮಾಜಿಕ ಕಳಕಳಿಯ ಮತ್ತು ಮಹಿಳಾ ಪರ ನಿಲುವು ಸುಶಾಂತ್ ಅವರದ್ದಾಗಿತ್ತು. ಹಾಗಾಗಿ ಅವರು ಈಗಲೂ ನಮ್ಮ ಜತೆಗಿದ್ದಾರೆ. ಅವರ ಆ ನೆನಪನ್ನು ಮೇಡಂ ಟುಸ್ಸಾಡ್ಸ್ನಲ್ಲಿ ಪ್ರತಿಮೆ ನೋಡಬೇಕೆಂದು ಸಾಕಷ್ಟು ಮಂದಿಯ ಕನಸಿದೆ’ ಎಂದಿದ್ದಾರವರು.
ಇದನ್ನೂ ಓದಿ: ಹಾಗಾದ್ರೆ ಕಂಗನಾ ಸಹ ಸಾಫ್ಟ್ ಪೋರ್ನ್ ನಟಿಯಾ?ಇದು ನೆಟ್ಟಿಗರ ಪ್ರಶ್ನೆ …
ಇನ್ನು ಬಾಲಿವುಡ್ನ ಬಹುತೇಕ ಸ್ಟಾರ್ ಕಲಾವಿದರೆಲ್ಲ ಮೇಣದ ಪ್ರತಿಮೆ ಲಂಡನ್, ಸಿಂಗಾಪುರ್ ಸೇರಿ ಹಲವೆಡೆ ಪ್ರದರ್ಶನಕ್ಕಿಡಲಾಗಿದೆ. ಅದೇ ರೀತಿ ಸುಶಾಂತ್ ಅವರ ಪ್ರತಿಮೆಯೂ ತಲೆಯತ್ತಲಿ ಎಂಬುದು ಅಭಿಮಾನಿಗಳ ಆಸೆ. (ಏಜೆನ್ಸೀಸ್)
ರವಿಕಿಶನ್ ದಿನ ಶುರುವಾಗ್ತಿದ್ದೇ ಮಾದಕವಸ್ತುಗಳಿಂದ … ಅನುರಾಗ್ ಸ್ಫೋಟಕ ಹೇಳಿಕೆ