ಮೂರ್ಖರಾಗಬೇಡಿ... ಹಿಟ್​​ಮ್ಯಾನ್​ ಕುರಿತು ಅಂಪೈರ್​ ಅನಿಲ್ ಚೌಧರಿ​ ಹೀಗಂದಿದ್ಯಾಕೆ

ನವದೆಹಲಿ: ಟೀಮ್​ ಇಂಡಿಯಾದ ನಾಯಕ ರೋಹಿತ್​ ಶರ್ಮ ತಮ್ಮ ಶಾಂತ ಸ್ವಭಾವದಿಂದಲೇ ಹೆಚ್ಚು ಖ್ಯಾತಿ ಪಡೆದಿರುವವರು. ಮೈದಾನದಲ್ಲಿ ಎಷ್ಟೇ ಒತ್ತಡದ ಪರಿಸ್ಥಿತಿ ಇದ್ದರೂ ಅದನ್ನು ಕೂಲ್​ ಆಗಿ ನಿಭಾಯಿಸುವ ಹಿಟ್​ಮ್ಯಾನ್​ ಕೋಪಗೊಂಡಿರುವುದು ಕೆಲವೇ ಕಲವು ಸಂದರ್ಭಗಳಲ್ಲಿ ಮಾತ್ರ. ಮೈದಾನದಲ್ಲಿ ಏನಾದರೂ ಆದರೆ ಬೇಗನೆ ಮರೆಯುವ ರೋಹಿತ್​ರನ್ನು ಸ್ಮಾರ್ಟ್​ ಎಂದು ಕರೆದಿರುವ ಅಂಪೈರ್​ ಅನಿಲ್​ ಚೌಧರಿ ಹಿಟ್​ಮ್ಯಾನ್​ ಕುರಿತು ಕುತೂಹಲಕಾರಿ ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ.

ಅನಿಲ್​ ಚೌಧರಿ 50ಕ್ಕೂ ಹೆಚ್ಚು ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಅಂಪೈರ್​ ಆಗಿ ಕಾರ್ಯನಿರ್ವಹಿಸಿರುವ ಇವರು ಟೀಮ್​ ಇಂಡಿಯಾ ನಾಯಕ ರೋಹಿತ್​ ಶರ್ಮ ಕುರಿತು ಮಾತನಾಡಿದ್ದು, ಈ ವಿಚಾರ ಸಖತ್ ವೈರಲ್​ ಆಗುತ್ತಿದೆ. ಅನ್​ಪ್ಲಗ್ಡ್​ ಎಂಬ ಯೂಟ್ಯೂಬ್​ ಚಾನೆಲ್​ನ ಪಾಡ್​ಕಾಸ್ಟ್​ನಲ್ಲಿ ಈ ಕುರಿತು ಮಾತನಾಡಿರುವ ಅನಿಲ್​ ಹಲವು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ಸುಳ್ಳು ಸತ್ಯಕ್ಕಿಂತ ವೇಗವಾಗಿ ಹರಡುತ್ತೆ; ಲೈಂಗಿಕ ಕಿರುಕುಳ ಆರೋಪದ ಕುರಿತು ಮೌನ ಮುರಿದ ನಟ ಜಯಸೂರ್ಯ

ನಾನು ನೋಡಿದಂತೆ ರೋಹಿತ್​ ಒಬ್ಬ ಬುದ್ಧಿವಂತ ಆಟಗಾರ. ಯಾವುದೇ ಪರಿಸ್ಥಿತಿ ಇದ್ದರೂ ಆತ ತುಂಬಾ ಕ್ಯಾಶೂಯಲ್​ ಆಗಿ ಕಾಣಿಸುತ್ತಾನೆ. ಆದರೆ, ನೀವು ಹಾಗೆಂದುಕೊಂಡು ಮೂರ್ಖರಾಗಬೇಡಿ. ಅವನ ಆಟದ ಸೆನ್ಸ್​ ತುಂಬಾ ಚೆನ್ನಾಗಿದೆ. ಆತ ಬ್ಯಾಟಿಂಗ್​ ಮಾಡುವಾಗ ಬೌಲಿಂಗ್​ ವೇಗ 120 ಕಿ.ಮೀ ಎಂದು ತೋರುತ್ತದೆ. ಆದರೆ, ಬೇರೆಯವರು ಬ್ಯಾಟಿಂಗ್​ ಮಾಡುವಾಗ 160 ಕಿ.ಮೀ ವೇಗ ತೋರುತ್ತದೆ. ಆತ ಅಂಪೈರ್​ಗಳ ಬಳಿ ಸಾಕಷ್ಟು ಮನವಿ ಮಾಡುತ್ತಾನೆ. ಆದರೆ, ಅದು ಪ್ರಾಸಂಗಿಕವಾದರೂ ಆತ ಬೇರೆ ಏನ್ನನೋ ಯೋಚನೆ ಮಾಡುತ್ತಿರುತ್ತಾನೆ.

ರೋಹಿತ್​ನಂತಹ ಆಟಗಾರರು ಫೀಲ್ಸ್​ನಲ್ಲಿರುವಾಗ ನಮಗೆ ಅಂಪೈರಿಂಗ್​ ತುಂಬಾ ಸುಲಭವಾಗುತ್ತದೆ. ಏಕೆಂದರೆ ಆತ ಯಾವುದಾದರೂ ಮನವಿ ಮಾಡುವಾಗ ಕರೆಕ್ಟ್​ ಆಗಿ ಇರುತ್ತದೆ. ಆತ ಆಡುವಾಗ ಎಂದೂ ಗೊಂದಲಕ್ಕೀಡಾಗುವುದಿಲ್ಲ. ಆತ ಬಹಳ ಸ್ಮಾರ್ಟ್​ ಇದ್ದಾನೆ ಎಂದು ಅಂಪೈರ್ ಅನಿಲ್​ ಚೌಧರಿ ರೋಹಿತ್​ ಶರ್ಮ ಕುರಿತು ಖಾಸಗಿ ಚಾನೆಲ್​ನ ಪಾಡ್​ಕ್ಯಾಸ್ಟ್​ನಲ್ಲಿ ಹೇಳಿದ್ದಾರೆ.

https://www.vijayavani.net/by-vijayendra-slams-congress-government-over-corruption-allegations

https://www.vijayavani.net/who-is-priyansh-arya-youngster-who-set-delhi-premier-league-on-fire-with-6-sixes-in-an-over